Бизнес бол зөвхөн мөнгө олох арга биш, харин хүмүүст үнэ цэн өгөх урлаг юм. Амжилттай бизнес эрхлэгчдийн гол нууц нь бусдаас онцгойруулах үнэ цэнийг бий болгож, тэрхүү үнэ цэнээ яг хэрэгтэй хүмүүст нь зөв хэлбэрээр хүргэх чадварт оршдог. Мэдээж эхлэхэд хүндрэлтэй байна. Бүх салбарт асуудал бий бүгд түүнийг шийдвэрлэхийн төлөө хичээдэг. Алдхаасаа айгаад бизнесээ эхлүүлэхгүй байх нь буруу.
- Амжилт бол зөвхөн хөрөнгө хуримтлуулах явдал биш
Санхүүгийн ашиг нь бизнесийн үр дүнгийн нэг хэмжүүр байж болох ч жинхэнэ амжилт гэдэг нь таны бүтээгдэхүүн, үйлчилгээ бусдын амьдралд ямар эерэг нөлөө үзүүлж байгаагаар хэмжигддэг. Үнэнч хэрэглэгчид, нийгмийн итгэлцэл, сайн нэр хүнд бол хамгийн бат бөх “хөрөнгө”. - Өөрийн бизнесийн онцлог үнэ цэнийг тодорхойлох хэрэгтэй
Таны бизнес юугаараа өвөрмөц вэ? Ямар асуудлыг хэрхэн шийддэг вэ? Энэ бол амжилттай хөгжихийн суурь. Өрсөлдөөнөөс ялгарч, хэрэглэгчдэд санахад хялбар, мэдрэгдэхүйц үнэ цэнэ бүтээж чадсан тохиолдолд таны бизнес өөрийн байр сууриа олж чадна. - Хэрэглэгчдийн бодит хэрэгцээг ойлгох нь амжилтын үндэс
Зах зээлийн судалгаа хийх, хэрэглэгчдийн санал бодлыг сонсох, тэдний хүсэл, асуудлыг гүнзгий ойлгох нь танд зөв шийдэл гаргах боломжийг өгнө. Хэрэглэгчид өөрсдийн асуудалд шууд хариулт өгдөг бүтээгдэхүүн, үйлчилгээг эрэлхийлдэг тэдний оюун санаанд нийцэж чадвал, бизнес тань байнгын өсөлттэй байна. Нийтлэлийн агуулгыг илүү дэлгэрэнгүй сонирхохыг хүсвэл уншигч та Business.mn Podcast–ийн “Сургууль бол сурагчдын очих дуртай орчин байх ёстой” 308 дугаар–ыг үзнэ үү.
