1.Та өглөө босоод ажилдаа явтлаа юу хийдэг вэ?  

Ойрд миний нуруу өвдөөд байгаа учраас нурууны дасгал маш идэвхтэй хийж байгаа. Өглөө  хамгийн түрүүнд нурууны дасгалаа л бодож сэрж байна даа.

2. Ажилд тань хамгийн их тусалдаг гурван зуршил юу вэ?

Аав минь сууж сурах ёстойг багаас минь ойлгуулсан. Сууж сурах гэдэг бүх ажлын эхлэл юм. Энэ зуршил яагаад ч өөрчлөгдөхгүй тархинд минь суусан даа. Гадаа сагс тоглож байгаа хүүхдүүдтэй хамт тогломоор байсан ч яг хоёр цаг хичээлээ л хийдэг байлаа. Нийгмийн идэвх, аливаа ажилд оролцъё гэсэн зүтгэл байна. Хүүхдүүд том болчихлоо, ажлаа чөлөөтэй хийх боломжтой болчихдог насны онцлог байдаг юм байна шүү дээ. 

3. Та ямар хоббитой вэ? Энэ хобби таны ажилд яаж нөлөөлдөг вэ?  

Монголчуудын генийн онцлог бол хөдөө гарч, морь мал унах юм. Мэдээж дасгал хийх бол стресстээ тайлах нэг арга мөн. Надад хөдөө гарч малтай ойрхон байх нь хамгийн сайн стресс тайлдаг юм шиг санагддаг.

4. Та өөрийнхөө 25 настайдаа очвол юу гэж зөвлөх байсан бэ?

Яг энэ талаар бодож байгаагүй юм байна. Тийм гээд зөвлөчих онцгой зүйл алга даа. 

5. Заримдаа хүмүүст хатуу үг хэлэх шаардлагатай үед яаж хэлдэг вэ? 

Нас ахих тусам чанга хэлье гэж боддог болсон. 40 хүртэл танк шиг бай гэж аав маань захьдаг. 40-өөс хойш танк чинь угаасаа унтраад эхэлдэг. Тэгэхээр хүчтэй цовоо байх л хэрэгтэй.

6. Арал дээр ганцаараа үлдэнэ гэвэл ямар ном авч явах вэ?

Одоо Ipad үүсчихсэн байна шүү дээ. Тэгэхээр тусгайлан ном гэж сонгохгүйгээр Ipad дээрээ ахиухан ном, подкаст авч явна даа. 

7. Таны амьдралдаа авч байсан хамгийн үнэтэй зөвлөгөө?

Нэг хэсэг би хүнийг жигтэйхэн сургадаг юм шиг бодож явдаг байсан байна лээ. Тухайн үед хуулийн зөвлөгөө өгч байхдаа хажуугаар нь бас амьдралын зөвлөгөө өгөөд байсныг манай нэг ах анзаарчихсан байж. Тэр ах “Миний дүү Гүнбилэгээ, чи хүнээс зөвлөгөө авах гээд эсвэл хүнд зааж сургах гээд яваад байх юм. Тэртээ тэргүй амьдрал чамайг сургана” гэж хэлж байсан нь их үнэн санагддаг. Ямар нэг зүйл болвол зовлоо гэж бодохгүйгээр бэлтгэлтэй л байх хэрэгтэй. Зовлон гэдэг харьцангуй шүү дээ. Эргээд бодоход тэр зовлон өчүүхэн л зүйл байдаг. 

8. Ажлын чинь хамгийн сонирхолтой хэсэг юу вэ?

Улс төрчидтэй ажилладаг хэсэг нь хамгийн их стресстэй. Улс төрийн шийдвэр, хуулийн шийдвэр яаж гарах тал дээр нийгмийн хүлээлт өөр байдаг. Харин миний хувьд нэг байх ёстой гэж боддог. Загнах үедээ загнаад л явах үе гардаг даа. 

9. Ажил мэргэжлийнхээ талаар юу гэж боддог вэ?

Энэ мэргэжилгүйгээр нийгэм оршихгүй. Би үүнд бат итгэлтэй байдаг. 

 

1 Star2 Stars3 Stars4 Stars5 Stars (No Ratings Yet)
Loading...
Б. Билэгт

Энтрепренершипийг хэрхэн аврах вэ?

Өмнөх нийтлэл

Боломж тээсэн даатгалын зах зээл

Дараагийн нийтлэл

Сэтгэгдэл

Сэтгэгдэл үлдээх

Таны и-мэйл нийтэд харагдахгүй. * тэмдэглэсэн талбарыг заавал бөглөнө үү.

This site uses Akismet to reduce spam. Learn how your comment data is processed.

Танд санал болгох