Монголд анх удаа биет аюулгүй байдлыг хангах технологийн бүх шийдлийг нэг дор төвлөрүүлсэн Dahua showroom – ийг “МНДахуа Тех” ХХК танилцуулаад удаагүй байна. Яармаг дахь Food City Mall-ийн гуравдугаар давхарт байрлах энэхүү шоурүүм нь камер болон түүний дагалдах хэрэгсэл, галын систем, барилгын домофон, бүх төрлийн кабель гэх мэт оффис болон аливаа барилгад зориулсан бүх төрлийн бүтээгдэхүүнийг нэг дороос цогц байдлаар хүргэж буйгаараа онцлог.
***
“Барилгын салбар идэвхжиж буй энэ цаг үед бид барилгын цахилгаан холбоо дохиоллын бүрэн цогц үйлчилгээ үзүүлэх Dahua showroom-ээ нээж байна. Энэ нь барилгын салбарынхан болон бизнес эрхлэгчдэд цагаа олсон, эрэлттэй үйлчилгээ болж буй гэдэгт итгэлтэй байна” хэмээн “МНДахуа Тех” ХХК-ийн гүйцэтгэх захирал Г.Дөлгөөн Dahua showroom -ийнхээ нээлтийн үеэр онцолсон юм. Уг шоурүүмд зочилсноор нэг дороос өргөн сонголттой бүтээгдэхүүн, үйлчилгээ авах, системийн ажиллагааг тав тухтай орчинд туршиж үзэх, өөрт шаардлагатай заавар зөвлөгөөг авч, төлбөрийн уян хатан нөхцөл буюу Simple, Storepay зээлийн аппликейшн ашиглан худалдан авах боломжтой.
“МНДахуа Тех” ХХК нь 2020 оноос эхлэн Dahua брэндийн техник, тоног төхөөрөмжийг албан ёсны эрхтэйгээр дотоодын зах зээлд оруулж ирсэн бөгөөд Хятадын Dahua Technology нь биет аюулгүй байдлын дэвшилтэт технологийг хямд өртгөөр нийлүүлдгээрээ дэлхий дахинд танигдсан компани юм. Ингээд өнгөрсөн сард нээлтээ хийсэн Dahua showroom -ийн танилцуулж буй дэвшилтэт технологиудаас онцлон танилцуулья.
Хамгийн сонирхолтой, шинэлэг бүтээгдэхүүн нь Keenon робот байлаа. Keenon загварын зөөгч буюу рестораны робот, мөн зочид буудлын өрөөний хүргэлт хариуцсан роботыг Dahua showroom-ээс сонирхоход нээлттэй аж.
Зардлыг бууруулах видео аналитикийн шийдэл
Видео аналитикийн систем нь хяналтын камерын цуглуулсан бичлэгийг илүү хурдан, үр дүнтэйгээр хянаж, удирдахад зориулсан программ хангамжийн шийдэл юм. Энгийн хяналтын камер маш олон цагийн бичлэгийг тодорхой хугацааны турш хадгалдаг. Энэхүү их хэмжээний датаг хадгалахаас гадна ажилтан хяналтын камерыг байнга хянаж байж элдэв зөрчлийг илрүүлэх шаардлагатай болдог. Харин видео аналитикийн системийн тусламжтай зөвхөн хөдөлгөөн, эсвэл дуу авиа илэрсэн тохиолдолд бичлэг хийх, тусгайлан тохируулсан байдлаар зөрчлийн хөдөлгөөнийг илэрмэгц хяналтын камераар даган бичих боломжийг олгодог. Уг шийдэл нь системд цуглах мэдээллийн хэмжээг багасгаад зогсохгүй, системийн төвөгтэй байдал болон зардлыг бууруулдгаараа бизнест давуу талыг авчирдаг.
МНДахуа Тех” компани B2B буюу байгууллагад чиглэсэн хамтын ажиллагааны өргөн боломжийг харилцагчдадаа олгохын зэрэгцээ төлбөрийн уян хатан нөхцөлийг бүрдүүлжээ.
