Business.mn подкаст 2022 оны нэгдүгээр сард “Хувь хүний хөгжил” сэдвээр цуврал дугаарууд эхэлж байна. Шинэ ондоо өөрийгөө хөгжүүлэх таны зорилго, төлөвлөгөөгөө биелүүлэхэд эдгээр подкастууд тус болно гэж бодож байна.
Нэгдүгээр сарын 18-нд болох Карьераа хэрхэн зөв төлөвлөх вэ вэбинарыг угтсан подкастынхаа энэ удаагийн дугаараар дараах агуулгын хүрээнд ярилцлаа:
- Хүчирхэг мөрөөдөлтэй хүний амжилт, карьер илүү байдаг. Хүүхдээ эсвэл өөрийгөө яаж том мөрөөдөлтэй болох вэ?
- Карьерт хамгийн чухал нь юу вэ? Мөнгө, эрх мэдэл, албан тушаал, нэр төр ямар үүрэгтэй вэ?
- Биеийн ажил хийхгүйгээр, амьдралын хатуу, хөтүүгээс амсахгүйгээр, заримдаа нойргүй хонохгүйгээр амжилтад хүрэх боломжтой юу?
- Өнөөдөр эцэг, эхчүүд боломжтой л бол хүүхдээ үнэтэй сургуульд өгье гэдэг болж. Чанартай боловсрол эзэмшихэд сургуулийн нэр хүнд тийм чухал уу?
- Хүн ажлаа солих цаг болсон гэдгийг яаж ойлгох вэ?
- Монголд өнөөдөр ажилгүйдэл их байна уу, ажиллах хүсэлгүйдэл их байна уу?
- Хэрэв карьерын төлөвлөдөг бол хэрхэн, ямар хугацаатай төлөвлөх вэ?
Зочин: Ц.Булган. Юнайтед карьер консалтинг ХХК-ийн Карьер хөгжлийн төвийн захирал
Хөтлөгч: Г.Даваадорж, Business.mn сэтгүүл, сайтын редактор
Контент хөгжүүлэгч: П.Энхтүвшин
Подкаст сонсох холбоосууд:
Youtube M plus Apple Podcasts Google Podcasts Spotify
Подкасттай холбоотой та бүхний коммент, асуулт, санал хүсэлтийг info@business.mn хаягаар хүлээж авч байна.
