Сүүлийн жилүүдэд монголын газар тариалангийн салбар уур амьсгалын тогтворгүй байдал, гантай холбоотой эрсдэл, импортын өндөр хамаарал, зах зээлийн хэлбэлзэл зэрэг олон сорилттой нүүр тулж байна. Тариаланчид ган гачиг, шөнөдөө хүйтэрч өдрийн турш халдаг тайван бус цаг уурын нөхцөлд ургамлаа хамгаалах, ургацыг тогтвортой авах арга замыг эрэлхийлэх болсон.
Ийм нөхцөлд бидний гол зорилго бол:
- Ургацын алдагдлыг бууруулах
- Дотоод эх үүсвэрийг бэхжүүлэх (үр, бордоо, ургамал хамгааллын хэрэгсэл)
- Технологи, агрономийн зөвлөх үйлчилгээг өргөжүүлэх
- Тариаланчдад зөв чиглэлийг санал болгож, хөрөнгө оруулалтын боломжуудыг тодорхой болгох
Мөн нэг төрлийн ургамал тасралтгүй тарих нь хөрсний элэгдэл, шим тэжээлийн дутагдал, өвчин, шавжийн тархалт гэх мэт асуудлыг үүсгэж буй. Харин сэлгээний таримал буюу rotation хийх нь хөрсийг сэргээж, эрсдэлийг бууруулдаг онцлогтой.
Сэлгээ нь үндсэндээ:
- Хөрсийг амрааж, шимт тэжээлийн эргэлтийг сайжруулна;
- Өвчин, шавжийн дарааллыг таслана;
- Зах зээлд шинэ бүтээгдэхүүн нэвтрүүлж, орлогын суваг өргөтгөнө.
Гэхдээ сэлгээ хийхдээ тухайн бүс нутгийн уур амьсгал, усны нөөц, техник, зах зээлийн боломжуудыг харгалзан сонгох хэрэгтэй.
Уншигч та тус салбарт бизнес эрхлэхээр төлөвлөж буй бол Business.mn подкастын 331-р дугаарыг сонсоорой. Уг дугаараар “Таримал ургамал” ХХК-ийн захирал С. Хандсүрэнгийн бодит туршлагыг хүргэсэн юм.
