Хархорин Дижитал Академи болон Business.mn-ээс зохион байгуулдаг сар бүрийн “Бизнес цэнэг” вэбинар сургалтын есдүгээр сарын сургалтууд эхэллээ. Энэ сарын сэдэв нь “ХҮНИЙ НӨӨЦ“. Есдүгээр сарын 13-нд явагдах “Сургалтын үр өгөөжийг хэрхэн тооцох вэ” вэбинарыг угтсан подкастын дугаараар дараах агуулгын хүрээнд ярилцлаа.

Байгууллагын сургалтыг хэрэгцээг тодорхойлохдоо юуг судалж, юунд үндэслэх ёстой вэ?
Сургалтын төлөвлөгөө боловсруулахад хүний нөөцөөс гадна хэн хэн оролцох ёстой вэ?
Олонх хүн сургалтанд суугаад агуулгын ихэнх хэсгийг мартдаг. Сургалтын үр дүнг хэрхэн дээшлүүлж, марталтын муруйг сайжруулах вэ?
Орчин үед бизнесийн байгууллагуудад ямар төрлийн сургалтууд илүү хэрэгцээтэй байна вэ?
Байгууллагууд сургалт төлөвлөх, явуулах зэрэг дээр ямар нийтлэг алдаанууд гаргадаг вэ?
Сургалтын үр дүнг ямар хэмжүүрүүдээр хэмжих вэ?

Дугаараас онцлох санаанууд:

Сургалтанд суугаад сонссон зүйлс хурдан мартагддаг учраас хичээлийн агуулгыг туршиж, практик дээр хэрэгжүүлж байж үр дүнтэй сургалт болдог. Өөрөөр хэлбэл, мэддэг гэдэг нь чаддаг гэсэн үг биш.
Ажлын байран дээр үйлдэж сурсан зүйлс хамгийн үнэ цэнтэй мэдлэг болдог.
Өнөөдөр дээд түвшний менежерүүдийг сургах хэрэгцээ хамгийн их байна.
Зөөлөн ур чадвар гэдэг бол хүнтэй харилцах, удирдах эв дүй юм.