Ирэх тавдугаар сарын 1-нээс Хувь хүний мэдээлэл хамгаалах тухай хууль хэрэгжиж эхэлнэ. Ингэснээр байгууллагууд ажилтнуудын хурууны хээг уншуулж ирц бүртгэх, нэвтрүүлэх боломжгүй болно.
Тэгвэл хувь хүний биометрик мэдээллийг авахгүйгээр, технологийн давуу талыг ашиглан ирц бүртгэх үйлчилгээ манай зах зээлд хэдийнээ орж иржээ. Ай Ти Зон компани нь байгууллагуудад зориулсан “Suprema Mobile Access” нэртэй, ухаалаг гар утасны тусламжтайгаар ирц бүртгүүлэх, нэвтрэх боломжийг олгодог шинэ шийдлийг санал болгож байна. Уг систем нь хурууны хээ, нүүр царай зэрэг хүний хувийн мэдээллийг ашиглахгүйгээр ирц бүртгэх, байгууллагад нэвтрүүлэхэд зориулагдсан бөгөөд цаг зав, зардлыг тань хэмнэнэ.
Энэхүү системийн байгууллагад олгох хамгийн чухал 3 үнэ цэн:
- Хэрэглэхэд хялбар
Suprema Mobile Access нь биет карт ашиглахгүйгээр ухаалаг гар утсаа ашиглан ирц бүртгүүлэх, нэвтрэх боломжийг олгодог. Өөрөөр хэлбэл, эрх бүхий ажилтан биедээ нэвтрэх үнэмлэх авч явах шаардлагагүй, картаа гээх болон бусдад шилжүүлэх эрсдэл байхгүй болно гэсэн үг.
Байгууллагаас эрх бүхий хүмүүст виртуал үнэмлэх үүсгэх линкийг имэйлээр явуулах ба ажилтан энэхүү линкээр нь ухаалаг утсандаа “Suprema Airfob Pass” аппликэйшнийг суулгаад л өөрийн виртуал нэвтрэх үнэмлэхтэй болох юм. Ингэснээр ажилтан гар утсаа RFID уншигчид 10 см-ийн зайд ойртуулахад л хангалттай. Уг программ нь өнөөдөр зах зээлд ашиглаж буй Suprema брэндийн нүүр болон хурууны хээ таних олон төрлийн төхөөрөмж дээр ажиллана.
- Хэмнэлттэй
Биет карттай харьцуулахад карт, үнэмлэх хэвлүүлэх, алдсан бол дахин шинээр гаргуулах зэрэг ашиглалтын зардал гарахгүй. Ажилтанд шинээр нэвтрэх эрх олгох, эрхийг хүчингүй болгох зэрэг үйл явцыг онлайнаар хялбар удирдах боломжтой гэдгээрээ онцлогтой. Ажилтан бүр ухаалаг утсаа нэвтрэх эрхтэй болгон ашигласнаар картаа алдах, хамгийн чухал нь бусдад дамжуулах эрсдэлээс сэргийлнэ. Үүнээс гадна биет картын хэрэглээг арилгаснаар байгальд ээлтэй гэдгийг мартаж болохгүй.
- Аюулгүй
Гар утас алга болсон үед гар утасны хандалтыг цуцалж, нэвтрэх эрхийг хязгаарлана. Хүмүүс утсаа хэн нэгэнд өгөхөөс татгалздаг тул зөвшөөрөлгүй хэн нэгэн таны өмч рүү нэвтрэхээс сэргийлнэ. Уг программ нь бүх төрлийн ухаалаг гар утсан дээр Bluetooth, NFC дэмжин ажиллах бөгөөд санамсаргүй нэвтрэлтээс сэргийлж, нэг секунд хүрэхгүй хугацаанд нэвтрэлт таних боломжтой.
Дэлгэрэнгүй мэдээлэл авахыг хүсвэл та энэ холбоосыг дарж холбогдох мэдээллийг бөглөөрэй. Ажлын 8 цагийн дотор холбогдон шаардлагатай мэдээллийг илгээх болно.
wpDiscuz