Даалгавар
AARD Хувьцаа, Үндэсний хувьчлалын сангийн эрх /xoc/, Тэтгэврийн хуримтлал /хуримтлал, хосолсон, гурвалсан / гэсэн гурван төрлийн санхүүгийн бүтээгдэхүүнийг борлуулах, Ард апп-ын хэрэглэгчдийг нэмэх.
Даалгаврын ялагчийг тодруулахдаа:
- Элсүүлсэн худалдаа эрхлэгчдийн тоо 30%
- Худалдаа эрхлэгчдийн дансаар хийгдсэн гүйлгээний тоо 30% /3-с доошгүй гүйлгээ хийсэн байх/
- Нийт борлуулалтын орлогын 20%
- Худалдаа эрхлэгчдийн дансаар хийгдсэн гүйлгээний мөнгөн дүн 20%
EVO БАГ
Борлуулалт: Б.Жамъянхорол (багийн ахлагч), Г.Намхайдорж
Апп: Г.Содцэцэг (дэд ахлагч), Т.Дөлгөөнтамир, Т.Азжаргал
Даалгаврын үйл явц:
Даалгавар гүйцэтгэсэн байршил: Хархорин зах, Нарантуул зах
Санал болгосон бүтээгдэхүүн: Хувьцаа (AARD), Тэтгэврийн хуримтлал
Эхний өдөр Хархорин худалдааны төв дээр худалдаа эрхэлж буй харилцагчдаас 40 хүн бүртгэсэн ч борлуулалтаа бүрэн хийж чадалгүй даалгаврын цаг дууссан. Харин хоёр дах өдөр Нарантуул худалдааны төвд төлөвсний дагуу хувьцааны борлуулалт хийж чадсан. Мөн багийн дэд ахлах Г.Содцэцэг даалгаврын дүрмээ бүрэн ойлгоогүй тул багаараа борлуулалтад төвлөрч ажилласан нь багийн ялагдлын шалтгаан болсон.
PENNY БАГ
Борлуулалт: Т.Пүрэвбазар (багийн ахлах), Ж.Дашням, Б.Баярцэнгэл
Апп: Х.Цагаанцэцэг (дэд ахлах), Ч.Сэргэлэн, П.Даваажаргал
Даалгавар гүйцэтгэсэн байршил: Сандэй Плаза, Нарантуул зах
Санал болгосон бүтээгдэхүүн: Тэтгэврийн хуримтлал
Монгол улсад 380 мянган хувиараа бизнес эрхлэгчид байгаа боловч тэтгэврийн тогтолцоонд хангалттай хамрагдаж чаддаггүй байдлыг үзэлцэж хувийн тэтгэврийн сан буюу хуримтлалын санг танилцуулж борлуулалт хийсэн нь тэдний багийн хувьд онцлог давуу тал болсон.
Багийн давуу тал:
- Хурлын үеэр багын гишүүд харилцагч олох тоогоо зөв гаргаж нарийвчилсан төлөвлөгөө гаргасан.
- Аппаа суулгаад бүртгэл дутуу хэрэглэгчдэд бүртгэлийг нь бүрэн болгож аппаа ашигладаг болоход анхаарсан.
- Тэтгэврийн даатгалын санг хуримтлал гэдэг ухуулгаар хэрэглэгчдэд хүргэсэн.
- Худалдаа эрхлэгчдэд бүтээгдэхүүнээ санал болгохдоо үйлчилгээ үзүүлээгүй завтай худалдаа эрхлэгчдэд бүтээгдэхүүнээ санал болгож түргэн шуурхай ажилласан нь багийн давуу тал гэж гишүүд онцолж байв.
Даалгаврын үр дүн
- Т.Пүрэвбаатараар ахлуулсан Penny баг ялалт байгуулснаар экстрим аялал жуулчлалыг хөгжүүлж буй “Nomadic offroad” -ийн шинэ загварын мотоциклыг унаж сурах багц үйлчилгээг хүртсэн. Мөн тэтгэврийн сангийн хуримтлалын дансандаа нэг сая төгрөгийн урамшуулал авсан юм. Харин ялагдсан багийн ахлагч Б.Жамъянхорол нэвтрүүлгийн дүрмийн дагуу хасах ёстой хоёр оролцогчоор апп багийн хоёр бүсгүй Г.Содцэцэг, Т.Азжаргал нарыг сонгон Чайрмэнтэй алдаа оноогоо хэлэлцсэн. Эцсийн шийдвэрт тэд том сануулга авснаар энэ удаагийн дугаараас хэн нь ч хасагдаагүй өнгөрсөн.
Чэйрмэний зөвлөгөө
- Багаар ажиллахдаа дүрмээ бүрэн дүүрэн дагаж ойлгох нь багийн үр дүнд асар их нөлөө үзүүлдэг
- Өөрийн эрх ашгаа бодоод удирдаж байгаа хүнээ сохроор дагаад явах нь багийг мөхөлд хүргэх том зүйл
- Нөхцөл байдлаас шалтгаалан арга бариллаа бүрэн дүүрэн өөрчилж чаддаг байх хэрэгтэй
- Багийн эв нэгдэл эерэг манлайлал чухал гэхдээ бүтээмжтэй шүүмжлэл хайрцагнаас гадуур гарч харж шинэ өнцөг оруулж ирж харах чадвар баг дотор байх ёстой
- Хүн бүрийн гарт боломж байдаг гэсэн зөвлөгөөнүүдийг өгч тэнцүү хөдөлмөрлөж өрсөлдсөн оролцогчдоос хасалт хийгээгүй 11 оролцогч тэмцээнээ үргэлжлүүлэхээр болсон онцлог дугаар байлаа.
Даалгаврын онцлох санаа
Монгол хүний дундаж цалин 1 сая 160 мянган төгрөг харин тэтгэврийн насны ахмадуудын тэтгэврийн доод хэмжээ 350 мянган төгрөг байдаг. Ахмадуудын 80%-д тэтгэврийн доод хэмжээгээр тэтгэвэр олгогддог. Тэгэхээр хувийн тэтгэврийн санг бий болгож хуримтлал үүсгэх, тэтгэврийн шинэчилсэн тогтолцоо хэрэгтэй гэсэн санааг бидэнд өгсөн нэгийг бодож хоёрыг тунгаахаар дугаар болсон.
