Хүний нөөцийн салбарын хэн бүхэнд хүлээлт үүсгэдэг ээлжит “HR EVENT & NETWORKING”-ийн энэ намрын арга хэмжээ амжилттай болж өнгөрлөө.
Ийнхүү хүний нөөц, бизнесийн салбарын менежер болон удирдах түвшний 300 гаруй төлөөлөл нэгэн дор цуглаж салбарынхаа хамгийн сүүлийн үеийн чиг хандлага, инновацтай танилцаж, мэргэжлийн холбоогоо өргөжүүлэн, туршлага солилцсон гайхалтай үдэш байсныг онцолж байна.
Арга хэмжээг Zangia.mn-ийн захирал Т.Баяр нээн үг хэлж, хэрэглэгчийн туршлага хариуцсан захирал Б.Хосчимэг “Zangia AI” шинэчлэл болон шинэ тутамд хийгдэж буй сайжруулалтууд хийгээд удахгүй нэмэгдэх цэсүүдээ танилцууллаа.
Энэ удаагийн сургалтын үндсэн илтгэгчдээр “HR Corporation”-ийн үүсгэн байгуулагч Ё.Мөнхдэмбэрэл, хүний нөөцийн зөвлөх, Зангиа Академийн сургагч багш А.Тамир нар оролцлоо.
“HR Corporation”-ийн Үүсгэн байгуулагч Ё.Мөнхдэмбэрэл:
Нөхцөл байдалд гаргаж буй үйлдлээр нь хүнийг гурван түвшинд хэрхэн ангилах, мөн ажлын талбарт харилцан адилгүй нөхцөл байдалд тэдэнтэй хэрхэн харилцан, урам өгч, хамтран үр бүтээлтэй ажиллах арга барилыг хуваалцсан нь цаг үеэ олсон сонирхолтой мэдээлэл байлаа.
Харин аүний нөөцийн зөвлөх, Зангиа Академийн сургагч багш А.Тамир:
Харин аүний нөөцийн зөвлөх, Зангиа Академийн сургагч багш А.Тамир:“Туршлагад суурилсан ажилтан хөгжүүлэх тогтолцоо” сэдвээр уламжлал болон шинэчлэлийг хослуулан сонирхолтой мэдлэг, мэдээллийг хуваалцсан юм. Тэрээр компанид туршлагад суурилсан ажилтан бэлтгэх нь ямар чухал ач холбогдолтойг онцлоод , “Соёл, ажлын байр, бүлгийн туршлага, технологи дөрөвгүйгээр ажилтны туршлагыг хөгжүүлэх тухай төсөөлөх боломжгүй.
Тухайлбал ажлын байранд сургагч, коүчинг, сэлгэх хөдөлгөөн, талбарын сургалт (Field), ажлын байрын сургалт (OJT) зэргээр хангах, бүлгийн туршлагад воркшоп, ажайл баг, бүлгийн туршлага болон бүтээлч санааг урамшуулах арга барил оновчтой байдаг. Харин соёлын тухайд удирдлагын манлайлал үзүүлэх, турших соёлыг хөгжүүлэх, ажилтны үнэт зүйлийг дэмжих хэрэгтэй бол технологийн хувьд “VR” технологи, сургалтын платформ, “gamification” сургалтууд зэрэг нь туршлагад суурилсан ажилтан бэлтгэх хамгийн оновчтой арга барил” гэсэн юм.
Монгол улсад үйл ажиллагаа явуулж буй ААН-үүд болох Алтанжолоо трейд ХХК, Саммит Компьютер Технологи ХХК, Жем Интернэшнл ХХК, Мобиком Корпораци ХХК, Сүү ХК, Хөгжил Трейд ХХК, Шангри-Ла Улаанбаатар ХХК, Гацуурт ХХК, Жи Эн бевережис ХХК, Макс Хүнс ХХК, Монхорус Интернэшнл ХХК, Ньюпрогресс Групп ХХК, SRT групп, Есөн од фууд интернэшнл ХХК, Заг ХХК, Ноён Уул Эрдэнэ ХХК, Премиум Нексус ХК, Смарт Ложик ХХК болон Хурд Групп-ийн удирдлага болон хүний нөөцийн удирдах түвшний ажилтнууд энэхүү арга хэмжээнд оролцлоо.
Арга хэмжээний зургуудаас:
