“Канвон 2024” залуучуудын өвлийн IV олимпын их наадмын нээлтийн ёслолын үеэр Монгол улсаа төлөөлөн оролцох баг тамирчдын өмсөх 14 иж бүрдэл сет хувцсыг “Ханбогд Кашимер” ХХК урлалаа.
256 сая төгрөгөөр бүтсэн энэхүү ёслолын иж бүрдэлд оёмол малгайтай нөмрөг, сүлжмэл цамц, өмд, малгай ороолт, бээлий, гидр, дотуур цамц, өвлийн түрийтэй эсгий гутал багтахаас гадна туг барих тамирчдын хувцас нь лоовууз малгай, хүннү захтай дээл, бүс зэрэг сүлжмэл, оёмол бүтээгдэхүүн байна.
“Ханбогд Кашимер” ХХК нь МҮОХ-ны 2024 оны “Алтан түнш”-ээр хамтран ажиллаж, Монголын баг тамирчдын “Канвон 2024” залуучуудын өвлийн IV олимп болон “Парис 2024” зуны XXXIII олимпын наадмын ёслолд өмсөх иж бүрэн хувцсыг 100% ивээн тэтгэж, нийт 620 гаруй сая төгрөгийн санхүүжилтээр Монголын баг тамирчдаа дэмжиж байгаа юм.
“Xанбогд Кашимер” XXК хамт олны зүгээс эх орноо төлөөлөн оролцох баг тамирчдадаа спортын өндөр амжилт хүсэн ерөөе.
Хамтран ажилласан: Go Go Монголын Үндэсний Олимпын Хороо -MNOC www.khanbogdcashmere.com www.khanbogd.mn
