Бизнес эрхэлж буй хэн бүхэн уламжлалт болон гарааны бизнесээ бизнесээ амжилтанд хүргэхийн тулд хамгийн сүүлийн үеийн онлайн хэрэгсэл буюу аппликэйшнүүдийг ашиглах хэрэгтэй.
1990-ээд оны үеийн уламжлалт бизнесийн орчин одоогийн интернэтийн орчин дахь бүтээмжтэй харьцуулахад асар их ялгаа бий. Орчин цагт бидний зорилго илүү ухаалаг ажиллах болохоос биш махруу ажиллах явдал огт биш юм. Үр ашгаа дээшлүүлж, өөрийн бизнест хамгийн чухал ажил үүргээ төвлөрүүлэхийн тулд хамгийн сайн арга хэрэгсэл юу болохыг бизнес эрхлэгч та мэдэж байх хэрэгтэй. Бизнес эрхлэгчдэд хэрэгтэй олон онлайн шийдлүүд, үйлчилгээ, технологи байдаг. Бизнесийг ямагт хурдан хугацаанд хийх хэрэгтэй байдаг бөгөөд шинэ зүйлийг нэвтрүүлэх нь өндөр өртөгтэй ч байж болно.
Ингээд Таны бизнест хэрэг болох дараах 5 төрлийн онлайн хэрэгсэл буюу аппликэйшнийг танилцуулж байна.
SLACK www.slack.com
Slack нь орчин үеийн байгууллагын доторх багийн харилцааг ахисан түвшинд гаргахад маш хэрэгтэй онлайн хэрэгсэл юм. Энэхүү хэрэгсэл нь танд нэг дор 200 мэдэгдлийг баг дотроо тараах болон зурвасууд үлдээх, хоорондоо ажлаа шуурхай ярилцах, ажлууд хуваарилахвлох, файл хоорондоо солилцох гэх мэт өдөр тутмын бүхий л харилцааг зөвхөн хуучны ЧАТ гэх ойлголтоос тэс өөр шинэ боломжуудыг танд олгоно.
GSUITE www.gsuite.mn болон gsuite.google.com
Google компани нь GSuite ажил хэргийн цогц аппликэйшнийг бүтээсэн бөгөөд бизнесийн хувьд олон төрлийн функцээр нэг дор буюу имэйл дээрээ суурилж хийх боломжийг олгодог. Та өөрийн домэйн нэрийг худалдан авч, имэйл хэрэглэгч нараа удирдах, зохион байгуулалтанд оруулах, вэбсайтынхаа анализыг хянах, зар сурталчилгааны компанит ажлыг эхлүүлэх, удирдах зэрэг ажлыг хийхээс гадна GSuite аппликэйшнүүдтэй зохицон ажилладаг бага өртөгтэй, төрөлжсөн онлайн хэрэгслүүдийг худалдан авч болно. Жишээлбэл, байгууллагын дотоод сүлжээ зохион байгуулах, хэрэглэгчтэй харилцах удирдлагын систем, нягтлан бодох бүртгэл, хүний нөөцийн удирдлага гэх мэтээр өөрт хэрэгтэй системийг сонгон авч Gsuite-дээрээ нэмж авч ашиглаж болох юм.
Товчоор хэлбэл, таны брэнд болсон домэйн нэрдээр суурилан, ажил хэрэгч багийн бүхий л онлайн хэрэгцээг хангаж чадах аппликэйшнүүдийг багтаасан цогц үйлчилгээ юм.
GOCO www.goco.io
Хүний нөөцийн менежмент нь эмзэг, нарийн төвөгтэй, ихэвчлэн цаасан материалуудтай харьцсан байдаг. Олонх бизнес эрхлэгчид хүний нөөцийн ажлын урсгалыг өөрчлөх GoCo.io шиг орчин үеийн нэгдмэл платформд шилжин орж байна. Интернэтэд суурилсан хүний нөөцийн уг платформ нь ажилтнуудыг уг талбар дээр удирдах, баримтжуулах, менежмент, цаг хугацааны хяналт, гүйцэтгэлийн менежмент, үр ашгийн менежмент гэх мэт бүхий л боломжийг агуулсан цогц систем юм.
Өөрөөр хэлбэл, бизнес эрхлэгч та өөрийн компанийн ажилчдын хяналтыг элдэв бичиг баримт цаас гэх мэт хуучирсан аргаар биш, шинэ түвшинд ажиллах боломжийг танд олгох юм.
QUORA www.quora.com
Quora бол олон нийттэй харилцах асуулт хариултын форум юм. Энэ нь жишээлбэл, Yahoo-гийн асуулт хариултын платформтой адилхан боловч QUORA нь бүх хэрэглэгчид асуулт хариултыг шалган баталгаажуулсан байхыг шаарддаг.
Өөрөөр хэлбэл, тухайн асуултанд хариулт өгч байгаа хүн өөрийн профайл дээр өөрийн мэргэжил чадвараа баталгаажуулсан байхыг шаарддаг. Энэ нь танд туршлагатай мэргэжилтнүүдээс болон тухайн салбартаа сайн хэн нэгнээс тулсамж авах, асуултандаа хариулт авах боломжийг олгож байдаг. Тиймээс та бүхэн өөрсдийн бизнест хэн нэгэн туршлагатай хүнээс асуулт зөвлөгөө авахыг хүсвэл QUORA танд туслах болно.
ASANA www.asana.com
Жижиг дунд бизнес эрхлэгчдэд зориулсан хэрэгцээтэй аппликэйшний тухай ярьж байгаа бол танд төслийн менежментийн платформ байх ёстой. Энэ бол ASANA аппликэйшн юм.
Asana бол таны баг, төслийг хоёуланг нь сайн зохион байгуулахад тусалдаг. Таны бүх төлөвлөгөө, санаа, үүрэг хуваарилах, түүнийгээ ярилцах тэдгээрийг хүн бүр харах, хувь нэмрээ оруулах боломжийг олгодог юм. Энэ нь мөн олон төслийг нэг дор удирдах боломж олгох ба тухайн төслийн багийн гишүүд төслийн зорилт бүрт тус тусад нь оноо өгөх боломжтой. Товчоор хэлбэл, эхнээс нь дуустал тухайн төслийн явц, үр дүнг хянах боломжийг олгож байдаг.
