2025 он “чанга” эхэллээ. Агаарын бохирдол, түгжрэл зэрэг асуудлууд өндрөө авсан сүүлийн өдрүүдэд нийгэмд гэрэл түгээсэн сэдэв харагдсангүй. Магад хүн бүр өөрөөсөө өнгөрсөн онд юуг хийж бүтээв одоо яах вэ гэх асуултыг асууж, тунгаасан байх. Харин нийгэм, олон улсын хүрээнд ямархан гэрэл түгээсэн сайн үйл явдлууд болсныг тоймлон хүргэе.
Байгалийн нөөц ашигласны төлбөрийн тухай хуулийн үр нөлөөг сайжруулав
Өнгөрөгч онд Канад Улс болон ХБНГУ-ын Засгийн газрын санхүүжилттэй НҮБХХ-ийн Биологийн олон янз байдлын санхүүжилтийн санаачилга нь байгалийн нөөц ашигласны төлбөрийн тухай хуулийн үр нөлөөг сайжруулахад Монгол Улсад дэмжлэг үзүүлэв. Ингэснээр байгаль орчныг хамгаалах, түүний дотор биологийн олон янз байдлыг хамгаалахад зориулсан төсвийг далайцтай нэмэгдүүлэхэд дэмжлэг болох юм. Мөн тус хуулийн хэрэгжилтийг сайжруулах чиглэлд дэмжлэг үзүүлэн ажилласан ба баруун таван аймгуудад байгаль орчинд зарцуулсан хөрөнгийн хэмжээ 2021 онд 440.9 сая.төгрөг, 2023 онд 2.9 тэрбум төгрөгд хүрсэн байна.
Үндэсний хиймэл дагуултай болох төслийг БНФУ-ын Засгийн газраас санхүүжүүлэв
БНФУ-ын Засгийн газар, Улаанбаатар хот, Байгаль орчин, уур амьсгалын өөрчлөлтийн яамтай хамтран хэрэгжүүлж буй төслийн хүрээнд Улаанбаатар, Эрдэнэт хотын гэр хорооллын 69 айл өрхөд сэргээгдэх эрчим хүчинд суурилсан халаалтын шийдлийг суурилуулав. Уг төсөл нь уур амьсгалын шинэлэг санхүүжилт, нүүрстөрөгчийн зах зээлийг хөгжүүлэх замаар өрх толгойлсон эмэгтэйчүүд болон эмзэг бүлгийн өрхүүдийг дэмжих мөн агаарын бохирдлыг бууруулахад дэмжлэг болох зорилготой.
Мөн тус улсын газраас Монгол улс үндэсний хиймэл дагуултай болох төслийг хөнгөлөлттэй зээлээр санхүүжүүлэх юм.
Парламент дах эмэгтэйчүүдийн эзлэх хувь нэмэгдэв
Монгол Улсын Их Хурлын ес дэх удаагийн ээлжит сонгууль холимог тогтолцоогоор явагдаж манай улсын парламент 126 гишүүнтэй болсон. Уг сонгуулийн үр дүнгээр 32 эмэгтэй гишүүн сонгогдсоноор парламентад эмэгтэйчүүдийн эзлэх хувь өмнөх 17.1 хувиас 25.4-д болж нэмэгдсэн.
Судалгаагаар парламентад эмэгтэй гишүүдийн эзлэх хувь нэмэгдсэнээр
- нийгмийн бүх давхаргын хэрэгцээ, асуудлыг илүү өргөн хүрээнд авч үзэхэд хувь нэмэр оруулах.,
- хүүхэд хамгаалал, боловсрол, эрүүл мэнд зэрэг салбарын бодлогод илүү анхаарал хандуулах.,
- жендэрийн тэгш байдлыг дэмжиж, нийгмийн бүх бүлэгт эрх тэгш оролцоог уриалсан дохио болох зэрэг давуу талтай юм.
Жендерийн мэдрэмжтэй татварын тогтолцоог хөгжүүлэхэд хамтрав
Сангийн яам, НҮБ-ын Хөгжлийн хөтөлбөр (НҮБХХ) Монгол Улсын Тогтвортой хөгжлийн зорилгуудын биелэлтийг ахиулахад Тогтвортой санхүүжилтийн арга хэрэгслийг ашиглах чиглэлээр дэмжлэг үзүүлэх, хамтын ажиллагааг өргөжүүлэхэд чиглэсэн Хамтын ажиллагааны санамж бичиг байгууллаа.
- Уг бичгийн хүрээнд талууд стратегийн гол чиглэлүүд болох.,
- Үндэсний санхүүгийн нэгдсэн тогтолцоог хэрэгжүүлэхэд уур амьсгалын өөрчлөлттэй тэмцэх үйл ажиллагааг эрчимжүүлэх.,
- Тогтвортой хөгжлийн зорилготой уялдсан төсвийн төлөвлөлт хийх, санхүүгийн шинэлэг хэрэгслүүдийг нэвтрүүлэх замаар хөгжлийн төлөөх төр, хувийн хэвшлийн санхүүжилтийг нэмэгдүүлэх талаар хамтын ажиллагааны хүрээг тодорхойлох.,
- Төсөв санхүүгийн бодлогыг үндэсний тодорхойлсон хувь нэмэртэй уялдуулах зэрэгт онцгойлон анхаарах аж.
Гол нь талууд үр дүнд суурилсан төсвийн төлөвлөлтийг хэрэгжүүлэх, төсвийн илт тод, хариуцлагатай байдлыг нэмэгдүүлэхэд төсвийн хяналт шинжилгээ, тайлагналыг сайжруулах чиглэлээр ажиллахын зэрэгцээ Тогтвортой хөгжлийн зорилгуудтай уялдсан татварын тогтолцоо, үүний дотор Жендерийн мэдрэмжтэй татварын тогтолцоог хөгжүүлэхэд хамтран ажиллах юм.
Эх сурвалж: UNDP
