1843 онд Английн Лондон хотод Ж.Уилсон хэмээх эрхмийн эрхлэн гаргаж байсан нэгэн жижгэвтэр сэтгүүл өдгөө дэлхий даяар хэвлэмэл болон онлайн сэтгүүл зүйн бүтээлээ хүргэдэг томоохон медиа групп болгон өргөжжээ. Ирэх онд 180 жилийн ойгоо тэмдэглэх тус нэр хүндтэй сэтгүүлтэй өдгөө 11 жилийн ойтойгоо золгож буй “Mongolian Economy” сэтгүүл түншлээд даруй долоон жил өнгөрөв.
Энэ хугацаанд хоёр талын хамтын ажиллагааны үр шим нь “Дэлхий” сэтгүүл болсоор ирлээ. Ирэх оны дүр зургийг тив бүрээр, супер гүрэн тус бүрээр мөн санхүү, бизнес, шинжлэх ухаан, технологи, урлагийн салбарыг оролцуулан тоймлодог тус сэтгүүлийг дэлхийн олон улс албан ёсны онцгой эрхийн хүрээнд эх хэлээрээ эрхлэн гаргадаг юм. Монгол Улс ч тэдгээр улсын тоонд албан ёсоор багтаж буй.
2022 оны дэлхийг тольдон буй энэ удаагийн шинэхэн дугаарт нийт 150 нийтлэл, 15 салбар, 81 улсын чиг хандлага, мэдээлэл, үзүүлэлтийг багтаажээ.
Энэ удаагийн дугаараас гэрээсээ болон оффист ажиллахын сул болон давуу тал, ажилчдын эрх ашиг, олон улсын тээвэр логистикийн сүлжээний нөхцөл байдал, төрөл бүрийн салбарт хийгдэж буй дижитал шилжилт, Европ-Америк-Хятадыг хамарсан геополитик, технологи, бизнесийн өрсөлдөөн, крипто зах зээл, инфляц, ногоон ирээдүй гээд ойрын хугацаанд дэлхийн өнгө төрхийг тодорхойлох онцлох олон үйл явдлын талаар Economist-ийн сэтгүүлч, шинжээчдийн бичсэн тойм, анализыг унших боломжтой.
Цар тахлын хүнд үеэс дөнгөж сэргэж буй 2022 оны дэлхийн тухай хамгийн үнэн зөв, найдвартай мэдээллийг уншиж, улмаар зөв шийдвэр гаргахад тань туслах “Дэлхий 2022” сэтгүүлийн талаар подкастынхаа энэ дугаараар ярилцлаа.
Зочид: Mongolian Economy сэтгүүлийн Ерөнхий редактор Н.Энхбаяр, сэтгүүлч Т.Амаржаргал
Хөтлөгч: Г.Даваадорж, Business.mn сэтгүүл, сайтын редактор
Контент хөгжүүлэгч: П.Энхтүвшин
Подкаст сонсох холбоосууд:
Youtube M plus Apple Podcasts Google Podcasts Spotify
Подкасттай холбоотой та бүхний коммент, асуулт, санал хүсэлтийг info@business.mn хаягаар хүлээж авч байна.
Эрхлэн гаргагч: The Economist сэтгүүл
Монгол дахь онцгой лиценз эзэмшигч: Экономи Медиа ХХК
Үнэ: 44,000₮
Сэтгүүл захиалах: https://biz.mn/worldIn2022
