Үнэнч хэрэглэгч бол ямар ч бизнесийг амжилтад хүргэх түлхүүр билээ. Учир нь тэд хамгийн хүчтэй нөлөөллийг бий болгож, хамгийн сайн маркетингийг хийдэг бөгөөд орлогын дийлэнх хувийг бүрдүүлж байдаг. Түүнчлэн, тэдний хуваалцсан санал шүүмж үйл ажиллагаагаа тогтмол сайжруулах байгууллагын хөгжилд ихээхэн хувь нэмэр оруулдаг. 

АНУ-д төвтэй аялал жуулчлалын Гранд Серкл хэмээх гэр бүлийн жижигхэн компани дэлхийн олон тивийг хамарсан корпораци болсон нууц нь хэрэглэгчдийнхээ сэтгэл ханамжид ихээхэн ач холбогдол өгсөнд оршдог. Тэд нэг гэлтгүй үйлчлүүлэгч бүрийнхээ санал гомдлыг бизнес хөгжүүлэлтдээ тусгаснаар сүүлийн 30 гаруй жилийн хугацаанд хэрэглэгчийн сэтгэл ханамж нь 50 хувиас 90 хувь хүртэл нэмэгджээ. 

Аль ч салбарын бизнест хэрэглэгчдийнхээ сэтгэл ханамжийг нэмэгдүүлж, улмаар үнэнч хэрэглэгчдийг бий болгоход дэм болох тус компанийн туршлагаас хуваалцаж байна. 

Эрхэм зорилго, үнэт зүйлс

Байгууллагын алсын хараа, эрхэм зорилго цаасан дээр бус ажилтан бүрийн оюун санаа, сэтгэл зүрхэнд байх нь чухал. Учир нь эцсийн зорилгоо ойлгож мэдсэн хүн л түүндээ хүрэхийн төлөө сэтгээлээсээ үйлчилдэг. Түүнчлэн нээлттэй харилцаа, багаар ажиллах, дасан зохицох чадвар, хурд, чанар зэрэг үнэт зүйлсээ ажилтан шалгаруулах болоод түншээ сонгохдоо ч баримтлах хэрэгтэй. 

Байгууллагын соёл

Тус компанийн хувьд ажилтнуудад асуудал байгаа бол цаг тухай үед нь холбогдох хүнд нь хэлж, шийдэл санал болгоход сургадаг. Шалтаг тоочих, гомдоллох, хов ярихыг хатуу хориглоно. Хүн бүрийн үүрэг тодорхой бөгөөд бие биедээ шаардлага тавьж чаддаг байх ёстой. Өөрийн ажлаар бусдын ажлыг уяхгүй. Бусдаас ичиж, санаа зоволгүй тусламж хүсэж чаддаг байх, асуулгалгүйгээр бие биедээ тусалдаг. Feedback буюу санал, шүүмжийг албан тушаал хамааралгүй солилцож сурах. Биеэ өмөөрч шалтаг тоочилгүй хүлээн авах. Эдгээр дадлыг ажилтан бүрдээ хэвшүүлснээр тэдний чадамж, бүтээмж дээшлэхийн хэрээр үйлчилгээний чанар, цаашлаад хэрэглэгчийн сэтгэл ханамж нэмэгдэх хөшүүрэг болж чаджээ. 

Сэтгэл ханамж, сэтгэл ханамж бас дахин сэтгэл ханамж

Тэд үйлчлүүлэгчдийнхээ сэтгэл ханамжийг байнга хэмжиж, ажилтнуудынхаа үнэлгээг тэдний сэтгэл ханамжтай уядаг. Ингэснээр таны ажлыг дарга бус үйлчлүүлэгч дүгнэх бөгөөд энэ нь үйлчилгээний чанар, бүтээмжийг нэмэгдүүлэхэд ихээхэн нөлөөлдөг. Түншүүдээ сонгох шалгуурыг ч үүнтэй холбодог бөгөөд доод тал нь 80 хувийн сэтгэл ханамжтай байх ёстой гэсэн шаардлага тавина. Үүнийг дагаад түншүүдийн чанар ч сайжирдаг. 

Мөн ганц гэлтгүй хүн бүрийн санал шүүмжийг тусгах зарчмыг баримтлан үйлчилгээгээ тасралтгүй сайжруулдаг. Сэтгэл ханамжийг үнэлэх маш сайн, сайн, боломжийн, тааруу гэсэн дөрвөн үнэлгээнээс зөвхөн маш сайн гэсэн үнэлгээг л хангалттайд тооцно. Ингэх нь үйлчилгээгээ илүү сайжруулж, хэрэглэгчдийн сэтгэлд хүргэх, улмаар үнэнч хэрэглэгчийг бий болгох чухал алхам болдог байна. 

Үнэнч хэрэглэгчдийн клуб 

Үнэнч үйлчлүүлэгчиддээ давуу эрх эдлүүлж, тэдэнд зориулсан клуб бий болгох нь чухал. Тухайлбал, тус байгууллагаар 20 үйлчлүүлсэн хэрэглэгчийг аяллын үед зураг авахад тохиромжтой суудалд суулгах, ачаа тээшийг нь хамгийн түрүүнд өрөөнд нь оруулж тавих гэх зэргээр онцгой анхаарал хандуулж, “эрхлүүлэх” нь чухал ач холбогдолтой байдаг. 

Түүнчлэн, үйлчлүүлэгчидтэйгээ биеэр уулзах, утас, имэйлээр судалгаа авах, арга хэмжээ зохион байгуулах зэрэг замаар санал шүүмжийг нь хүлээн авдаг. 

Үнэнч хэрэглэгчдийг бий болгохын үндэс болсон эдгээр болон бусад аргуудыг энэ долоо хоногийн “Бизнес цэнэг” вэбинарын үеэр АНУ-ын Гранд Серкл Корпорацийн Бизнесийн үйл ажиллагаа хариуцсан Дэд Ерөнхийлөгч О.Мөнхзаяа танилцууллаа.  “Зөвхөн танайхыг сонгодог хэрэглэгчидтэй болох нь” сэдвээр зохион байгуулсан энэхүү вэбинарыг бүтнээр нь үзэх бол  энд дарна уу.

Хархорум Дижитал Академи, Business.mn сэтгүүлээс Мягмар гараг бүр зохион байгуулдаг “Бизнес цэнэг” вэбинарт ирэх долоо хоногт Ганабелл Институтын сургагч багш Т. Амарсанаа “Бизнес загвараа хэрхэн шинэчлэх вэ? сэдвээр хичээл орно. 

Дараагийн вэбинарт бүртгүүлэх холбоос: https://academy.karakorum.digital/pages/webinars 

 

1 Star2 Stars3 Stars4 Stars5 Stars (1 votes, average: 5.00 out of 5)
Loading...
Б.Мишээл

Далайд гарсан чингэлэгийн тонн тутамд 320 орчим долларын зардлыг нэмж төлөхөөр байна

Өмнөх нийтлэл

Номын зах зээл сэргэнэ

Дараагийн нийтлэл

Сэтгэгдэл

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You may also like