Бизнес эрхлэгч, энтрепренерүүдэд урам зориг өгөх зорилготой сар тутмын “Бизнес Цэнэг” өглөөний уулзалт 2024 оны 10-р сарын 29-ний Мягмар гарагт 07:00 цагт зохион байгуулагдана.
“Өглөөний уулзалт” танд юу өгөх вэ?
Энэ удаагийн илтгэлийг Датаком болон Business.mn-ий үүсгэн байгуулагч Д.Энхбат “Холбоосууд ба Таны бизнес” сэдвээр тавина.
Өнөөдөр бизнест хэр ихийг өмчилснөөрөө бус хэр ихийг хуваалцсанаараа /share/, хэр сайн хяналт тогтоосноороо бус хэр сайн холбогдсоноороо /connect/, хэр хэмжээнд бие дааснаараа бус хэр хэмжээнд нээлттэй байснаараа /open/ зах зээлд өрсөлдөх чадвартай болж байна.
Тодруулбал, энэ бол зах зээлд үнэ цэн үүсгэх холбоосыг бий болгож чадсан Alibaba, Uber, Amazon, Airbnb зэрэг компаниудыг амжилтад хүргэсэн язгуур зарчмын тухай юм. Уг илтгэлээс та өөрийн бизнесээр дамжуулан хэрэглэгчдийн асуудлыг шийдсэн үнэ цэнтэй холбоос үүсгэх боломжуудын тухай санаанууд олж авна гэдэгт итгэж байна.
Өглөөний уулзалтын “Sharing is Caring “ хэмээх хоёрдугаар хэсэгт зах зээлд бизнесээ амжилттай тэлж байгаа гурван бизнес эрхлэгч өөрсдийн тэргүүн туршлагаас таван минутын хугацаанд товчхон хуваалцана.
- 2018 онд байгуулагдсанаас хойш санхүүгийн салбарт үсрэнгүй өсөлт хийсэн, эдүгээ Төв Азийн зах зээлд франчайз хэлбэрээр тэлж хөрөнгө оруулалтын тэргүүлэгч банк болох алсын хараатай яваа Инвескор Капитал ҮЦК-ийн гүйцэтгэх захирал Л.Билгүүн эхний зочноор оролцоно. “Ёс зүй бол шинэ актив” хэмээн тунхаглах энэ бизнесийг үндэсний болоод гаднын зах зээлд өрсөлдөх чадвартай болгосон гол хүчин зүйл юу байв?
- 35 жилдээ үйл ажиллагаа явуулж буй, та бидний мэдэх Халгай” брэндийг зах зээлд нэвтрүүлсэн, гоо сайхан, эрүүл ахуйн бүтээгдэхүүний зах зээлд инновацлаг шийдлүүд нэвтрүүлдэг Монкрем ХХК-ийн үүсгэн байгуулагч Э.Уранчимэг чанарыг шүтсэн алсын хараа, бизнесийн үнэт зүйлсийнхээ талаар товч өгүүлнэ.
- Нэгэн үе зургаан банканд зээлийн хүсэлт өгсөн боловч татгалзсан хариу авч байсан, цар тахлын улмаас ХХБ-ны асуудалтай харилцагч хэмээн цоллуулж явсан ч эдүгээ сав баглаа боодол, шошго, гялгар уутны чиглэлд тэргүүлж, санхүүгийн байгууллагуудын хамгийн найдвартай түншүүдийн нэг болсон “Царамтайн Арвай” ХХК-ийн үүсгэн байгуулагч Э.Жавхланбаяр “Зээлийн зарцуулалтын сахилга бат” сэдвээр өөрт тохиолдсон кэйсийг хуваалцана.
Өглөөний уулзалтаас та ашигтай мэдлэг, мэдээлэл, шинэ санаагаар өөрийгөө цэнэглэж, туршлагатай бизнес эрхлэгчид, бизнесийн зөвлөхүүдтэй нетворкинг, түншийн харилцаа үүсгэх боломжуудыг олж авна. Мөн Business.mn платформоос санал болгож буй, таны бизнест хэрэгтэй шинэ бүтээгдэхүүн, үйлчилгээнүүдтэй танилцаарай.
БҮРТГЭЛ ХААГДСАН- Galleria Ulaanbaatar-ийн 3 давхарт
(Засгийн газрын ордны зүүн талд) - 8097-5667
