Google компанийн Эрик Шмидт /Eric Sсhmidt/ захирал 5 көүчтэй. Тэрбээр “Би цагтаа 10 көүчтэй байсан. Та асуудлаа нэг хүний нүдээр харсан нь дээр үү, 10 хүний нүдээр харсан нь дээр үү” хэмээсэн байдаг. Лидер байгаагийн гол нууц нь хэчнээн сайн захирал байна төдий чинээ көүч зөвлөх хэрэгтэй гэсэн үг. Түүний жишгээс харахад хамгийн сайн захирал хамгийн их өөрчлөгдөж, сурахыг хүсдэг. Үүнийг шинэ бизнесийнхэн, захирлууд олж харах хэрэгтэйг “Хархорум дижитал” академийн үүсгэн байгуулагч Д.Энхбат онцолсон. 

Көүч гэж хэн бэ?

Д.Энхбат: Көүч нь дасгалжуулагч гэсэн үг. Харин дасгалжуулагч, багш хоёр ямар ялгаатайг ихэнх хүн мэддэг. Көүч нь нэг талаас мэдлэгээ зааж сургана. Нөгөө талаас яг тэр хүний өөрийнх нь арга барил, ажиллаж буй систем, тодорхой цэгүүдэд богино хугацаанд үр дүнтэйгээр багш шиг зөвлөгөө өгнө. Хоёрдугаарт тухайн хүнтэйгээ өөрийн хэрэгжүүлж буй шинэ арга барилыг дахин дахин хийлгүүлж, шалгаж, хамтарч ажиллаж тэр хүнийхээ дараа дараагийн өсөлтийнх нь арга хэмжээнд оролцдог. Бизнесийн көүч гэдэг нь бизнесийн багш гэхээс илүү бизнест яг хэрэгтэй тодорхой асуудлаар мэргэшсэн яг тэр хүнтэй адилхан асуудалтай олон хүнтэй ажилласан туршлагажсан хүн. Бизнес эрхлэгчид өөртөө байгаа асуудлаа маш хэцүү хүнд асуудал гэж ойлгоод байдаг. Гэтэл яг тийм асуудалтай зуу зуун бизнес бий. Нөгөөтэйгүүр үүнийг аль хэдийн засаад амжилттай яваа бизнесүүд бий. Тэгэхээр тэр зовлонг өөрөө туулах биш түүнийг туулсан хүмүүсээс сурч тэрийг нэгтгэж боловсруулж байгаа көүч багш нартай ажиллавал эцэстээ ганц л зүйлийг хожиж байгаа юм. Өөрөө сурч болно. Тэгвэл арван жил сурна. Көүчтэй сурвал хоёрхон сарыг зарцуулна. Тийм учраас көүч тухайн хүнд ердөө цагийг нь хэмнэж өгч байгаа юм.

Хүн өөрийгөө бурхан гэж бодож байвал багш хэрэггүй. Бурхнаас арай доогуур тавьж үзвэл багш хэрэгтэй.

Захирлууд сурч сурах хэрэгтэй

Д.Энхбат: Өдгөө бизнест маш олон асуудал тулгарч байна. Сүүлийн жилүүдэд захирлуудтай ажиллаж байхад нийтлэг хамгийн гол алдаа нь захирлууд сурах ёстой гэдгээ ойлгоогүй байна. Өөрөөр хэлбэл өөрт нь көүч хэрэгтэй гэдгийг ойлгохгүй байгаа. Өөрөө арав, хорин жил шавар дундуур туулаад явчихсан. Гэтэл түүнийг зааж, сургадаг соёл монголд шинээр орж ирж байна. Хоёрдугаарт тэр көүчээ хаанаас олох, яахаа мэддэггүй. Гуравдугаарт нь тэр хүн шинэ юм сурахад цаг гаргах хэрэгтэй, гэрийн даалгавар хийх хэрэгтэй, товчхондоо сурч сурах хэрэгтэй. Захирлууд арав, хорин жилийн өмнө сурах гэдгээ мартчихсан байдаг. Дандаа өөрөө хүмүүс удирдаж босс байсаар байгаад сурчихсан. Өөрөө сурагч гэдгээ мартчихсан байдаг. Өөрөө буцаж сурах горимондоо ороход бэлтгэл хэрэгтэй.

Ихэнх хүмүүс бизнесийг ажлын байр гэж хардаг. Бизнес хүн өөрөө мундаг ажил хийдэг хүн байх биш угтаа мундаг ажил хийдэг машиныг зохион бүтээж байгаа юм. Өөрөө учиргүй 24 цаг гүйцэтгэх биш экскаватор зохион бүтээх хэрэгтэй. Тэгэхээр өнөөдөр манай захирлууд ажил бизнес хоёроо ялгадаггүй. Эндээс үндэслээд бизнесийг яаж бий болгодог тэр системийг яаж бүрэлдүүлж бий болгодогт суралцах хэрэгтэй. Монголын компаниуд морин тэргийг машин болгох тухай бодохгүй зүгээр л илүү хурдан морьтой болохыг бодоод байдаг.

 

1 Star2 Stars3 Stars4 Stars5 Stars (2 votes, average: 5.00 out of 5)
Loading...
Г.Орхон

COVID-19-ийн үеийн бизнест хэрэгтэй контентуудыг ганцхан линкээр:

Previous article

Бизнес хаалгаа барих нь

Next article

Comments

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You may also like