Шинэ оны орой хүн бүр өнгөрсөн оныхоо алдаа оноог эргэцүүлэн, ирэх жил өндөр амжилт бүтээлтэй жил байгаасай хэмээн хундагаа харшуулсан байх. Харин бизнес эрхлэгч та 2025 оныг хэрхэн харж байна вэ? Нэгдүгээр сарыг ихэнх хүн өөдрөг хандлагаар эхлүүлэхийг эрмэлздэг. Энэ ч утгаараа Business.MN-ээс та бүхнийг энэ оноо өсөлт, шинэ боломжуудын жил болгон хараасай хэмээн зорьж, “Бизнес цэнэг” өглөөний уулзалтын агуулгаа бэлдлээ. Тэр дундаа, хувь хүний хөгжил, шинэ санаачилгууд сэдвээр агуулгаа баяжуулаад байна. Бид таны амжилтад хүрэх замыг дөтлөх, хөгжих боломжийг тань хангах үүднээс сар бүр “Бизнес цэнэг” өглөөний уулзалтыг зохион байгуулдаг билээ.
Юуны түрүүнд, өнгөрсөн оны “Бизнес цэнэг” уулзалтаар бид та бүхнийг ямар цэнэгээр цэнэглэснийг эргэн санацгаая. Оны өмнөхөн “Датаком” компани, Business.MN-ийн үүсгэн байгуулагч Д.Энхбат бизнесийн системийн тухай ойлголтын үндсийг тавьж, бизнес эрхлэгчдийг нэгдэж, хамтрахыг уриалсан бол Bat Solution Partners-ийн үүсгэн байгуулагч В.Ганзориг маркетингийн стратеги, брэндийн үнэ цэн, хэрэглэгчийн сэтгэл ханамжийг нэмэгдүүлэх талаар үнэтэй туршлагаа харамгүй хуваалцсан. Мөн IT салбарынхны хүний нөөцийн удирдлага, арга барилын талаар нэгэн өглөөг цэнэглэж, олон шинэ санаа, аргачлалуудыг бидэнд танилцуулсан билээ.
Тэгвэл 2025 оны нэгдүгээр сарын “Бизнес цэнэг” уулзалт урам зоригийг бадрааж, дотоод эрч хүчийг тань өрдөх салбар салбарын манлайлагч зочдоор таныг цэнэглэхэд бэлэн болоод байна. Тухайлбал,
Энэ удаагийн Morninspire-ийн зочин бол AFA академийн үүсгэн байгуулагч Ш.Амартүвшин. Тэрбээр өөрчлөлтөөс хүн яагаад айдаг вэ, тэрхүү айдас эргэлзээг даван туулах арга болон өөрийгөө хөгжүүлэхэд хэрэгтэй дотоод сэдлийг хэрхэн үүсгэх талаар “Change or die” илтгэлдээ хуваалцана.
Харин Sharing is Caring хэсэгт бизнесийн салбартаа өвөрмөц замнал, онцгой туршлагыг бүтээж чадсан үүсгэн байгуулагчид өөрсдийн нөү-хауг ярилцаж, асуулт, хариулт өрнүүлэх болно.
Өдгөө веган соёлыг Монголд амжилттай хөгжүүлэн, салбартаа манлайлж буй FOODY Mongolia брэндийн үүсгэн байгуулагч Б.Золжаргал “Niche-д нийцсэн бүтээгдэхүүн хөгжүүлэлт” сэдвээр өөрийн туршлагаа хуваалцана.
Мөн аялал жуулчлалын зах зээлд хэрэглэгчдэд технологийн шийдлийг санал болгож, аялагчдыг тав тухтай аялах боломжийг бүтээж буй iTrip компанийн үүсгэн байгуулагч Б.Золбадрал “Өөрчлөлтийн өгөөж” сэдвийн хүрээнд хэрхэн бизнесийн орчинд зохицон ажиллах арга барилаа та бүхэнд танилцуулна.
Дотоодын зах зээлээс дэлхийд гарахаар зорьж буй ҮР МИНЬ брэндийн үүсгэн байгуулагч А.Уянга “Бүтээмж ба хүн цагийн хувьсал” сэдвийн хүрээнд технологийн дэвшлийн тусламжтайгаар хүний нөөц болон цаг ашиглалтын асуудлаа шийдэж буй талаар мэдээлэл авах боломжтой.
Өглөөний кофегоо хамтдаа ууж, урам зориг, шинэ санаагаар өөрийгөө цэнэглэцгээе. “Бизнес цэнэг” уулзалт бизнесийн шинэ боломж, хамтын ажиллагаа, инновацын талаар санал бодлоо солилцож, нетворкинг өрнүүлэх гайхалтай орчин байх болно. Та бүхэн бидэнтэй нэгдэж, шинэ санаа, урам зориг авах боломжийг бүү алдаарай!
💵 Такс: 69000₮
🗳️ Бүртгүүлэх: https://to.biz.mn/event4
📆 Хэзээ: 2025.01.29-ний 07:00 цагт
📍 Хаана: Галлериа Улаанбаатар-ын 3 давхарт
☎️ Холбоо барих: 80975667, 86975667, 89575667
