CORPORATE HOTEL AND CONVENTION CENTRE
Corporate Hotel and Convention Centre нь хурал, чуулган, сургалт семинар, үзэсгэлэн, байгууллагуудын ойн баяр, тоглолт, хурим, шинэ жилийн баяр гэх мэт бүх төрлийн арга хэмжээг мэргэжлийн өндөр түвшинд зохион байгуулдгаараа алдартай. Харилцагч, үйлчлүүлэгчдэдээ хамгийн олон төрлийн танхим санал болгодог тус төвийн 16-р давхарт байрлах View event hall нь нэг дор 150 хүн хүлээн авах багтаамжтай төдийгүй дуу, дүрсийг гайхалтай ялгаруулах технологийн дэвшилтэд шийдлүүдтэй. Мөн 800 хүний багтаамжтай хамгийн том эвент танхим нь үйлчлүүлэгчдийн таашаалд төгс нийцдэг төдийгүй тайзны хоёр талдаа хамгийн сүүлийн үеийн лед дэлгэцтэйгээрээ онцлог.
Монголын уламжлалт хэв маягийг орчин үеийн шийдэлтэй хослуулсан гайхалтай интерьер, тав тухтай орчин бүхий Corporate Hotel and Convention Centre -т босоо хүлээн авалт хийхээс гадна өөрийн сонголтоор ширээгээ засуулж, тэмдэглэлт баяраа дурсамж дүүрэн өнгөрүүлэх боломжтой.
Утас: 7000-2030
Хаяг: Хан-Уул дүүрэг, 15-р хороо, Махатма Ганди гудамж-39
РАМАДА ЗОЧИД БУУДАЛ
Олон улсын сүлжээ Рамада зочид буудал баяр ёслол, хүлээн авалтын захиалгаа хэдийнэ авч эхэлжээ. Тус зочид буудал нь 200 зочин хүлээн авах багтаамжтай Их танхим, 50 хүртэлх зочин хүлээн авах хоёр Бага танхимтайгаас гадна 30 хүн хүлээн авах багтаамжтай VIP өрөөтэй. Их болон Бага танхимдаа лед дэлгэц, тайз, дуу хөгжмийн төхөөрөмж, хувцасны өрөө гэх зэрэг хүлээн авалтад шаардлагатай бүхий л зүйлсийг шийдэж өгсөн байна.
Мөн хамгийн шилдэг тогооч, зөөгч, угтах үйлчилгээнээс бүрдэх мэргэжлийн баг танай байгууллага, хамт олонд мэргэжлийн өндөр түвшинд үйлчилнэ гэдгийг Рамада зочид буудлын хамт олон онцолж байна.
Утас: 7014-1111, 8886-8708
Хаяг: Баянгол дүүрэг, баруун 4 замын уулзвар, Энхтайваны өргөн чөлөө-2
NOVOTEL ULAANBAATAR ЗОЧИД БУУДАЛ
Novotel Ulaanbaatar Hotel нь ижил төрлийн үйл ажиллагаа явуулдаг зочид буудлууд дундаа харьцангуй “залуу” ч, арга хэмжээ, тэмдэглэлт баярыг мэргэжлийн өндөр түвшинд зохион байгуулдгаараа хэдийнэ танил болжээ. Тус зочид буудал хурал, хүлээн авалтын танхимаа сургалт зөвлөгөөн, хурим, үдэшлэг зэрэг бүх төрлийн арга хэмжээг зохион байгуулахад хамгийн тохиромжтой байдлаар шийдэж тохижуулжээ.
Орчин үеийн тоног төхөөрөмж, дуугаралтын систем, 410 инчийн үндсэн дэлгэц болон сурталчилгаа, баннер байршуулах 196 инчийн лед дэлгэц, өндөр хурдны интернэтээр тоноглогдсон танхим нь 500 хүн зэрэг хүлээн авах хүчин чадалтай. Мөн 4.5 метрийн өндөр таазтайгаас гадна халхлах баганагүй учраас тансаг, халуун дулаан уур амьсгалыг танд мэдрүүлнэ.
Утас: 7010-1188, 8602-7722
Хаяг: Сүхбаатар дүүрэг, 6-р хороо, Бага тойруу
“ЦЭНГҮҮН” EVENT HALL
Эрхэмсэг, тансаг орчныг танд мэдрүүлэх 350 хүний багтаамж бүхий “Цэнгүүн” event hall нь ойн баяр, байгууллагын арга хэмжээ, хуримын хүлээн авалт, сургалт, семинар зэрэг бүхий л эвентийг мэргэжлийн өндөр түвшинд зохион байгуулж үйлчилдэг.
Нэгдүгээр зэрэглэлийн рестораны ангилалд багтах тус хамт олон амт чанартай хоол, дээд зэргийн үйлчилгээг харилцагч, үйлчлүүлэгчдэдээ амладаг. Тэд үйлчлүүлэгч бүрийнхээ хүсэл сонирхлыг харгалзан тусгай цэс гаргаж, урлагийн тоглолт толилуулахаас гадна урамшууллын сонирхолтой хөтөлбөрүүдийг хэрэгжүүлдэг байна.
Утас: 7611-1815, 9901-1815
Хаяг: Баянзүрх дүүрэг, зүүн 4 зам, Соманг Плаза, 7-р давхарт
HOLIDAY INN ULAANBAATAR ЗОЧИД БУУДАЛ
Holiday Inn Ulaanbaatar зочид буудал нь Английн хөрөнгийн зах зээлд шилдэг 100 аж ахуйн нэгжид тооцогддог, хувьцаа нь хамгийн эрэлттэй байдаг сүлжээ зочид буудал юм. Дэлхийн 100 гаруй улс оронд 5500 гаруй зочид буудалтай энэ аварга зочид буудлын сүлжээний франчайз эрхийг “Макс Хотелс” ХХК эзэмшдэг бөгөөд 2016 онд Монголын зочлохуйн үйлчилгээний салбарт цоо шинэ өнгө төрхийг авчран үүдээ нээсэн түүхтэй.
Тус зочид буудал нь нийтдээ 620 хүн хүлээн авах хүчин чадалтай 852 м.кв бүхий таван том хурлын танхимтай бөгөөд танхимууд нь зориулалтын гүйдэг ханын тусламжтай тусгаарлагддаг учир зай талбайн хувьд харьцангуй уян хатан сонголт хийх боломжтой. Олон улсын хурал, семинар, урлагийн тоглолт, арга хэмжээг зохион байгуулах мэргэжлийн өндөр ур чадвар бүхий тус хамт олон танай байгууллагын шинэ жилийн цэнгүүнийг “шид”-ийн гэмээр гайхалтай зохион байгуулахаа онцолж байна.
Утас: 7014-2424
Хаяг: Чингэлтэй дүүрэг, 5-р хороо, Самбуугийн гудамж-24
