Зочлох үйлчилгээний салбарынхны дунд явагддаг “Horeca Mongolia Conference” арга хэмжээ тав дахь жилдээ зохион байгуулагдах гэж байна. Энэ нь “Зочлох үйлчлэх салбарын сургалт хөгжлийн төв” ТББ-аас санаачлан зохион байгуулдаг, зочлох үйлчилгээний салбарын хөгжил, дэвшил, хамтын ажиллагааг өргөжүүлэх, салбарын шинэ шилдэг инновац бодлогын түгээн дэлгэрүүлэх зорилготой юм. Энэ удаа 2023 оны чуулган нь 4-р сарын 14-ний өдөр Holiday Inn Ulaanbaatar зочид буудалд “GASTRONOMY & TOURISM” нэрэн дор хийгдэнэ.
Арга хэмжээнд зочид буудал, амралтын газар, жуулчны бааз, рашаан сувилал, зоогийн үйлчилгээ, катеринг үйлчилгээний газруудын бизнес эрхлэгч нар голчлон оролцох бөгөөд тэдний зорилтот сэдвийн хүрээнд илтгэл, зөвлөмж гарах юм байна.
Чуулган дараах гурван зорилгын хүрээнд зохион байгуулагдана:
- 2023-2025 оныг ”Монголд Зочлох Жил” болгон зарласантай холбогдуулан салбарын хамгийн чухал сэдэв болох жуулчныг татах монгол үндэсний зоогийг түгээн дэлгэрүүлэхэд жуулчны цэс төлөвлөлт, танилцуулга, мэргэжилтэн судлаачдын санал, дэвшүүлж буй жор технологи, ноу-хау, шинэ санааг хуваалцана.
- Үндэстэн, ястны хэмжээнд буюу 21 аймгийн зоог, хүнс үйлдвэрлэгч, ундаа усны дээжийг амтлуулан зочлуулах, мастер класс сургалтуудыг сонирхуулах зэрэг гастроном аялал жуулчлалыг хөгжүүлэх боломж, үйлдвэрлэгч нарыг тодотгон таниулна.
- Аялал зохион байгуулагч аж ахуйн нэгжүүдэд өөрсдийн бүтээгдэхүүн-үйлчилгээг таниулах, сурталчлахад үндэсний хоол, ундааны брэндүүдийн холбоос гүүр нь болно.
Зохион байгуулагчдын үзэж буйгаар “Horeca Mongolia Conference”-ийн үр дүнд зочлох үйлчилгээний салбарынхан жуулчдад зориулсан өглөө, өдөр, оройн хоолны жишиг цэс бий болж, түүндээ өөрийн онцлог давуу талыг харуулсан үндэсний зоогийн брэндтэй болох эхлэл тавигдана гэж харж байна. Мөн орон нутгийн зочлох үйлчилгээний байгууллагууд уламжлалт болон шинэлэг зоог, ундааг гастроном аялал жуулчлалын бүтээгдэхүүнээр цаашид аймаг, орон нутгаа сурталчлан дэлхийд таниулах нэгдсэн бодлоготой болох хүлээлттэй байна. Цаашлаад үндэсний хоол, ундаа үйлдвэрлэгч нар бүтээгдэхүүн, үйлчилгээгээ дэлхийд таниулах, улам чанаржуулах, борлуулалтын шинэ суваг буюу аялал жуулчлалын байгууллагуудтай хамтран ажиллах боломжууд бий болно харж байна.
“Horeca Mongolia Conference” нь бизнесийн байгууллагуудын маань дэмжлэг, туслалцааны хүчээр зохион байгуулагддаг бөгөөд энэ жилийн хамтран ажиллах санал, хүсэлтийг хүлээн авч байна.
Энд дарж бүртгүүлнэ үү
Утас: (976) 88092319, 88106729, 86117490
Цахим шуудан: hello@horecamongolia.com , hello@hospitality.mn
“HoReCa Mongolia CONFERENCE 2023” Зочлох үйлчилгээний V чуулганы хөтөлбөр
| I ХЭСЭГ. ТАВАН ТАНСАГ ИДЭЭ БА ГАСТРОНОМ АЯЛАЛ ЖУУЛЧЛАЛ | |
| 10.15-11.00 | Сэдэв: Таван тансаг идээ нь аялал жуулчлалын бүтээгдэхүүн болох нь |
| 11.05-11.25 | Сэдэв: Монгол уламжлалт цайны соёл ба аялал жуулчлал |
| 11.30-11.50
11.55-12.15 |
Сэдэв: Аяллын үеийн хоол хүнсний онцлог
Сэдэв: Рашаан ба эрүүл мэндийн аялал жуулчлал |
| 12.20-12.35 | Асуулт хариулт, боломж |
| 12.40-13.40 | Өдрийн хоол |
II ХЭСЭГ. ЗОЧЛОХ ҮЙЛЧИЛГЭЭ БА ГАСТРОНОМ АЯЛАЛ ЖУУЛЧЛАЛ
| 13.40-14.00 | Сэдэв: Өглөөний зоог & INNOVATION |
| 14.05-14.25 | Сэдэв: Бүс нутгийн зоогийн соёл & BRANDING |
| 14.30-14.50 | Сэдэв: Хүндэтгэлийн идээ(сархад) ба GASTRONOMY |
| 14.55-15.25 | Кофе завсарлага |
| 15.30-15.50 | Сэдэв: Орон нутгийн зоогийн онцлог ба шинэчлэл |
| 15.55-16.15 | Сэдэв: Монгол үндэсний зоог & CONTENT |
| 16.20-16.40 | Асуулт хариулт, боломж |
| Чөлөөт уулзалт-Хаалт |
ИЛТГЭГЧИД
