Үйл ажиллагаагаа нь хэрхэн эхэлсэн бэ?
Саяхан л үргэлжилж байсан цар тахал, хөл хорионы жилүүдэд бид эдийн засаг, эрүүл мэнд, нийгмийн ялгаа хэр зэрэг хурцдаж болохыг харсан. Үүний зэрэгцээ хүнс, шатахууны хомсдол бий болж, тээвэрлэлтийн нөхцөлүүд хүндэрснээр улс орны аюулгүй байдалд нөлөөлж болохыг лангуун дээрх бараа болон үнийн өсөлт, өөрсдийн амьдралд үзүүлж буй хүндхэн сорилтуудаас бэлхнээ мэдэрсэн. Бид хөл хорионы чанга дэглэмийн үед дотоодын хүргэлтийн системийг үүсгэн айл өрх, албан байгууллагын хэрэгцээт бараа бүтээгдэхүүнийг хүргэж, хэрэглэгчдийн хүссэн үйлчилгээний нэг байж чадсан юм. Хотын бүх дүүрэгт өдөрт 1000 гаруй хүргэлтийг хийж гүйцэтгэхдээ харилцагч нарынхаа урмын үгсээр хөглөгдөж ирсэн. Залуу хамт олны эрч хүч, санаачилгаар цаашдын хийж бүтээх олон төсөл, ажлуудаа өнгөрсөн хугацаанд системтэйгээр хөгжүүлж, “Ант смарт системс” буюу ажилсаг залуусын хамтын ажиллагааны систем, технологид суурилсан тээвэр, хүргэлтийн үйлчилгээг төрөлжүүлэн хүргэх алхмуудаа хийсээр байна. Бид туршлага дээрээ үндэслэн олон улсын тээвэрлэлтийн үйлчилгээг зохион байгуулах ажлуудыг дотоод хүргэлттэй хослуулан хамгийн оновчтой тээврийн гарцыг эрэлхийлж ажилласан маань тэлэх боломжийг нээж өгсөн. Тээврийн зардлыг хөнгөвчлөх шийдэл гаргаж, хэрэглэгчидтэй холбоо харилцаатай ажиллах нь тээврийн үйлчилгээ үзүүлж байгаа бидний ялгарах гол онцлог гэж хардаг.
Та өөрийн тээвэрлүүлж байгаа ачаа барааны тээвэрлэлтийн хөдөлгөөний мэдээллийг цаг тухайд нь авч, бараагаа хэзээ хүлээж авах талаарх бодит мэдээлэл дээр үндэслэн үйлдвэрлэл, борлуулалт, нийлүүлэлтээ зөв төлөвлөх боломжтой болдог. Ант хэрэглэгчийн аппликейшн болон замын мэдээ өгөх мессеж үйлчилгээ, үйл ажиллагааны менежерүүдийн бүрэн мэдээлэл таныг санаа амар ажлаа хийх боломжийг олгоно. Ажилтнуудын маань ажилдаа дуртай байдал, нэг зорилгын төлөө нэгдэх хандлага, оролцоо, хариуцлагатай туршлагажсан үйлчилгээний соёлыг танд хүргэж ажиллах хичээл зүтгэл маань өөрчлөлт зөвхөн технологид бус харилцаа хандлагад суурилж байгааг бидэнд харуулсан.
Та бүхний хариуцан ажилласан онцлох тээврүүдийн талаар танилцуулаач?
