Дэлхийн анхны хронограф функц бүхий минутын давталттай, аялгуут бугуйн цагны “Ко-Аксиал Мастер Хронометр Калибр 1932” хэмээх хөдөлгүүрийг OMEGA танилцууллаа.
OMEGA брэндийн хамгийн нарийн калибр хөдөлгүүр бүтээх төслийн ажилд зургаан жил зарцуулжээ. Тус хөдөлгүүрээр ажилладаг “Olympic 1932 Chrono Chime”, “Speedmaster Chrono Chime” хэмээх хоёр төрлийн цагны нээлтэд Олимпын домогт тамирчин Майкл Фелпс оролцсон юм. Хамгийн сүүлийн үеийн калибр хөдөлгүүртэй маш онцгой энэхүү хоёр загварыг товчхон танилцуулвал:
-1892 онд анх энэ төрлийн хөдөлгүүрийг бүтээж, 1932 оны Лос Анжелос хотод зохиогдсон Олимпын наадамд хронограф функцтэй халаасны цагаар ашиглаж байсан бол одоо цөөн тоогоор үйлдвэрлэж буй бөгөөд Olympic 1932 Chrono Chime нэртэйгээр гарлаа.
-Өдөр тутам зүүхэд тохиромжтой 45мм диаметр кейс бүхий классик Speedmaster Chrono Chime хэмээх цаг юм.
OMEGA нь энэхүү гайхалтай хийцтэй, сайхан аялгуу гаргадаг уг загварын нээлтийн үйл ажиллагааг онцгой акустик дуугаралтаараа алдартай газар болох Волт Диснейн концертийн танхимд зохион байгуулав.
“Миний амжилтанд OMEGA цагны нарийвчлал маш том үүрэг гүйцэтгэсэн учраас технологийн гайхамшиг болсон цагны нээлтэнд оролцож буйдаа баяртай байна” хэмээн Майкл Фелпс нээлтийн үеэр хэллээ. Тэрбээр үргэлжлүүлэн, “Би OMEGA брэндтэй урт хугацааг туулсан. Энэ ч утгаараа ялгуут хроно цаг бүтээсэн түүхэн үйл явдал нь цаг урлалын ертөнцийн маш том ахицыг харууллаа” гэж онцлов.
wpDiscuz