ChatGPT бол мөсөн уулын зөвхөн орой юм. Гуравдугаар сард л гэхэд 1,000 гаруй хиймэл оюуны хэрэгсэл зах зээлд гарсан. Таны бүтээмжийг нэмэгдүүлэх хамгийн үнэ цэнэтэй 10 AI хэрэгслийг сонирхуулъя.
1. Krisp AI. Нэг товшилтоор Zoom уулзалт гэх мэт бодит цагийн дуудлагын арын дуу чимээг хаадаг хиймэл оюунаар ажилладаг программ.
2. Gamma AI. GPT-4 системд суурилсан програм бөгөөд хэдэн минутын дотор сэтгэл татам слайдууд бүтээх боломжтой. Гамма-г ашигласнаар та хуваалцахад хялбар сонирхолтой танилцуулга, санамж бичиг, товч мэдээлэл, баримт бичгүүдийг үүсгэж болно.
3. IPhone-д зориулсан Perplexity. Ямар ч сэдвээр шуурхай хариулт, эш татсан эх сурвалжийг олох хайлтын программ юм. Та урьд өмнөхөөсөө илүү хурдан сурч, судлах боломжтой. Боломжууд нь:
- Дагалдах асуултууд
- Дуут хайлт
- Сэдвийн түүх гэх мэт.
4. Background AI. Бодит гэмээр, студийн чанарын түвшинд дэвсгэр зураг, зураглал, хөрөг зургийг хэдхэн секундын дотор бүтээх хиймэл оюунаар ажилладаг хэрэгсэл.
5. Taskade AI. Багийнхаа ажлын процессыг хялбарчлах хиймэл оюунаар ажилладаг программ. Ажлыг илүү хурдан, ухаалаг гүйцэтгэхийн тулд багийн гишүүдийн дунд ажлыг хуваарилахад тусална. Жишээ нь:
- Даалгавруудыг удирдах
- Mind map ашиглан өгөгдлийг цэгцлэх
- Багийнхантай чатлах, тэмдэглэл хөтлөх
6. Kickresume AI. Энэхүү хиймэл оюуны хэрэгсэл нь танд өмнөхөөсөө тав дахин олон ажлын ярилцлага авахад тусална. Мөн хиймэл оюун бүхий СV бүтээгч ашиглан анкетаа автоматжуулах боломжтой.
7. Stability AI. Photoshop-ийн хиймэл оюун бүхий уг плагин нь Stable Diffusion-д суурилсан. Photoshop программ дээр хиймэл оюунаар зургуудыг шууд үүсгэх, засахад тусална.
8. Huberman AI. Эндрю Хуберман дэлхийн хамгийн их таталттай эрүүл мэндийн подкастыг хөтөлдөг. Гэхдээ 100-аад дугаар байдаг бөгөөд яг ямар эрүүл мэндийн зөвлөгөө хайж байгааг олоход хэцүү байдаг. Huberman AI-д асуулт тавьснаар таны хайж буй зөвлөгөөг олоход тусална.
9. Slides AI. Хиймэл оюун ашиглан хэдхэн секундын дотор гоё слайдууд, сэтгэл татам танилцуулгууд бүтээгээрэй.
10. Uizard. Жинхэнэ инноваци нь ид шидээс ялгагдах аргагүй мэдрэмж өгдөг программ. Санаагаа цаасан дээр зурж, Uizard сканнерыг хэдхэн секундын дотор гоё сайхан загвар болгон хувиргахыг хараарай.
