Сүүлийн үед дэлхий даяар асар хурдацтай тархаж тренд болоод байгаа Hyper-Converged Infrastructure (HCI) гэж юу вэ? Манай байгууллагад, миний бизнест яг, ямар үр дүнг авчрах вэ гэж Google-дэж үзсэн хүмүүс байгаа байх. Энэ удаагийн нийтлэлээрээ энэхүү технологийн трендийн талаар, үүний бизнест тань өгөх үр өгөөжийн талаар энгийнээр тайлбарлая.
Цахим шилжилт хийж байгаа, хийхээр төлөвлөсөн ямар ч бизнест програм хангамж зайлшгүй шаардлагатай болдог. Түүнчлэн тухайн программ хангамжийг ажиллуулах техник хангамж хэрэгтэй болно (Hardware and Software). Уг техник хангамжийн системийн хамгийн энгийн бүтэц нь Сервер, Сүлжээ болон Хадгалалт (Storage) юм. Сервер тооцооллыг хийж, тооцоолсон дата-г хадгална. Дата хадгалах системд холбогдохын тулд тухайн нөхцөл шаардлагаас хамааран ихэвчлэн шилэн кабелын сүлжээний свичээр дамжин холбогддог.
Мэдээллийн дэд бүтэц= Програм хангамж+ Сервер+Сүлжээ+Хадгалалт
Дээрх уламжлалт системийн бүтцийн тасалдалгүй ажиллагааг хангахын тулд сервер+сүлжээ+дата хадгалалт гэсэн 3 талын мэдлэгтэй, чадвартай мэргэжилтэн ажиллах шаардлагатай болдог.
Гэвч өөрийн туршлагаас харахад энэ гурван цөм чадвартай хүн тун цөөн байдаг. Учир нь техник хангамж тус бүрийг тордох, шинэ программын хэрэгслээр (firmware) шинэчлэлт (update) хийхэд хоорондоо зохицож байгаа эсэхийг анхаарах, ямарваа нэгэн эрсдэл гарахад датагаа алдахгүй байх, сэргээх боломжоор хангах, мөн таны систем ажиллах үйлдлийн систем болон сүлжээний орчин, дата баазыг ажиллуулах зэрэг олон олон дэд чадварууд хэрэгтэй болдог. Тиймээс байгууллагууд ихэвчлэн сүлжээний мэргэжилтэн, системийн мэргэжилтэн болон дата бааз админ гэсэн бүрэлдэхүүнтэй ажилладаг.
Техник хангамж ямарваа нэгэн үзүүлэлтэд ханана, жишээ нь таны серверт 6 ширхэг hard диск орох багтаамжтай бол таны дата ихсэж 6 hard-аа дүүргэсэн бол дахин сервер нэмэхээс аргагүй байдалд ордог. Ингээд нэг мэдэхэд танай байгууллага он сар, хувилбар нь өөр өөр сервер, свич, хадгалалтын системтэй болсон байх бөгөөд эдгээрийг тордох нь толгойн өвчин болж эхэлнэ. Ихэвчлэн сүлжээний свич, сервер, хадгалалтын төхөөрөмж нь өөр өөр үйлдвэрлэгч нарынх байдаг учир эвдрэл гарахад дунд нь эвдрэлийг оношлоход маш төвөгтэй байдаг. Энэ нь техник хангамж болгоныг удирдах, хянах тус бүрийн консол болон дэмжлэг авах сувагтай байдагтай холбоотой.
“Системийг тордоход зарцуулах цагаа 90% хэмнэж, IT багийнхаа нөөцийг бизнесээ өргөжүүлэх илүү үнэ цэнэтэй ажилд зарцуулах боломжтой”.
Бид бизнесээ тэлэхийн хэрээр лимитдээ тулсан техник хангамжуудаа шинээр нэмж, томруулсаар, үүнийг дагаад IT багаа ч томруулсаар байдаг. Гэвч салангид бүтэцтэй олон системтэй болохын хэрээр таны байгууллагын хөдөлгөөн удааширч, зах зээл дахь байр сууриа алдаж эхлэх эрсдэлийг дагуулдаг.
Дээрх төвөгтэй, уламжлалт бүтцийг орлох, цахим хувьслыг дэмжих технологи бол HCI юм. Хадгалалтыг техник биш программ хангамж болгосноор нэг сервер дотор виртуал сүлжээ болон хадгалалт үүсгэх боломжтой болж, 3 хэсгээс бүрдэх биет систем биш нэг л серверийн бүтэцтэй болох боломжтой. Таны бизнес өсөхийн хэрээр таны HCI дэд бүтэц дагаад техник хангамжийн лимитээс төдийлөн хязгаарлагдахгүй уян хатан өсөөд явах боломжтой юм. Ямарваа нэг эвдрэл гарлаа гэхэд зөвхөн нэг цонхоор харьцан эвдрэлийг засуулж дэмжлэг авахаас гадна нэг консолиос бүх системийг удирдан, хянах боломжтой байдаг.
Системийг тордоход зарцуулах цагаа 90% хэмнэж, IT багийнхаа нөөцийг бизнесээ өргөжүүлэх илүү үнэ цэнэтэй ажилд зарцуулах боломжтой болно. Хэрэв та дэд бүтцээ дата центрт байрлуулах түрээс төлдөг бол хадгалалтын биет төхөөрөмжгүй тул зай маш бага эзлэхээс гадна цахилгаан зарцуулалтыг тань бууруулснаар зардлаа хэмнэх боломжийг олгоно.
Сонголт таны гарт, Тренд даган бизнесээ хурдасгах уу? Эсвэл хойш сууж зах зээл дахь байр сууриа алдсаар байх уу?
IT Zone-той хамтран бэлтгэв
wpDiscuz