Мерчандайз буюу брэндийн хувцас, бараа бүтээгдэхүүн үйлдвэрлэх, борлуулах бизнес нь Монголд сүүлийн жилүүдэд эрчимтэй хөгжиж байна. Энэхүү бизнес нь зөвхөн лого бүхий хувцас үйлдвэрлэхээс гадна тухайн брэндийн философи, утга санааг хувцсанд шингээж, хэрэглэгчдэд хүргэх чиглэлд төвлөрдөг.
Нэг үгээр, мерчандайзинг нь зөвхөн хувцас үйлдвэрлэх биш, тухайн байгууллага, урлаг, спортын одуудын үзэл санаа, философийг хувцсан дээр шингээж, хэрэглэгчдэд хүргэдэг цогц үйлчилгээ юм. Жишээлбэл, дуучид тоглолтын үеэр өмсдөг хувцас, спортын багуудын албан ёсны хувцас зэрэг нь тогтмол орлоготой бизнесийн нэг хэлбэр болжээ. Тоглолт, тэмцээнгүй үед ч мерч бүтээгдэхүүнүүд борлуулалттай байх нь тухайн уран бүтээлч, багийн орлогыг тогтвортой байлгахад чухал үүрэг гүйцэтгэдэг.
Өөрөөр хэлбэл мерчандайзинг нь тухайн брэндийн үнэлэмжийг нэмэгдүүлэхэд шууд нөлөө үзүүлдэг.
Мерч бизнесийн сорилтууд ба шийдлүүд
Монголд мерчандайзингийн салбар дөнгөж хөгжиж эхэлж байгаа тул зарим сорилтуудтай тулгарч байна. Үүнд:
- Оюуны өмчийн хамгаалалт сул
- Дизайнер болон үйлдвэрлэлийн уялдаа сул
- Материалын сонголт, чанарын асуудал
- Маркетинг, борлуулалтын тогтолцоо бүрэн хөгжөөгүй
- Зах зээл дэх хэрэглэгчдийн мэдлэг, соёл хязгаарлагдмал эдгээр асуудлыг шийдвэрлэхийн тулд мэргэжлийн зөвлөгөө, хамтын ажиллагаа, оюуны өмчийн хамгаалалтыг сайжруулах зэрэг олон талын арга хэмжээ хэрэгтэй байна.
Уншигч та энэ төрлийн бизнесийн талаар сонирхохыг хүсвэл Business.mn подкастын 316-р дугаарын зочин ST Design, “Гэрэлт цох” хэвлэлийн үйлчилгээний байгууллагын үүсгэн байгуулагч У.Эрдэнэтулгын подкастыг үзнэ үү.
