Тулгар төрийн 2233, Их Монгол Улсын 818, Ардын хувьсгалын 103 жилийн ой, Үндэсний Их Баяр наадмыг угтан 7 дахь жилдээ “НААДАМ ЭНД ТРАВЭЛ ЭКСПО-2024” үзэсгэлэн худалдааг үндэсний үйлдвэрлэлийн үйл ажиллагааг дэмжих, урамшуулах, шинээр гарч ирж байгаа аж ахуй нэгж, бүтээгдэхүүнийг зах зээлд таниулах, чанартай бүтээгдэхүүний нэр төрлийг олшруулах, наадамчин олон наадмын бэлтгэлээ үйлдвэрийн үнээр хямдралтай, урамшуулалтай үнээр худалдан авах мөн наадмын дараах дотоодын болон гадаад аялал зугаалгатай холбоотой мэдээ мэдээллийг нэг дороос өргөн сонголттой харьцуулан сонголт хийх бололцоотой ба аяны хэрэгслээ хангах боломжийг бүрдүүлнэ.
2023-2025 оныг Монголд зочлох жил болгон зарласантай холбоотойгоор гадаадын жуулчдыг үзэсгэлэнгээр аялах бололцоог бүрдүүлэх. Үзэсгэлэн худалдаанд гэр бүлээрээ хүрэлцэн ирснээр баяр наадамтай холбоотой наадмын дараах амралт зугаалгын цагаа хэрхэн төлөвлөх хаана юу үзэх, хаагуур аялах зэрэгт дэмжлэг үзүүлэх зорилготой бөгөөд ирсэн үйлчлүүлэгчид уламжлалт наадгайгаар тоглохоос гадна бусад сонирхолтой арга хэмжээнд оролцон азтан болох боломжтой.
Долоодугаар сарын 5-9 ы хооронд тав хоног “Мишээл Экспо” олон улсын үзэсгэлэн худалдааны төвд уг үзэсгэлэн худалдааг зохион байгуулах гэж байна.
ҮЗЭСГЭЛЭН ХУДАЛДААНД ХУДАЛДААЛАХ БАРАА БҮТЭЭГДЭХҮҮНИЙ ТӨРЛҮҮД
- Үндэсний үйлдвэрлэл
-Үндэсний хувцас, загварын дээл
-Зөөлөн оёдол, гар урлал
-Ноос, ноолууран бүтээгдэхүүн
-Арьс ширэн бүтээгдэхүүн
– Монгол тоглоом наадгай
- Үнэт эдлэл
-Үнэт эдлэл, гоёл чимэглэл
-Бэлэг дурсгал
- Аялал Жуулчлалын компани
-Дотоод, гадаад аяллын тур компани
-Аяны хэрэгсэл
- Бусад нэр төрлийн бүтээгдэхүүн
Эрхэм хэрэглэгч та бүхнийг зочлон ирж наадмын гоёл болон аяллын хэрэгслүүдийг өргөн сонголттойгоор нэг дороос худалдан авч азтан болохоос гадна бөхийн тааварт оролцож аз ёндойгоо сориорой.
Түмэн олон та бүхэн сайхан наадаарай