Ийнхүү бидний мэдэх камер зөвхөн дүрс бичээд зогсохгүй хөдөлгөөн илрүүлэх, дагах, хөдөлгөөн болон дуу авиа илэрсэн тохиолдолд түүнийг дагах, ямар нэг буруу үйлдэл хийх үед хамгаалалтын хэсэгт дохио илгээдэг болжээ. Үүний ачаар дохио хүлээн авсан хяналтын ажилтан тэр дагуу шалгаж, асуудлыг шуурхай шийдэх боломжтой болсон байна. Dahua хяналт, видео аналитикийн шийдэл нь хүний хөдөлмөрийг ийн хөнгөвчлөхөөс гадна мэдээллийг илүү хурдан боловсруулж, бусад систем программ хангамжтай интеграц хийх боломжтойгоороо давуу талтай. Мөн эндээс камерын дагалдах хэрэгсэл болох камерын свитч, бичигч, хард, кабель, камер хянахад зориулагдсан 24/7 цагаар ажиллах чадамжтай 24-55 инч хүртэлх хэмжээтэй мэргэжлийн дэлгэцийг худалдан авах боломжтой.
Сэтгэл хөдлөл, гадаад төрхөөр ялган таних систем
Dahua брэндийн царай таних системийг өөрийн камертай холбосноор хүнийг сэтгэл хөдлөл болон гадаад төрхөөр нь ялган таних боломжийг олгодог байна. Царай таних систем гэдэг нь видео бичлэгт суурилан хүний царайг таньж, тогтоох чадвартай программ хангамж юм. Энэхүү технологи нь дижитал бичлэг, эсвэл зургаас хүний царайг танин, хэлбэр хэмжээ, сүүдэр зэргийг харьцуулж, анализ хийсний үр дүнд тодорхой мэдээлэл цуглуулан нэгтгэж, дата бааз үүсгэдэг биометрийн программ хангамж гэж хэлж болно.
Уг царай таних системээр дамжуулан зургаан төрлийн мэдээлэл цуглуулж, тодорхой нэг түлхүүр үгээр хайлт хийх боломжтой. Жишээлбэл, өчигдөр танай байгууллагад нэвтэрсэн сахалтай, нүдний шилтэй хүний бичлэгийг шүүж үзэхийг хүсвэл та цаг, эсвэл байршлын мэдээллийг оруулахгүйгээр “Сахалтай”, “Нүдний шилтэй” гэсэн түлхүүр үгээр хайж үзэхэд тухайн хүний бичлэг гарч ирэх аж.
Дугаараар таних зогсоолын автоматжуулалт
Автомашины дугаар таних зогсоолын автоматжуулалтын систем нь байгууламжид орж, гарч буй тээврийн хэрэгслийн урсгалыг хурдан шуурхай, илүү үр дүнтэйгээр зохицуулахад чиглэсэн технологийн дэвшилтэт шийдэл юм. Энэхүү төхөөрөмжийг хаалтын өмнө болон хажуу талд байрлуулснаар тусгай мэдрэгч нь машин ирж буйг мэдрэн, улмаар камер ажиллаж эхэлдэг. Камер нь автомашины дугаарын зургийг авч, цагийг нь бүртгэснээр хаалт нээгдэн дотогш нэвтрүүлэх горимоор ажиллана. Энэ төрлийн ухаалаг ANPR камерын системийг ашигласнаар цаг хугацаа, зардлаа хэмнэх боломж бүрдэх юм.
Галын систем болон гэрийн автоматжуулалтын дэвшилтэт технологиуд
Шинэхэн шоурүүмд Dahua брэндийн галын систем, мэдрэгч, гар мэдээлэгч, панель гээд энэ чиглэлийн шаардлагатай бүх төхөөрөмж бий. Dahua галын системийг камертайгаа интеграц хийсэн тохиолдолд гал гарч буй тухайн газрын мэдээлэл, дүрсийг шууд харах боломжтой болох аж. Мөн тун удахгүй хауст зориулсан wireless буюу утсаар холбох шаардлагагүй галын мэдрэгчүүдийг худалдаалж эхлэхээр төлөвлөснөө тэд хуваалцсан юм.
