Бид цахим ертөнцөд ихээхэн цагийг өнгөрөөж, заримдаа стресс, сэтгэл гутралд өртөх нь элбэг болжээ. Тиймээс цахим орчноос тодорхой хугацаанд завсарлах, өөртөө цаг гаргах дадлыг хэвшүүлэх нь чухал юм. Хэдийгээр цахим орчин нийгмийн тулгуур болж байгаа ч үүний сөрөг талуудыг ойлгон, тэдгээрээс холдох цаг гаргах нь сэтгэл зүйн эрүүл мэндэд тустай.
Иймээс технологийн дунд орших амьдралдаа тэнцвэр оруулах нь нэн чухал. Цахим ертөнцөөс тодорхой хугацаанд завсарлаж, өөртөө, орчноо мэдэрч амьдрах агшинд төвлөрөх нь бидний сэтгэл зүйн эрүүл мэндэд гайхалтай эерэг нөлөөтэй. Энэ нь зүгээр ч нэг “утсаа тавих” бус өөрийгөө сонсох, амьд харилцааг эрхэмлэх, анхаарлаа төвлөрүүлэх, дотоод тэнцвэрээ сэргээх алхам юм.
Хэдийгээр цахим орчин өнөөгийн нийгмийн чухал тулгуур хэвээр байх ч, бид өөрсдийн дотоод амар амгалан, эрүүл ухааныг хамгаалахын тулд хааяа ч болов тэр ертөнцөөс холдох ухааныг заавал эзэмших хэрэгтэй.
Мөн өдөр тутмын амьдралдаа өндөр бүтээмжтэй байхыг хүсвэл та дараах гурван зарчмыг баримтлаарай:
- Цагтаа унтаж, нойрны зохистой горим баримтлах:Сэтгэл санаа, бие махбодыг эрүүл байлгах үндэс.
- Цагтаа хооллож, эрүүл хооллолт хийх: Биеийн эрүүл мэнд, энергийн түвшинг хадгалах.
- Цагтаа хөдөлгөөн хийж, дасгал хөдөлгөөнтэй байх: Биеийн эрүүл мэндийг дэмжиж, стрессийг бууруулах зэрэг нь хүний бие, сэтгэл санааг тогтвортой байлгаж, ажлын бүтээмжийг нэмэгдүүлдэг гол хүчин зүйлс юм.
Эдгээр арга туршлагын талаар болон технологийн салбарын хүний нөөцийн дутагдлыг шийдэх арга, хиймэл оюун ба цахим аюулгүй байдал бидний өдөр тутмын амьдралд хэрхэн нөлөөлж буй тухай мэдэхийг хүсвэл уншигч та Business.mn подкастын 320-р дугаарыг үзнэ үү.
