- Blue Sky – Алт мэт үнэт цагаа хэмнэ
Цэлмэг, цэнхэр тэнгэр Монгол Улсын нэрийн хуудас болдогийн адил архитекторын өвөрмөц шийдэл бүхий Blue Sky зочид буудал Улаанбаатар хотын өвөрмөц өнгө төрх болж чаджээ. Нийслэл хотын зүрхэнд байрлах тус зочид буудал бизнесийн болон аялал жуулчлалын чиглэлээр ирж буй зочид төлөөлөгчдөд хамгийн таатай нөхцөлийг санал болгодог. Blue Sky зочид буудлыг сонгосноор та Улаанбаатар хотын төв цэгийг бүхэлд нь тольдохоос гадна төрийн болон олон улсын томоохон байгууллагууд, элчин сайдын яамд, үзвэр үйлчилгээний газар, театрууд, томоохон их дэлгүүрүүдтэй хамгийн ойр байрлаж үнэт цагаа хэмнэх болно.
Хаяг: Сүхбаатар дүүрэг, Энх тайваны өргөн чөлөө 17, 1-р хороо
Холбогдох: 70100505
2. Handu Hotel – Мэдрэмжээ тулга
Дорнын соёлын тод илрэл болсон хятад хоолыг хийхэд өнгө, үнэр, амт, утга, хэлбэр гэсэн таван хүчин зүйл хамгаас чухал байдаг. Тэгвэл 20 гаруй жил ажилласан туршлагатай хятад тогоочийн энэ бүхнийг шингээн “урласан” тансаг амт бүхий зоогийг хүртэж, мэдрэмжээ тулгахыг хүсвэл “Хандү” зочид буудлыг зориорой. Тэд тав тухтай, тохилог, нам гүм орчныг бүрдүүлэхийн зэрэгцээ хурлын танхим, эвент зохион байгуулах танхим, ил болон далд автомашины зогсоол, өндөр хурдны интернэт, уламжлалт бариа заслын үйлчилгээг хүргэдэг. Бизнес ангиллын дөрвөн одтой Хандү зочид буудал нь БНХАУ болон Зүүн Өмнөд Азийн орнуудаас ирэх жуулчдад WeChat аппликэйшн ашиглан төлбөр тооцоогоо хялбар хийх боломжийг мөн бүрдүүлжээ.
Хаяг : Баянгол дүүрэг, 6-р хороо, Чингүнжавын гудамж, UB Palace өгсөх замд
Холбогдох: 90719898
3. Аurora – Сэтгэлд тодоор дурсагдана
Таны сэтгэлд тод үлдэх гайхалтай дурсамжийг бүтээх газар бол “Аврора” зочид буудал юм. Дөрвөн одны зэрэглэлтэй тус зочид буудал нь европ хэв маягийг монгол үндэсний өнгө төрхтэй хослуулсан өвөрмөц дотоод засал, тав тух, тансаг байдлыг цогцлоожээ. Үүний зэрэгцээ өндөр стандартын дагуу тохижуулсан дөрвөн төрлийн нийт 62 өрөө, “Хулан” рестораны ази, европ, монгол амтат хоолнууд, “Аврора” лаунжийн чадварлаг бартендерын бэлтгэсэн уух зүйлс, “Кофе Мекка” -ийн авьяаслаг баристагийн халуун кофегоор үйлчилдэг. Мөн Улаанбаатар хурлын танхим, фитнесс, саун зэрэг нэмэлт үйлчилгээ ч бий.
Хаяг: Баянгол дүүрэг, 10-р хороолол, 3-р эмнэлгийн замын эсрэг талд
Холбоо барих: 89117312
4. Corporate Hotel – Төгс төгөлдөрийг мэдэр
Монголын анхны сүлжээ “Корпорейт” зочид буудал нь Улаанбаатар хотод дөрвөн салбартай, дөрвөн одны зэрэглэлтэй бөгөөд тав тухтай орчин, төгс үйлчилгээг эрхэмлэн ажиллаж байна. Та “Корпорейт” -ын аль ч салбарт очсон бүрэн тоноглосон фитнес төв, усан сан, хуурай болон уурын саун, эмчилгээний элсэн өрөө, спа, гоо сайхны салон болон тансаг зэрэглэлийн ресторануудаар үйлчлүүлэх боломжтой.
Хаяг: Хан-Уул дүүрэг, 15-р хороо, Махатма Ганди гудамж -39
Холбогдох: 70002030
Ramada – Тав тухыг мэдрүүлнэ
“Рамада Улаанбаатар сити центр” нь Улаанбаатар хот дахь дээд зэрэглэлийн дөрвөн одтой олон улсын зочид буудал бөгөөд тансаг зэрэглэлийн худалдааны төв болон орчин үеийн архитектурын шийдэл бүхий 17 давхар цогцолбор юм. Рамада брэнд нь дэлхийд өрөөнийхөө тоогоор хоёрдугаарт ордог нэр хүндтэй, дөрвөн одтой зочид буудлын сүлжээ гэдгээрээ танигджээ. Европ, Хойд Америк, Ази Номхон далайн бүс нутаг, Латин Америкийн орнууд зэрэг дэлхийн өнцөг булан бүрд 900 гаруй салбар, 100 мянга гаруй өрөөтэйгөөр үйл ажиллагаагаа явуулдаг бөгөөд 1954 онд анхны салбар нь байгуулагдаж байв. Харин Монголд 2014 оноос үүд хаалгаа нээжээ.
Хаяг: Баянгол дүүрэг, 16-р хороо, Энх тайваны өргөн чөлөө, Макс центр
Холбогдох: 70141111
