Манай улс жил бүрийн дөрөвдүгээр сарыг “ХӨДӨЛМӨРИЙН АЮУЛГҮЙ БАЙДАЛ, ЭРҮҮЛ АХУЙН” сар болгон тэмдэглэдэг. Энэ тэмдэглэлт өдрийн хүрээнд “ОЛОЛТ АМЖИЛТЫН ТҮЛХҮҮР” ХХК санаачлан зохион байгуулж буй “HSE UPDATE FORUM 2024” форум нь 2024 оны 04 дүгээр сарын 24-ний “CORPORATE CONVENTION CENTRE” хурлын танхимд 1,000 гаруй оролцогчид болон хамтран ажиллагч байгууллагуудад зориулсан форумын арга хэмжээ зохион байгуулагдахаар төлөвлөж байна. Энэхүү форум нь урьд өмнө нь зохион байгуулагдаж байсан хөдөлмөрийн аюулгүй байдал, эрүүл ахуйн үйл ажиллагаануудаас дараах байдлаар онцлогуудтай болно. Үүнд:
- Тодорхой сэдвийн хүрээнд Америкийн нэгдсэн улс, Япон улс, Бүгд найрамдах Энэхтэг улс, Бүгд Найрамдах Өмнөд Солонгос зэрэг улсуудаас салбарын мэргэжилтэн, доктор профессорууд манай улсад өөрийн биеэр хүрэлцэн ирж илтгэл тавих болно.
- Уул уурхайн салбар, барилгын салбар, авто тээвэр, хот байгуулалт, тээвэр логистик, зам гүүрийн салбар, Хөнгөн үйлдвэрийн салбар, Даатгалын байгууллагуудын салбар, Хуулийн фермүүд, Эрүүл мэндийн салбар, Олон улсын стандартын баталгаажуулалтын байгууллагууд, ХАБЭА сургалт, зөвлөх үйлчилгээний байгууллагууд, ХАБЭА хамгаалах хэрэгслийн ханган нийлүүлэгчид гэх салбар нэгжүүдийг хамарсан форум болон тухайн байгууллагуудын Удирдлагын баг болон ХАБЭА салбарт үүрэг гүйцэтгэж буй бүх албан хаагч нарт зориулж буйгаар илүү онцлогтой
- Дээрх байгууллагуудын хамтын ажиллагааг өргөжүүлэн тэлж, ОУ-ын тэргүүлэгч мэргэжилтэнгүүдтэй туршлага солилцох, ОУ-ын түвшинд ХАБЭА салбарын хөгжлийн талаар хэлэлцүүлэг хийгдэхээр төлөвлөгдөж байна.
- Хүрэлцэн ирсэн оролцогч талууд хоорондоо танилцах харилцаа холбоогоо өргөжүүлэх боломж, нөхцөлийг үйл ажиллагаанд мөн оруулсан.
- Энэхүү арга хэмжээнд хамтран ажиллах Ерөнхий ивээн тэтгэгч, Ивээн тэтгэгч, Дэмжигч байгууллагууд, Хамтран ажиллагч байгууллагуудад хамтран ажиллах санал хүргүүлж ХАБЭА арга хэмжээг ОУ-ын түвшинд зохион байгуулахаар зорьж байгаа болно.
Энэхүү арга хэмжээний тасалбар болон Ивээн тэтгэгч, хамтран ажиллагч байгууллагуудын ивээн тэтгэлэгийн тодорхой хувийг хүүхдийн төлөөх “МЭДДЭГ, ЧАДДАГ БҮХНЭЭ ӨРГӨЕ” аянд зарцуулагдах болно.
Билет худалдан авах: https://shoppy.mn/products/hseforum-240424
