2026 оны төсөвт боловсрол, эрүүл мэнд, нийгмийн хамгаалал, эрчим хүч зэрэг суурь салбаруудад санхүүжилт нэмэгдэж байна. Иргэдийн саналыг анх удаа өргөн хүрээнд тусгаснаараа онцлог бөгөөд төсөв нь иргэдийн амьдралын чанар, орлогын дэмжлэг, урт хугацааны хуримтлалын бодлоготой уялджээ.
🎓 Боловсрол
- 2026 оныг “Боловсролыг дэмжих жил” болгон зарлаж, боловсролын хамрагдалтыг 100% хүргэх зорилт тавьсан.
- 2028 он хүртэл 95 цэцэрлэг, 108 сургууль шинээр барина.
- 2026 онд боловсролын салбарт нийт 1.0 их наяд ₮-ийн хөрөнгө оруулалт (улсын төсөв + гадаад зээл, тусламж).
- Багшийн цалин хөлсний бүтцийг сайжруулахад 100 тэрбум ₮-ийн хувьсах зардал нэмэгдүүлнэ.
🏥 Эрүүл мэнд
- Нийт 1.3 их наяд ₮-ийн санхүүжилт (улсын төсөв + гадаад зээл, тусламж).
- Хавдрын эмнэлэг, эрхтэн шилжүүлэн суулгах төв, зүрх судасны эмнэлгийн бүтээн байгуулалт эхлүүлнэ.
- 17 аймгийн эмнэлгийг шинэчилж, эрчимт эмчилгээ болон яаралтай тусламжийг сайжруулна.
👵 Нийгмийн хамгаалал
- Нийгмийн даатгал, халамжийн тэтгэврийг 6% нэмэгдүүлэхэд 378 тэрбум ₮ зарцуулна.
💳 2026 оны төсөвт иргэдийн орлого ба татвар
- Иргэдийн 1 сая ₮ хүртэлх худалдан авалтад төлсөн НӨАТ-ын буцаан олголтыг 5%-иар олгоно.
⚡ Эрчим хүч
- 2026 онд нийт 3.9 их наяд ₮-ийн хөрөнгө оруулалт төлөвлөсөн.
- 373.3 тэрбум ₮ – улсын төсөв
- 351.8 тэрбум ₮ – гадаад зээл, тусламж
- 150 тэрбум ₮ – бондын эх үүсвэр
- Хувийн хэвшил голлох санхүүжүүлэгч (нийт өртөг 2.566 их наяд ₮).
💰 Үндэсний баялгийн сан
- Ирээдүйн өв болон Хуримтлалын санд нийт 5.36 их наяд ₮ хуримтлагдсан.
- 2026 онд Үндэсний баялгийн сан 2.956 их наяд ₮-аар арвижих төлөвтэй.
- Иргэд E-Mongolia-гаас өөрийн хуримтлалын мэдээллээ харах боломжтой болно.
Тэгвэл юун дээр хэмнэх вэ?
💸 Хэмнэлтийн гол чиглэлүүд
- Төсвийн урсгал зардал
- Өмнөх оны түвшинд барина: ДНБ-ий 24%-д хязгаарлана.
- 2025 оны хүлээгдэж буй гүйцэтгэлээс 641.7 тэрбум ₮-өөр бууруулах зорилт тавьсан.
- Хэмнэлт хийх зүйлс
- Төрийн байгууллагуудын өдөр тутмын урсгал зардал
- Салбаруудад олгодог татаас, урамшуулал
- Засгийн газраас олгодог зээлийн хүүгийн хөнгөлөлт
- Төрийн албан хаагчдын тэтгэмжийн төлбөр – түр хойшлуулна
- Төрийн байгууллагуудыг “хэмнэлтийн горимд” ажиллуулна.
- Орлого хязгаарлагдмал нөхцөлд “шинэ хөрөнгө оруулалт нэмэхээс илүүтэй зарлага хасах” бодлого баримталж байна.