Монгол улсын бүтээн байгуулалтын томоохон төслийн тээврүүдийг хийж гүйцэтгэх өндөр хариуцлагыг хүлээн авч, хоёр жилийн хугацаанд Барилга хот байгуулалтын яамны харьяа БНХАУ-н Засгийн газрын хөнгөлөлттэй зээлийн хөрөнгөөр хэрэгжүүлж буй “Улаанбаатар хотын төв цэвэрлэх байгууламжийг шинээр барих” төслийн тээвэр, мөн АНУ-н Мянганы сорилтын сангийн тусламжийн хөрөнгөөр хэрэгжиж буй “Улаанбаатар хотын цэвэр усны баруун эх үүсвэрийн ус хангамжийг нэмэгдүүлэх” төслийн тээврийн ажлуудыг амжилттайгаар гүйцэтгэж байна. Энэ бүх процесс биднийг хөгжүүлж, туршлагажих дараагийн шат руу түлхэж өгсөнд талархаж явдаг. Төслийн тээвэр өндөр анхаарал, ачааллыг шаарддаг ч зөв зохион байгуулалт, жолооч тээвэрлэгчдийнхээ хариуцлагатай байдлаар улс орны бүтээн байгуулалтад хувь нэмрээ оруулж, залуу хамт олны эрчтэй байдлаа эдгээр төслүүдээс мэдэрсэн.
Сүүлд хэрэгжүүлж буй шинэ төслийнхөө талаар мэдээлэл өгөөч?
Өнгөрсөн хугацаанд бүх л бизнесийн салбар цахим орчинд суурилсан, хүний хөдөлмөрийг хөнгөвчлөх аппликейшн болон цахим хуудсуудыг хөгжүүлж ирсэн. Хэрэглэгчдийн хандлага ч энэ зүгт чиглэсэн, өмнө нь хэзээ ч байгаагүй технологийн хэрэглэгчид болж төлөвшиж байна. Дэлхий дахинд технологийн нөлөөгөөр хүмүүсийн бараа бүтээгдэхүүн худалдан авах хэв маяг эрс өөрчлөгдөж, ямар нэг хэрэгцээгээ хангахад заавал Монголд байх цөөн сонголтоор хязгаарлагдахгүй, хэдэн зуун мянган сонголтоос чанартай, өөрт хэрэгтэйг олох дээр цаг зарцуулж гэрээсээ бүх л үйлчилгээгээ авчихдаг болж байна.
Тээврийн салбарын тулгамдсан сорилтуудыг шийдвэрлэн хэрэглэгчийн хүссэн бараа бүтээгдэхүүнийг дэлхийн хаанаас ч таны гарт хүргэх “Смарт” системийг бүтээхийг зорьж, тээвэр логистикийн өөрсдийн дотоод сүлжээнд суурилсан шуурхай үйлчилгээ, хамгийн хямдаар танд бараа бүтээгдэхүүн хүргэж байхыг зорин ажилласан.
Та бүхэн шинээр нэвтрүүлж буй төслийнхөө талаар танилцуулаач?
Бидний шинэ төсөл болох www.only.mn маань хэрэглэгчдэд ойлгомжтой, хялбар, хурдан, хямд байхаар бүтээгдсэн бөгөөд нэвтрүүлэлтийн эхний алхмуудаа амжилттай хийлээ. Энэ нь олон улсын томоохон худалдааны сайтуудаас хэрэглэгч өөрийн хүссэн бараа бүтээгдэхүүнээ Монгол дахь дэлгүүрээсээ захиалж авч байгаа мэт маш хялбараар худалдан авах боломжийг бүрдүүлэх юм. Одоогийн байдлаар Хятадын Taobao болон Tmall худалдааны сайт дээрх хэдэн тэрбум бараанаас сонголтоо хийх боломжтойгоор эхлээд байна. Дараагийн хөгжүүлэлтийн үе шатуудад бид Amazon, Ebay болон АНУ -ын томоохон худалдааны сайтууд, алдартай брэндүүдийн онлайн дэлгүүрээс шууд захиалга хийх боломжийг нээж, мөн цаашлаад Солонгос, Турк гэх мэт маш өргөн хүрээг нэгтгэх томоохон зорилго тавьсан. Эдгээр төслөө амжилттай хэрэгжүүлснээр бид Монголдоо төдийгүй олон улсад энэ үйлчилгээгээ нэвтрүүлэн ажиллах алсын хараатай. Бидний олон улсад үүсгэн байгуулсан Beijing Ant Co.ltd болон Korea Ant Co.ltd компаниуд нь тээвэрлэлтийн зардлын тооцооллыг анхдагч эх үүсвэрээс гаргах, өөрөөр хэлбэл манай хамт олон өөрсдөө бүхий л тээврээ зохион байгуулж ажиллах нь бидний хамгийн том давуу тал болон өргөжнө гэдэгт итгэлтэй байна.
