Системийн инженер хэмээх мэргэжлийг программисттай андуурч ойлгох нь түгээмэл. Гэтэл дотоод сүлжээ, тусгай программуудын ажиллагаа, дата хадгалалт, мэдээллийн аюулгүй байдал зэрэг байгууллагын үйл ажиллагаанд тэргүүн зэрэгт тавигддаг олон үйл ажиллагааг системийн инженер хүн нуруун дээрээ үүрч байдаг. Өөрөөр хэлбэл, тэрбээр байгууллага, компанид чухал үүрэгтэй ажилтан юм. Бас нэг сонирхолтой баримт нь системийн инженерчлэлийн салбарт эрчүүд үнэмлэхүй олонхийг бүрдүүлдэг тул эмэгтэй инженерүүд хуруу дарам цөөхүүлээ байдаг. Тиймээс эрчүүдийн гэж нэрлэгддэг салбарт эрчүүдтэй мөр зэрэгцэн ажиллаж буй эмэгтэй инженер У.Номингийн туршлагаас Business.mn хуваалцаж байна.