Харин гэрийн автоматжуулалтын тухайд, сүүлийн үед хамгийн өндөр эрэлттэй байгаа Lifesmart гэрийн автоматжуулалтын системийг санал болгож буй. Орон сууц болон хауст зориулсан хамгийн шинэлэг шийдэл бүхий үүдний хонх, айлын домофоныг эндээс сонирхох боломжтой. Эдгээр төхөөрөмж нь дан ганц хонхны үүрэг гүйцэтгэхгүйгээр тухайн айл, өрхийн хаалгыг ямар хүн хэдэн цаг, минутад тогшсон гэх мэт функцтэй тул таны аюулгүй байдлыг хүрэн ханган ажиллана.
“МНДахуа Тех” компани B2B буюу байгууллагад чиглэсэн хамтын ажиллагааны олон боломжийг харилцагчдадаа олгодог бөгөөд төлбөрийн уян хатан нөхцөл, бизнес хамтын ажиллагааг өргөжүүлэхэд үргэлж нээлттэй байдгаа энэ ташрамд мөн илэрхийлж байлаа. Түүнчлэн нийтлэлд багтаагүй илүү олон тоног төхөөрөмжийн шийдэлтэй Dahua showroom-ээр зочлохдоо уншигч та танилцах боломжтой.
Одоогийн байдлаар Dahua showroom нь ажлын өдрүүдэд 10:00-19:00 цаг хүртэл ажиллаж байгаа бөгөөд тун удахгүй амралтын өдрүүдэд ч хэвийн ажиллаж эхлэх юм байна.
Холбоо барих дугаар: 80001415, 80008398
“ПД Сервис” – Дэлхийн стандартад нийцсэн засвар үйлчилгээ
B2B зах зээлд хүчээ авч буй “ПД Солюшн” компани үйл ажиллагаагаа өргөжүүлж, “ПД Сервис” охин компаниараа дамжуулан барилгын цахилгаан холбоо, дохиоллын төслүүдэд ашиглалтын засвар үйлчилгээг үзүүлж эхэлжээ. Уг үйлчилгээний талаар “ПД Сервис” компанийн ерөнхий менежер Г.Мөнхтуяа “Манай компани биет аюулгүй байдлын технологиор тэргүүлэгч Dahua брэндийн Монгол дахь албан ёсны дистрибьютертэй хамтран ажиллаж, тус брэндийн тоног төхөөрөмжид дэлхийн стандартад нийцсэн засвар үйлчилгээг үзүүлж байна. Бидний үнэ цэн хэрэглэгчдийн сэтгэл ханамжийг нэмэгдүүлэх, тоног төхөөрөмжийн найдвартай ажиллагааг хангах, гарч болзошгүй гэнэтийн эрсдэлээс урьдчилан сэргийлэхэд оршдог” хэмээн ярьсан юм. Түүний хэлснээр, хэрэглэгчид худалдан авалтын дараах үйлчилгээг авснаар тухайн байр, хотхон, айл өрхийн камер автоматжуулалт, домофон систем, түүнийг хэрхэн хэрэглэх заавар, зөвлөгөө авах, мөн галын аюул, хулгай зэрэг гарч болзошгүй эрсдэлээс урьдчилан сэргийлэх, тоног төхөөрөмжийн хэвийн ажиллагааг хангах боломжийг бүрдүүлж өгчээ. Эдгээр үйлчилгээгээ тухайн хотхоны СӨХ-өөр дамжуулан үзүүлдэг ба СӨХ -д зориулсан Tooto цогц системтэй хамтран ажилладаг байна.
“ПД Сервис” компани одоогоор 15 ажилтантай үйл ажиллагаа явуулж буй бөгөөд нийт ажилтны 90 орчим хувийг цахилгаан, холбоо дохиолол хариуцсан мэргэшсэн инженер техникийн мэргэжилтнүүд бүрдүүлдэг. Цаашид тэд хүний нөөцөө чадавхжуулах, шинэ залуу инженерүүдийг сургах, ажлын байраар хангаж ажиллахад анхааруул хандуулж байна. .
Хаяг: Баянбүрдэд байршилтай “Дахуа” засварын төв
Цагийн хуваарь: Ажлын өдрүүдэд 09:00-18:00 цагт
Дуудлагын төвийн утас: 76088383, 80008834