HR

2019 оны топ 10 Linkedin хуудас

0

2019 оны топ 10 Linkedin хуудас

Эрхлэгчийн зурвас: 2020 оноо угтаж бид 2019 оны Линкедин-ий маркетингийн блог дээрх алдартай постуудаа эргэн нэг  харж байна. Энэ удаагийн жагсаалт 7 дахь удаагийх. 

2019 ОНЫ ШАЛГАРУУЛАЛТАД ОРОЛЦОГСДЫН ТООН МЭДЭЭЛЭЛ

  • Нийт нэр дэвшсэн хуудасны тоо : 12,000+
  • Оролцсон гишүүдийн тоо: 9,234
  • Оролцсон компаниудын тоо: 2,000+
  • Оролцсон орны тоо: 111

·         Линкэдин дээрх #bestofpage Hashtag-ийг дагагчдын тоо: 1,398

2019 оны тоp 10 LinkedIn хуудас

  1. Teleperformance
  2. Hays
  3. Deloitte
  4. Cvent
  5. Hotmart
  6. Jabil
  7. Cognixia
  8. Aurecon
  9. Philips
  10. Jacobs

2019 оны шилдгүүдэд аль хэдийн танил болсон байгууллагаас гадна цоо шинэ гишүүн, мөн төрөл бүрийн үйл ажиллагаатай байгууллагууд багтжээ. Доор ялагчдын талаар, мөн тэд LinkedIn дээр юугаараа онцгойрч, юуг хамгийн сайн хийж чадсан талаар товч танилцуулъя.

#1: Teleperformance

Teleperformance нь бусдад санаа авч болохуйц бодит видео бичлэг, богинхон мөн цахим орчинд хурдан цохилт өгөхүйц, сонирхолтой контентуудыг ойр ойрхон хуваалцдаг. Хамгийн гол нь үүнийгээ ямар ч дуугүйгээр тун хялбар товч тодорхой илэрхийлдэг юм. Энэхүү брэнд видеондоо алдартай компаниудын манлайлагчдыг багтаахаас гадна гуравдагч эх сурвалжийн баталгаатай статистик мэдээллийг оруулдаг байсан нь жагсаалтыг тэргүүлэхэд хүргэжээ.

#2: Hays

Hays нь PDF дээр суурилсан маш сайн контентыг бүтээж хэрэглэхэд хялбараар тун шуурхай хуудасдаа нийтэлдэг. Тухайлбал тэд хуудсаараа дамжуулан цахим сэтгүүл, “Хейс” тэмдэглэл зэргийг гарган өөрсдийн брэнд болгож чадсан. Тэдний бас нэг онцлог зүйл бол албан ёсны судалгааны материалуудыг танилцуулж, илүү их агуулга бүхий контентыг санал болгоход анхаардаг. Мөн #WorldMentalHealthDay гэх мэт санаачлага гаргаж өөрсдийн Блог дээрх мэдээллийн холбоосуудыг хамтатгаж өгдгөөрөө ялгардаг юм.

#3: Deloitte

Дараагийн нэр дэвшигч бол хүчирхэг мэдээллийг багтаасан “LIFE” хуудастай Делойтте. Тэд жинхэнэ ажил эрхлэгчдийг харуулсан видео бичлэгээр өөрсдийн компанийн соёлыг сурталчлахаас гадна ажил горилогчдыг онцолж таниулдаг. Нэмж хэлэхэд тэд LinkedIn дээрх хуудсаараа дамжуулж  аливаа арга хэмжээний бүртгэл хийхээс гадна үүндээ компанийн удирлагуудыг онцлон оролцуулдаг.  Энэ нь илүү их хандалт авахын тулд удирдлагын хүчийг тун ухаалгаар ашигласан шийдлийн жишээ болж чадсан.

#4: Cvent

Cvent-н мэдээллийн хуудсыг ерөнхийд нь харвал тэд өөрсдийн агуулгыг нэн хэрэгцээтэй, үзэгчдэд хамааралтай байлгахад анхаарч энэ чиглэлийн контентыг түлхүү нийтэлдэг.  Тодруулбал арга хэмжээ, үйл ажиллагааны төлөвлөлт, тэдгээрийн технологи,  GDPR-ийн талаархи  бичлэгийг энэ хуудсаас үзэж болно.