Хэрэглэгчийн сэтгэл ханамжийг өндөр байлгахын тулд бид бүхий л бололцоогоо дайчлан ажилладаг. Одоо цагт бизнес эрхлэгчдэд заавал байх ёстой нэг гол хүчин зүйл нь харилцагчийн үйлчилгээ буюу хэрэглэгчийн сэтгэл ханамжийг эрхэмлэх явдал гэж бид үздэг. Иймдээ ч бид өмнө олон амжилттай төслийг хэрэгжүүлсэн туршлагатай хамт олон. Хэрэглэгч гаднын орнуудаас бараа захиалах тохиолдол яг надад найдвартай ирэх болов уу? Хаана яваа юм бол? Хэзээ ирэх юм бол? зэрэг асуултад ойлгомжтой хариулт авч чаддаггүй. Харин бид хэрэглэгчдэд захиалгын мэдээллийг нь тогтмол өгөх, захиалгыг нь баталгаажуулах үеийн давхар хянах, цахимаар болон утсаар тусламжийн үйлчилгээ үзүүлэх оператор, олон улсын тээврийн шинэлэг шийдлийг нэвтрүүлснээр манай сайтаас ямар ч айдасгүй, итгэлтэйгээр захиалга хийгээд, боломжит хамгийн хурдан хугацаанд гар дээрээ хүлээн авна.
Зургаар хүссэн бараагаа хайж олох боломжийг бүрдүүлсэн. Хүмүүс гар утсан дээрээ энийг худалдаж авна. Хаанаас худалдаж авах уу, юуны магад гээд төрөл бүрийн бараа, бүтээгдэхүүн, гутал хувцас, тавилга, тоног төхөөрөмж зэргийнхээ зургийг хадгалчихсан байдаг. Үүнийгээ манай сайтын зургаар хайх хэсэгт оруулаад өгөхөд яг тухайн барааг, эсвэл ижил төрлийн барааг хэдэн тэрбум бараанаас зурагтай нь харьцуулаад, хайж олоод санал болгодог. Өөрийн хүссэн зүйлээ олж чадсан бол шууд л худалдан авах боломжтой.
Дэлгүүрүүдийн чанарыг таних арга. Манай сайт дээр харагдаж буй бүхий л барааны борлуулагч дэлгүүрүүдийн чанарын үнэлгээг таних их амархан. Хамгийн бага борлуулалттай шинэхэн дэлгүүрээс авхуулаад хамгийн их борлуулалттай шилдэг дэлгүүр хүртэл үнэлгээний таних тэмдгээр ялгана гэсэн үг. Үнэлгээ өндөртэй, борлуулалт сайтай дэлгүүр бол найдвартай, түргэн шуурхай байх нь ойлгомжтой.
Төлбөрийн таатай нөхцөлүүд. Бид одоогоор Монголын хамгийн олон хэрэглэгч ашиглаж буй QPay төлбөрийн системийн тусламжтай бүх банкны апп-аар дамжуулан төлбөрөө төлөх боломжийг бүрдүүлээд байна. Хамгийн таатай нь удахгүй гадаадаас лизингээр, хуваан төлөх нөхцөлт аппликэйшнуудаар дамжуулан бараа худалдан авах боломжийг ч мөн бүрдүүлэхээр ажиллаж байгаа.
Тун удахгүй хувиарааонлайн шоп ажиллуулдаг хүмүүстээ ч маш таатай боломжуудыг бүрдүүлж өгөхөөр хөгжүүлэлтийн ажилдаа орчихсон явж байна.
