Хархорум Дижитал Академи, Business.MN сэтгүүлээс хамтран зохион байгуулдаг “Бизнес цэнэг” сургалтын арванхоёрдугаар сарын хувиар зарлагдлаа. Энэ сарын сургалтаараа бид “Төлөвлөгөө” сэдвийг онцолж байна.
Төлөвлөгөө бол амжилтын нэг хэсэг. Аливаа зорилгыг амжилттай биелүүлэхийн тулд зайлшгүй хэрэг болох зүйл бол эргэлзээгүй төлөвлөгөө юм. Үүнийг олон хүмүүс мэддэг боловч хэрхэн төлөвлөгөөг зөв, үр нөлөөтэй зохиох вэ гэдэг асуудалтай үргэлж тулгарч байдаг. “Бизнес цэнэг” сургалтын арванхоёрдугаар сарын дугаарт бизнес эрхлэгчдийн амжилтын хөтөч “Төлөвлөгөө” сэдвийг онцолж, энэ талаар мэргэшсэн, туршлагатай зөвлөх, зочин багш нарыг урьж оролцуулж буйгаараа онцлог юм.
Дараах сургалтуудад та бүхнийг өргөнөөр оролцохыг урьж байна.
12 сарын 5. Ажил амьдралаа жилээр дүгнэж, төлөвлөн амжилтанд хүрэх арга
“Ганабелл” Институтын дэд захирал Ч.Мөнхгэрэл
Жилийн сүүлээр хүн бүр ажил амьдралынхаа алдаа оноог дүгнэж, ирэх жилдээ илүү зүйлийг амжуулж, нэг шат ахихаар эрмэлздэг билээ. Ирэх жилийнхээ зорилго төлөвлөгөөг гаргаж, том зорилгуудаа жижиглэн жилээр, сараар, 7 хоногоор, өдрөөр, цагаар хуваан илүү бодитоор төлөвлөж, ажил амьдралаа жил жилээр сайжруулах аргыг ХАЖ дэвтрийн аргачлалаар заах болно.
12 сарын 12. Ажилтны гүйцэтгэлийн төлөвлөгөөг дүгнэж, сэдэлжүүлэх нь
“Обзерв Консалтинг” ЗҮБ-ийн зөвлөх Ц.Саранцэцэг
Вэбинараар ажилтны гүйцэтгэлийг байгууллагын болон нэгжийн зорилготой уялдуулан, байгууллагад оруулах үнэ цэн, үр дүнд чиглүүлэн бодитоор төлөвлөх үндсэн ойлголтыг олж авна. Мөн төлөвлөгөөг ажилтны хамт дүгнэн шинжлэх, төлөвлөсөн гүйцэтгэлд хүрэхэд ажилтныг сэдэлжүүлэн эргэх холбоотой хамтран ажиллах гүйцэтгэлийн удирдлагын зарим практик ур чадварт суралцана.
12 сарын 19. Бизнесийн төлөвлөгөө ба тайлан, үр дүнг хэмжих аргууд
“Төслийн Удирдлага Хөгжлийн Хүрээлэн”-гийн захирал Ц.Өнөржаргал
Энэхүү вэбинараар бизнесийн төлөвлөгөөний хэрэгжилт, үр дүнг хэмжих, цаг хугацаанд нь амжилттай хэрэгжүүлэх аргад суралцана. Бизнес төлөвлөлт нь урт, дунд, богино хугацаанд төлөвлөгдөнө. Эдгээрийг хэрэгжүүлэх арга зүй, хэмжилтүүд нь ялгаатай ба урт дунд богино бизнес төлөвлөгөөний зорилго, бүтцийг тодорхойлж, тэдгээрийн тайлан, хэрэгжилтийг хянахад шаардагдах мэдлэг, чадвартай танилцана.
12 сарын 26. Карьер хөгжлийн оновчтой төлөвлөгөө гаргах нь
“Юнайтед Карьер Консалтинг”, “Карьер хөгжлийн төв”-ийн захирал, карьер зөвлөх Ц.Булган
Карьер төлөвлөлтийг зөв хийж хэрэгжүүлснээр, хувь өөрийн хувийн ур чадвараа төдийгүй мэдлэг, боловсрол дадлага туршлагаа тасралтгүй хөгжүүлж дэвших, цаашилбал байгууллагын хүний хүний нөөцийн ур чадварын түвшинг нэмэгдүүлэх чухал ач холбогдолтой. Энэхүү вэбинараар карьер хөгжлийн зураглалаа гаргаж, Карьер төлөвлөлтийн дэвтрийн дагуу карьераа цаг хугацаатайгаар төлөвлөх аргачлалд суралцана.
Вэбинар мягмар гараг бүр видео хэлбэрээр байршина. “Бизнес цэнэг” вэбинарын тухай мэдээллийг karakorum.digital хаягаас аваарай.
Та бизнестээ тулгарч буй бэрхшээл эсвэл өөрийн туршлагаа хуваалцаж и-мэйл бичвэл бид тухайн салбартаа мэргэшсэн зөвлөхүүдийг урьж сургалт зохион байгуулах боломжтой.
И-мэйл: support@karakorum.digital,
Утас: 70110812, 85851850 /ажлын цагаар/
Вэб:karakorum.digital
Та бизнестээ тулгарч буй бэрхшээл эсвэл өөрийн туршлагаа хуваалцаж и-мэйл бичвэл
бид тухайн салбартаа мэргэшсэн зөвлөхүүдийг урьж сургалт зохион байгуулах
боломжтой.