Уул уурхайн бус экспортыг нэмэгдүүлэх, энэ чиглэлэд ААН-үүдийн чадавхыг бэхжүүлэх, экспортын зах зээлд нэвтрэх боломжийг өргөжүүлэх зорилго бүхий “Экспортыг дэмжих төсөл”-ийн Түншлэлийн хөтөлбөрийн хоёрдугаар цонх нээгдлээ. Дэлхийн банкны санхүүжилтээр ХХААХҮЯ-аас хэрэгжүүлж буй уг хөтөлбөрийн хүрээнд долдугаар сарын 30 хүртэл санхүүжилт, дэмжлэг авах хүсэлтэй ААН-үүдээс материал хүлээж авах юм.

“Экспортыг дэмжих төсөл”-ийн Түншлэлийн хөтөлбөрийн хүрээнд 2023 оныг дуустал нийт есөн удаа цонх нээгдэж, материал хүлээж авах бөгөөд нийт 4.9 сая ам.долларын санхүүжилтийг төсөвлөжээ. Санхүүжилт авах хүсэлтэй ААН, кластеруудад тавигдах шаардлага болон бүрдүүлэх материалтай холбоосоор орж танилцах боломжтой.

Хөтөлбөрийн хүрээнд экспортлогч ААН-д 10-150 сая төгрөг, кластерт 10-300 сая төгрөг хүртэлх буцалтгүй тусламж өгөх боломжтой. Энэхүү төсөл нь тоног төхөөрөмжийн хөрөнгө оруулалт бус бизнес эрхлэгчдэд экспортын чадавхыг бий болгох, хүний нөөцийг нь чадавхжуулах, экспортын чиглэлийг тодорхойлсон судалгаатай болгох, юу хийхийг нь тодорхойлсон экспортын төлөвлөгөөтэй болгох, экспортын маркетинг, чанарын удирдлага, үйлдвэрлэлийн удирдлагыг нь хөгжүүлэх ажлуудыг дэмжих зорилготой болохыг Түншлэлийн хөтөлбөрийн ахлах бизнес хөгжлийн зөвлөх М.Баттулга онцолсон юм. 

Мөн тэрбээр ААН-үүд гадаад зах зээлээ өөрсдөө судлалгүйгээр хаашаа экспортлох боломжтой, тухайн зах зээлд хэрхэн нэвтрэх боломж байгаа, хэнд зориулсан бүтээгдэхүүнийг хэнтэй өрсөлдөж санал болгох зэргээ судлалгүйгээр, зүгээр л зардал төлөвлөж орж ирж байна. Бид жижигхэн болохоор зах зээлийн судалгаа хэрэггүй гэж боддог нь буруу. Жижиг компани ч борлуулалт хийхийн тулд өөртөө таарсан өрсөлдөгч өөрийнх нь барааг авах хэрэглэгчээ тодорхойлох шаардлагатай. Манайхан азанд найдсан байдал эсвэл зүгээр олдсон мөнгийг нь авч аялаад ирье гэх байдлаар бүх мөнгөө экспо худалдаанд зориулах, эсвэл өдөр тутмын сурталчилгаанд зарцуулах гэх зэргээр төлөвлөж орж ирж буй алдаа их харагдаж байгааг анхааруулав. 

Түншлэлийн хөтөлбөрийн танилцуулгыг долдугаар сарын 2-ны Баасан гарагийн 15 цагаас цахимаар зохион байгуулах бөгөөд бизнес эрхлэгч иргэд, ААН-ийг идэвхтэй оролцохыг урьж байна. Арга хэмжээнд энэ холбоосоор орж бүртгүүлнэ үү. 

1 Star2 Stars3 Stars4 Stars5 Stars (No Ratings Yet)
Loading...
Б.Мишээл

Б.Гантиг: Виртуал хөрөнгийн хууль энэ хэвээр батлагдвал хөгжлийг бүрэн зогсооно

Previous article

Сүзүки Кеита: Монголоос импортолж буй бүтээгдэхүүн, брэндийн танигдалт сул байдаг

Next article

Comments

Leave a reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You may also like