Монголын ажлын байрны үндсэн платформ Zangia.mn-ээс хоёр сар тутам зохион байгуулдаг “HR Event & Networking” энэ жилийн эхний арга хэмжээгээ 2025 оны 02-р сарын 20-ны өдөр Aurag place-т зохион байгуулах гэж байна.
Zangia.mn нь дотоодын хөдөлмөрийн зах зээлийг төгөлдөржүүлэх, байгууллагуудын хүний нөөцийн бүрдүүлэлтэд чиглүүлэг болохоос гадна хувь хүний хөгжил, олон нийтийн боловсрол хөрөнгө оруулахыг зорьсон олон төсөл хөтөлбөр, арга хэмжээг зохион байгуулдгийн нэг нь “HR Event & Networking” юм.
Тэгвэл энэ удаагийн арга хэмжээнд: Үнэт санхүүгийн нэгдэл, ТУЗ-ийн дарга Д.Бадрал “Өндөр бүтээмжийг хэрхэн бий болгох вэ” сэдвээр оролцохоор болжээ. Сүүлийн жилүүдэд Монгол Улсад хүний нөөцийн хомсдол нэмэгдэж, ажиллах хүчний олдоц огцом буурч буй нь хөдөлмөрийн зах зээлд томоохон сорилт үүсгэж байгаа юм. Үүний зэрэгцээ ажлын байрны эрэлт тасралтгүй өсөж, байгууллагууд өндөр ур чадвартай ажилтнуудыг илүү ихээр шаардсаар байна.
Харин энэ нөхцөлд байгууллагууд ажиллах хүчний дутагдлыг зөвхөн шинэ ажилтан нэмэх замаар шийдэх боломжгүй болж, одоо байгаа ажилтнуудын бүтээмжийг дээшлүүлэх нь хамгийн үр дүнтэй шийдэл болон хувирч байна. Тиймд байгууллагууд ажилтныхаа бүтээмжийг хэрхэн нэмэгдүүлэх вэ? сэдвийн хүрээнд Шарк Д.Бадрал ярилцах болно.
Дэлхий дахинд бизнесийн үр дүнд нөлөөлөх Хүний нөөцийн стратеги нь маш чухал үүрэг, оролцоотой болсон. Өөрөөр хэлбэл таны бизнес амжилттай байх эсэх нь ажилтнуудын сэтгэл ханамж, тэдний ур чадвар болон гүйцэтгэлтэй шууд хамааралтай юм. Тэгвэл үүнийг танай компани хэрхэн Хүний нөөцийн үйл ажиллагаандаа тусган бизнест үнэ цэнийг бий болгох стратегийг тодорхойлон дэмжин ажиллах талаар агуулгыг АПУ ХК-ийн Хүний нөөц эрхэлсэн захирал Ж.Ичинхорлоо “Embedding the HR strategy into HR value chain” буюу Хүний нөөцийн стратеги, үүсгэж буй үнэ цэнийн тухай ирсэн зочидтойгоо мэдлэгээ хуваалцах болно.
Арга хэмжээний бүртгэл болон бусад дэлгэрэнгүй мэдээллийг ЭНД дарж авна уу…
- Хэзээ: 2025 оны 02-р сарын 20-нд
- Хаана: Хан-Уул дүүрэг, Aurug Place
- Цаг: 19:00
Мэргэжлийн ур чадвараа ахиулж, шинэ танил, хамтын ажиллагааг өргөжүүлэх боломжийг бүү алдаарай!
