"Бизнес Цэнэг" өглөөний уулзалтын 11-р сарын зочдыг танилцуулж байна!

10 дугаар сарын "Бизнес цэнэг"-ийн талаар энд дарж уншаарай

Энэ удаагийн Morninspire-ийн зочин бол Bat Solution Partners-ийн үүсгэн байгуулагч В.Ганзориг (Ganzorig Vanchig). Тэрээр маркетингийн салбарт амжилттай ажиллаж, олон жилийн туршлага хуримтлуулсан мэргэжилтэн юм. В.Ганзориг нь “Брэнд Урлахуй” сэдвээр илтгэл тавьж, маркетингийн стратеги, брэндийн үнэ цэнэ, хэрэглэгчийн сэтгэл ханамжийг хэрхэн нэмэгдүүлэх талаар өөрийн мэдлэг, туршлагаа хуваалцах болно.

Sharing is caring хэсэгт, бизнесийн салбарт өөрсдийн өвөрмөц замнал, онцгой туршлагаа бүтээсэн үүсгэн байгуулагчид болон Гүйцэтгэх захирлууд оролцоно:

CallPro компанид оффис менежерээс гүйцэтгэх захирал хүртэл дэвшин амжилттай ажиллаж буй Т.Аягүль “Борлуулалтаа өсгөхөд технологи ашиглах нь” сэдвээр өөрийн туршлагаасаа хуваалцана. Тэрээр технологийн дэвшлийг ашиглан хэрхэн борлуулалтыг нэмэгдүүлэх стратегиудыг танилцуулах бөгөөд, энэ нь бизнесийн өсөлтөд хэрхэн нөлөөлдөг талаар ярилцах болно.

Үйлдвэргүйгээр үйлдвэрлэгч болох санааг бодитоор хэрэгжүүлсэн BLU Clothing Studio-г үүсгэн байгуулагч Г.Энхтөгс “Кластер: Брэнд бүтээх шийдэл” сэдвийн хүрээнд хамтын хүчийг ашигладаг арга барилаасаа хуваалцах болно. Түүний илтгэлээс хамтын ажиллагаа, кластерийн нөлөө, брэндийн хөгжлийн стратегиудыг хэрхэн хэрэгжүүлэх талаар мэдээлэл авах боломжтой.

Apprentice нэвтрүүлгээр олонд танигдсан Stora компанийн Гүйцэтгэх захирал О.Энхжин “Тасралтгүй суралцдаг CEO-ийн дадал” сэдвээр өөрийгөө хөгжүүлэх дадлыг хэвшүүлсэн туршлагаа хуваалцана. Түүний илтгэлд CEO нарын хувьд тасралтгүй суралцах, шинэ мэдлэг, ур чадвар эзэмших нь хэрхэн чухал болохыг онцлон, амжилттай бизнесийн удирдлагын нууцыг хуваалцах болно.

Өглөөний кофегоо хамтдаа ууж, урам зориг, шинэ санаагаар өөрийгөө цэнэглэцгээе. Бидний уулзалт нь бизнесийн шинэ боломж, хамтын ажиллагаа, инновацын талаар санаа солилцох гайхалтай платформ болох болно. Та бүхэн бидэнтэй нэгдэж, шинэ санаа, урам зориг авах боломжийг бүү алдаарай!