#5: Hotmart

Hotmart компани аль хэдийнэ LinkedIn хуудсан дээр хүлээн зөвшөөрөгдсөн хөгжилтэй байдлаар эможи ашиглан бичдэг постуудаараа ялгарчээ. Тэд хуудсаараа аливаа амжилт, түүхэн ой, тэмдэглэлт өдрүүдээ онцолж олон нийттэй тэмдэглэдэг. Энэ нь бизнесийн салбарт хүмүүс ямар чухал болохыг харуулжээ.

#6. Jabil

Jabil хуудас ахмад дайчдын өдөр, хөхний хорт хавдрын судалгаа, Америкийн Зүрхний холбоо гэх мэт орон нутгийн арга хэмжээнд оролцож, хүрээлэн буй орчиндоо хүчтэй нөлөөлөхүйц #JabilCares санаачлагыг гаргадаг. Тэд ажилчдын нүүр царай, дуу хоолойны бичлэг, олон нийтрүү хандсан ажлыг идэвхижүүлснээр ажилчдын олон талт байдал, оролцоог нэмэгдүүлэхэд анхаардаг байна. Бид тэдний хуудастаа хуваалцсан ишлэл картуудын томоохон фенүүд юм шүү.

#7. Cognixia

Cognixia нь салбарынхаа гол асуудлуудыг шийдэх агуулга бүхий үндсэн видео, блогийг тогтмол хуваалцаж үүнийгээ брэнд болгож чадсан. Тэдний хуудсан дээрх RTA хувьсгал, 5G, дижитал өөрчлөлт, ажилчдын эрэл хайгуулын талаархи бичлэгүүд дээр анхаарлаа хандуулахыг зөвлөе. Энэ ажлынхаа хүрээнд тэд ухаалаг хэрэглээг үндэслэн вэбинаруудад зориулж мэдлэг дээшлүүлэх, хөтөлбөр зарлаж үүндээ LinkedIn-ийг бүртгэлээ нэмэгдүүлэх гол хэрэгсэл болгон тун сайн ашигладаг.

#8. Aurecon

Aurecon нь LinkedIn хуудсан дээрээ зочдын онцолсон үйл явдал, зураг, ишлэл, дуу хоолойны бичлэг гэх мэт олон зүйлсийг дамжуулдаг нэгэн алдартай подкаст ажиллуулдаг. Энэ нь дагагчдын хүсэл сонирхолтой нийцэж олон янзын, гайхалтай агуулгыг бүтээж чаддаг аж.

#9. Philips

Тэд бол LinkedIn дээрх видео бичлэгийн мастерууд. Бид тэдний “LinkedIn LIVE” ашиглан  гаргасан  “Peek Behind the Scenes” кинонд дуртай. Үүнээс гадна уншигчдынхаа амьдралын хэв маягтай холбоотой энгийн асуултууд тавьдаг. Тухайлбал уншигчдынхаа унтах дадал зуршлын талаар “Бид яагаад унтдаг вэ?”  гэсэн асуулт оруулахад 66 коммент ирсэн бөгөөд энэ нь энгийн асуулт  оролцоог хэрхэн өдөөж болдгийн  тод жишээ болжээ.

#10. Jacobs

Jacobs нь хуудасныхаа давуу тал болгож видео контентуудаа үргэлж нүүрэнд харагдаж байхаар байрлуулдаг. Энэхүү онцолсон бичлэгийг нь 42,000 гаруй удаа үзэж, 1500 хариу үйлдэл үзүүлжээ. Мөн бусдын  адил тэд LinkedIn-ийг авъяас чадвараа онцлон харуулах арга хэрэгсэл болгон ашигладаг бөгөөд “Долоо хоногийн онцлох ажил” цуврал нийтлэлээрээ дамжуулж олон төрлийн ажилд анхаарлаа хандуулж чаддаг байна.

 

 

 

1 Star2 Stars3 Stars4 Stars5 Stars (No Ratings Yet)
Loading...
Б.Болорцэцэг

А. Сүхдорж: Мөнгө кодлогч

Өмнөх нийтлэл

Өглөөний найз

Дараагийн нийтлэл

Сэтгэгдэл

Сэтгэгдэл үлдээх

Таны и-мэйл нийтэд харагдахгүй. * тэмдэглэсэн талбарыг заавал бөглөнө үү.

This site uses Akismet to reduce spam. Learn how your comment data is processed.