Хархорум Дижитал Академи, Business.MN сэтгүүлээс хамтран зохион байгуулдаг “БИЗНЕС ЦЭНЭГ” сургалтын 2024 оны нэгдүгээр сарын хувиар зарлагдлаа. Энэ сарын сургалтаараа бид Бизнесийн эрхзүй сэдвийг онцолж байна.
Бизнес эрхлэнэ гэдэг нь нэг ёсондоо хэрэглэгч, ажилтан, хамтрагчид, үүсгэн байгуулагчид, ТУЗ, гүйцэтгэх удирдах, зохицуулах байгууллагууд гээд олон оролцогчийн дунд, олон чиглэлд үүсдэг харилцаа юм. Эдгээр харилцааг зохицуулахад чиглэсэн эрх зүйн төрөл бүрийн хэм хэмжээ, хууль журмуудын үйлчлэл, шинэчлэлийн талаар байнгын мэдээлэл, мэдлэгтэй байх нь бизнесийн тогтвортой хөгжилд чухал.
Тиймээс Бизнес цэнэг” сургалт нэгдүгээр сарын дугаартаа нийгмийн даатгал, хөдөлмөрийн харилцаа, стратегийн баримт бичгүүд, нягтлан бодох бүртгэл зэрэг сэдвийг хөндөж, мэргэшсэн, туршлагатай зөвлөх, зочин багш нарыг бид урьж оролцуулж байна.
Дараах сургалтуудад та бүхнийг өргөнөөр оролцохыг урьж байна.
1 сарын 9. Нийгмийн даатгалын багц хууль
Удирдлагын академийн багш С.Ганцэцэг
2024 оны нэгдүгээр сарын 1-нээс хэрэгжиж буй Нийгмийн даатгалын багц хуулийн гол шинэчлэлтийг танилцуулж, ажил олгогч болон ажилтны зүгээс анхаарч хэрэгжүүлэх зүйлс, багц хуульд ямар өөрчлөлт орсон, ямар давуу талууд бий болсон талаар энэхүү вэбинараас мэдэж авна.
1 сарын 16. Бизнесийн стратегийг засаглалын баримт бичигт буулгах нь: Компанийн дүрэм
Бизнесийн хуульч, зөвлөх Б.Баасандорж
Бизнесээ хэрхэн тогтвортой нисгэх вэ?
Стратегийг хууль эрх зүйн хувьд юу гэж харах вэ? Эрсдэлээ хэрхэн бууруулах вэ?
Хэрхэн баримт бичгээр баталгаажуулах вэ? гэсэн асуултуудад энэхүү вэбинараар хариулт өгнө. Компанийн дүрмээ шинэчлэх сайжруулах, хувьцаа эзэмшигчдийн байгуулах гэрээгээ шинэчлэх, компанийн удирдлагын дотоод баримт бичгээ сайжруулах шинэчлэх талаар мэргэжлийн хуульч зөвлөнө.
1 сарын 23. Хөдөлмөрийн эрх зүй, хөдөлмөрийн харилцааны гол асуудлууд
MN Partners хуулийн фирмийн захирал Ц.Мөнхбат
Энэхүү вэбинараар хөдөлмөрийн эрх зүйн харилцааны суурь ойлголттой болж, хөдөлмөрийн гэрээг бусад төрлийн гэрээнээс ялгах нь, хөдөлмөрийн гэрээ дуусгавар болгох, цуцлах харилцаа, сахилгын шийтгэл ногдуулах харилцааг оновчтой зөв төлөвлөж, зохион байгуулах талаар суралцана.
1 сарын 30. Хэмжиж чадвал удирдаж чадна
Санхүүгийн зөвлөх Х.Тунгалагмаа
Нягтлан бодох бүртгэл, эрх зүйн хүрээний тайлагналын үр дүнг хэмжиж, санхүүгийн удирдлага менежментийг сайжруулах талаар энэхүү вэбинараар авч үзнэ. Татвар төлөгчдөд тулгардаг асуудлууд болон татварын хууль тогтоомжийн зөрчилтэй үйлдлүүд, эрсдлээс урьдчилан сэргийлэх талаар практикт суурилсан мэргэжлийн зөвлөгөө өгнө.
Вэбинар мягмар гараг бүр видео хэлбэрээр байршина. “Бизнес цэнэг” вэбинарын тухай мэдээллийг karakorum.digital хаягаас аваарай.
Та бизнестээ тулгарч буй бэрхшээл эсвэл өөрийн туршлагаа хуваалцаж и-мэйл бичвэл бид тухайн салбартаа мэргэшсэн зөвлөхүүдийг урьж сургалт зохион байгуулах боломжтой.
И-мэйл: support@karakorum.digital,
Утас: 70110812, 85851850 /ажлын цагаар/
Вэб:karakorum.digital
