Олон улсын зах зээл дээр хүч үзэх зорилго, тэмүүлэлтэй гарааны бизнес эрхлэгчдэд зориулан Монголд анх удаа хамгийн өндөр буюу 300 сая төгрөгийн шагналын сантай STARTUP CHALLENGE MONGOLIA тэмцээн эхлэх гэж байна. Энэ тэмцээнээр олон улсын стартап тэмцээнүүдэд бүс нутаг, дэлхийн хэмжээний гарааны бизнесийн тэмцээнд Монгол улсаа төлөөлөн оролцох шинэ санаа, инновацлаг шийдэлтэй, олон улсад өрсөлдөх чадамжтай, шилдэг гарааны бизнесийг тодруулах юм.
Оролцогч гарааны бизнесүүд салбарын шилдэг таван lead mentor-тай ажиллах бөгөөд тэднээс маш их туршлага, know-how авч өөрсдийнхөө бизнесийг дараагийн үе шатанд гаргах боломжтой.
STARTUP CHALLENGE MONGOLIA тэмцээнд орсноор зөвхөн мөнгөн шагналаас гадна:
- Үе тутамд шилдэг менторын заавраар удирдуулах,
- Шат ахих тусам мөнгөн урамшуулал авах,
- Шилдэг таван багийн нэг баг нь “Google for Startups Astana HUB-д орох эрх,
- IT Park инкубаторын хөтөлбөрт оролцох эрх,
- Хуулийн зөвлөгөө гэх мэт олон боломжийг эдэлнэ.
Шилдэг багууд Bootcamp-д байрлан Lead Mentor-уудаас чиглүүлэг авч ажиллах юм. Технологийн бизнесийг дэлхийн зах зээлд хэрхэн гаргахыг хамгийн сайн мэдэх Lead Mentor-уудаас дурдвал:
- Их Бит ХХК, X-Meta Crypto ХХК, IHC Esport corporation ХХК, MOT Wealth group-ийн үүсгэн байгуулагч О.Мөнхжин,
- Erxes Inc- ийн үүсгэн байгуулагч, үйл ажиллагаа хариуцсан захирал А.Мэнд-Орших
- Mezorn Technology – ийн үүсгэн байгуулагч, гүйцэтгэх захирал О.Золбаяр
- Мэдээлэл, технологийн үндэсний паркийн захирал Ж. Золзаяа
- СЭЗИС-ийн ахисан түвшний судалгаа эрхэлсэн проректор Доктор Г. Батхуян
STARTUP CHALLENGE MONGOLIA тэмцээний ерөнхий зохион байгуулагч Мэдээллийн технологийн үндэсний парк нь Монгол Улсын мэдээллийн технологийн салбарт тэргүүлэх үүрэгтэй ажилладаг байгууллага юм. Тус байгууллага нь монгол хүнд өндөр технологийн бизнесийг нутагшуулах, технологийн шинэ мэдлэг дамжуулах болон арилжаалах, энтерпренёрийг дэмжих, эко системийг бий болгох замаар өндөр технологийн салбарын багтаамжийг нэмэгдүүлж, Монгол улсад мэдлэгт суурилсан эдийн засгийг хөгжүүлэх эрхэм зорилготой.
Стартап Маркетинг Спэйс ХХК нь дэлхийд гарах хүсэл тэмүүлэлтэй, шинэ санаа, инновац технологийн шийдэлтэй энтрепренерүүдийн бизнесийг үе шаттайгаар хөгжүүлдэг, мэргэжлийн менежментийн ур чадвар, технологийн дэвшил, хөрөнгө оруулалт, олон талт хамтын ажиллагаагаар тэдний бизнесийн хөгжлийг хурдасгах зорилготой.
Бидний стратегийн түншээр Techpack ажиллаж байна. ТекПак Групп нь Үндэсний тэргүүлэгч М-Си-Эс Группийн охин компаниудын үйл ажиллагааг технологийн шийдлээр цахим шилжилтэд нэгтгэж буй инновац бүтээгч нэгж юм. Мөн Логистик, Худалдаа, Хөдөө аж ахуй, Боловсрол зэрэг уламжлалт дэд бүтцэд төвлөрсөн дижитал шийдэл бүхий 10 гаруй компанийг үүсгэн байгуулж, технологийн салбараа түүчээлсээр байна.
