Хөгжлийн банкны эх үүсвэр урт хугацааны, хямд эх үүсвэртэй ч эргэн төлөгдөөгүй зээлийн хэмжээ 880 тэрбум төгрөгт хүрсэн. Хөгжлийн банк шүүхийн журмаар төлүүлэхээр ажиллаж байгаа бөгөөд аргаа барахдаа зээлээ төлөхгүй байгаа ААН-үүдийг нийтэд зарласан. Нийт чанаргүй зээлийн 40 гаруй хувийг орон сууц, 25 орчим хувийг төмөр зам, 13 орчим хувийг ХАА-н боловсруулах үйлдвэр, 7.4 хувийг уул уурхайн төслүүд эзэлж байна. Эдгээрээс төлөх хугацаа нь хэтрээд бараг 8 жил болж буй төслүүд ч байна.
Хөгжлийн банкны зээлийг Засгийн газрын бондын мөнгөөр олгож байсан. Хэрэв дээрх зээлүүд эргэн төлөгдөхгүй бол Чингис бондын үлдэгдлийг төлөхөд асуудал үүснэ.
