Нийслэлийн хүн амын 2021-2022 оны өвөл, хаврын махны хангамж, үнийг тогтвортой байдлыг хангах ажилд оролцох хүсэлтэй махны үйлдвэрийн нөөцийн мах бэлтгэх хүсэлтийг хүлээн авч байна.
Арилжааны банкны эх үүсвэрээр, стандартын шаардлага хангасан мах бэлтгэх үйлдвэрүүд доор дурдсан баримт бичгийг 2021 оны долоодугаар сарын 28-ны 15.00 цаг хүртэл Улаанбаатар хотын Захирагчийн ажлын алба буюу Хангарди ордны 6 давхрын 611 тоот өрөөнд битүүмжлэн ирүүлэх юм байна.
Бүрдүүлэх баримт бичгийн жагсаалт
- Аж ахуйн нэгжийн хүсэлт; (бэлтгэх махны хэмжээ)
- Үйлдвэрийн танилцуулга (Аж ахуйн нэгжийн гэрчилгээг хавсаргах)
- Бэлтгэн нийлүүлэгч аж ахуй нэгж нь мал эмнэлгийн нэгдсэн системд холбогдож, бэлтгэх мал болон бүтээгдэхүүнийг мал эмнэлгийн цахим гэрчилгээтэйгээр хүлээн авч бүртгэлжүүлэх нөхцөлөөр хангагдсан байх (Системд хэрэглэгчээр бүртгүүлсэн байх)
- Хүнсний бүтээгдэхүүний аюулгүй байдлыг хангах тухай хуулийн 6 дугаар зүйлийн 6.5-д заасны дагуу шинээр мах бэлтгэх үйлдвэрлэл эрхлэх тохиолдолд урьдчилсан хяналт, шалгалтыг хяналтын байгууллагаар хийлгэж, дүгнэлт гаргуулсан байх
- Хүнсний тухай хуулийн 10 дугаар зүйлийн 10.1.2-т заасан стандарт, техникийн зохицуулалтын шаардлагад нийцсэн зориулалтын барилга байгууламж, тоног төхөөрөмж, багаж хэрэгсэл, агуулах, тээврийн хэрэгсэлтэй байх; (фото зургаар баталгаажуулан ирүүлэх)
- Мах бэлтгэх үйлдвэр нь гүн хөлдөөх (-350C температурт, 20 тн доошгүй багтаамжтай), хөргөлттэй (-180С ихгүй температурт) агуулахтай, эсвэл аж ахуйн нэгжтэй гэрээ байгуулсан байх; (агуулахын багтаамжийг тусган фото зургаар баталгаажуулж ирүүлэх)
- Мал, амьтны эрүүл мэндийн тухай хуулийн 27 дугаар зүйлийн 27.1.1, 27.7.5-д заасны дагуу мах бэлтгэх үйлдвэрийн агуулах, орчин, тээврийн хэрэгсэл, тээвэрлэлтэд хэрэглэсэн тоног төхөөрөмжийг гэрээт мал эмнэлгийн үйлчилгээний нэгжээр халдваргүйтгэл хийлгэхээр гэрээ байгуулсан байх
- Сүүлийн хоёр жилийн санхүүгийн болон татварын тайланг баталгаажуулсан байх
- Аймаг, орон нутагт мал бэлтгэх итгэмжлэгдсэн төлөөлөгчтэй байх (аймаг, сум тус бүрээр бэлтгэх малын тоог гарган, мал төхөөрөх үйлдвэрт нийлүүлэх хугацааг нарийвчлан тусгаж, төлөвлөгөө гарган хавсаргаж ирүүлэх)
- Малын гаралтай болон энгийн хог хаягдлыг ангилан ялгаж хадгалах зориулалтын талбай, байр, сав, бункертэй байх /Фото зураг хавсаргах/
- Малын гаралтай болон энгийн хог хаягдлыг цуглуулах, тээвэрлэх, төвлөрсөн цэгт дарж булшлах үйл ажиллагаа эрхэлдэг мэргэжлийн байгууллагатай гэрээ байгуулсан байх.
