Бизнес эрхлэгчдийн дийлэнх нь ашиг орлого сайтай бизнестэй болж, хүссэн цагтаа ажиллаж, хүссэн цагтаа амарч, илүү эрх чөлөөтэй явахыг хүсдэг. Дуртай, сонирхолтой зүйлстээ цаг заваа зориулна гэж мөрөөддөг. Гэтэл бодит байдал дээр бүх ажил өөрөөс нь хамааралтай болж, мөрөөдөл нь орвонгоороо эргэсэн тохиолдол нэлээдгүй бий. Үүний учир нь бизнес эрхлэгч та бизнесээ систем болгож чадаагүйд оршиж байж болох юм.
Өөрөөр хэлбэл, бизнесээ системчлэх нь бизнес эрхлэгч хүний хамгийн чухал ажил, харин энэ ажлаа олж харалгүй орхих нь түүний хамгийн том алдаа юм. Тиймээс энэ удаагийн Бизнес Цэнэг подкастаараа “Бизнесээ системчлэхийн давуу тал”-н тухай лектор, көүч Д.Энхбаттай ярилцлаа.
Тэрбээр “Замд гарах цагт зам илүү тод харагддаг” гэдгийг онцлон тодорхой бус ажлын явцуудаа тодорхой болгох хэрэгтэйг сануулж байлаа.
