Технологийн эрин зуунд амжилт гаргах чадварлаг иргэнийг бэлтгэнэ

Технологийн хөгжил эрчээ авч буй өнөөгийн нийгэмд бидний хэрэглэж, цаашид сайжруулахыг зорьж буй бүхэн инженерчлэл, технологийн хүчээр бий болж байна. Үүнийг дагаад боловсрол, ЕБС-ийн хөтөлбөрт ч шинэчлэл хийх шаардлагатай болжээ. Хүн бүхэн инженер, код бичигч болох албагүй ч технологийн ухаан нь  мэргэжил бүхний суурь, чухал чадварын нэг болоод байна. Код бичих чадвар нь логик сэтгэлгээ, гарц гаргалгаа гаргах чадвар, бүтээлч чадварт сургадаг. Иймд “Цэлмэг” технологийн  бүрэн дунд сургууль хөтөлбөртөө бүрэн шинэчилж, шинэ хичээлийн жилийн элсэлтээ авч эхэллээ.

STEM хөтөлбөр

STEM нь science-шинжлэх ухаан, technology-технологи, engineering-инженерчлэл, math-математик гэсэн үгний товчлол юм. Энэхүү хөтөлбөр нь сурагчдыг бага ангиас нь эхлэн дээрх дөрвөн зүйлийг хамгийн хялбараар ойлгох, ашиглах чадварт сургадаг олон улсын сургалтын арга барил юм. STEM хөтөлбөр нь тоглоомын болон хэлэлцүүлгийн арга ашиглан хүүхдийн насанд тохирсон бүтээл, төслүүдийг хэрэгжүүлж бүтээлч сэтгэлгээ, логик ухаанд сургадгаараа давуу талтай. 

Soft Skills хөтөлбөр

Өнөөгийн нийгэмд Hard Skills буюу гадаад хэл, программ, хэл бичгийн чадваруудаас гадна нийгэмд биеэ зөв авч явах, манлайлах, өөрийгөө зөв илэрхийлэх зэрэг хувь хүний хөгжлийн Soft Skill-ийг чухалчлах болсон. Бусдаас ялгарч, удирдан манлайлах, өөртөө итгэх итгэлийг нэмэгдүүлэх уг хөтөлбөрийг “Цэлмэг” технологийн  бүрэн дунд сургууль сургалтын хөтөлбөртөө тусгаж, хөтөлбөрийг амжилттай хэрэгжүүлэх чадварлаг хамт олныг бүрдүүлээд байна. 

GrapeSEED хөтөлбөр

GrapeSEED хөтөлбөр нь дэлхийн хэл болох англи хэлийг төрөлх хэл шигээ эзэмших боломж олгодог. Энэхүү хөтөлбөр нь хүүхдийн эх хэл дээрээ хэлд орох чадварыг ашигладаг бөгөөд нэгдүгээр ангиас эхлэн хэрэгждэг хөтөлбөр юм. Дүрэм цээжлүүлэх арга барилаас илүү хэрэглээнд төвлөрсөн үгийн сан, харилцааны заах арга барил ашигласнаар хүүхэд багаасаа чөлөөтэй ярьж, бичиж, ойлгох бүхий л чадварыг эзэмшдэг. 

Хос хэлтэн хөтөлбөр

“Цэлмэг” технологийн  бүрэн дунд сургууль нь дунд анги буюу зургаадугаар ангиас эхлэн хятад хэлний HSK шалгалтад бэлтгэх гүнзгийрүүлсэн сургалтыг орж байна. Өдгөө БНХАУ-ын шилдэг их дээд сургуулиуд дэлхийд тэргүүлэх болсны зэрэгцээ 2050 он гэхэд хятад хэл нь дэлхийд түгээмэл ашиглагддаг хоёр дахь хэл болохыг олон улсын судалгааны байгууллагууд онцолж байна. Тиймээс Хос хэлтэн хөтөлбөр нь таны хүүхдэд англи, хятад хэлний мэдлэгтэй болж, дэлхий нийттэй харилцах боломжийг  олгох юм. “Цэлмэг” сургуульд БНХАУ-д хятад хэл заах арга зүйгээр магистр хамгаалсан тэргүүлэх зэрэгтэй багш нараас гадна англи хэлний доктор зэрэгтэй, 20-иод жилийн туршлагатай чадварлаг багш нар ажиллаж байна.

Дэлхийн шилдэг их дээд сургуульд 100 хувь тэтгэлгээр суралцах боломж 

“Цэлмэг” технологийн  бүрэн дунд сургуулийн 2022-2023 оны хичээлийн жилийн төгсөгчдийн 80 хувь нь олон улсын тэтгэлэгт хөтөлбөрүүдэд амжилттай хамрагдаад байна. Энэ нь сургуулиа төгсөж буй сурагч бүрээ IELTS, TOEFL-ийн оноотой төгсгөдөгтэй холбоотой бөгөөд 136 орны 7500 гаруй нэр хүндтэй их сургууль, коллежид #APPLY хийх боломжоор хангадаг нь сургуулийн хамгийн том давуу тал юм. Сурагчид сургууль дээрээ анги хамт олноороо IELTS, TOEFL, HSК шалтгалтад бэлтгэж, сургалт, зөвлөгөө авахад багш нар болоод сургуулийн зүгээс үргэлж нээлттэй ханддаг. 

Ирээдүйд эрэлттэй мэргэжил сонгоход тусална

Технологийн эрин зуунд эрэлттэй төдийгүй хувь хүний онцлог, сонирхолд нийцсэн мэргэжил сонгох нь чухал. “Цэлмэг” технологийн бүрэн дунд сургууль сурагчдадаа мэргэжлийн сэтгэл зүйчийн зөвлөгөөг өгөхөөс гадна эрэлттэй мэргэжлийн судалгаа, мэргэжил сонголтын чиглүүлэх хөтөлбөр хэрэгжүүлдгээрээ онцлогтой.