Business.mn-ээс сар бүр зохион байгуулдаг бизнес эрхлэгчдэд зориулсан “Бизнес цэнэг” өглөөний уулзалт 2025 оны есдүгээр сарын 30-нд Галлериа Улаанбаатар-т болно.
Энэ удаагийн уулзалтаар илтгэгчид бизнесийн харилцаа, борлуулалт өсгөх стратеги, бүтээмж, нетворкинг ашиглах зэрэг сэдвээр мэдлэг, туршлагаа хуваалцана.
Morninspire хэсгийн зочин илтгэгч, FranGlobalMongolia-гийн борлуулалт хариуцсан захирал Ж.Дэлгэрцэцэг “Борлуулалтаа өсгөх энгийн гурван алхам” сэдвээр борлуулалтыг нэмэгдүүлэхэд чухал эргэх холбоог бий болгох практик аргачлалуудыг хуваалцана.
Харин бодит кейс, туршлагаа хуваалцдаг “Sharing is Caring” хэсэгт:
UB Group-ийн ТУЗ-ийн дарга Ц.Батбаатар “Итгэлцэлд суурилсан бизнес харилцаа” сэдвээр:
Бизнесийн салбарт 20 орчим жил ажиллаж буй түүний хувьд тээвэр, барилга, санхүү, худалдаа, үйлчилгээ, үйлдвэрлэл, хөрөнгийн менежмент ба нөхөн сэргээлт зэрэг олон чиглэлд хөрөнгө оруулдаг. Ц.Батбаатарын 2006 онд үүсгэн байгуулсан UB Group ХХК тээвэр, барилга, санхүү хөрөнгө оруулалт, лайфстайл гэсэн дөрвөн чиглэлээр бизнесийн найман салбарт тогтвортой үйл ажиллагаагаа явуулж байна. Энэ удаагийн уулзалтаар бизнесийн харилцаанд итгэлцлийг хэрхэн бий болгож, хадгалж ирсэн туршлагаа хуваалцана.
Yalguun Accessories-ийн ерөнхий захирал Н.Өлзиймаа, “Зардал ба бүтээмжийн тэнцвэр” сэдвээр:
Н.Өлзиймаа нь “Ялгуун Аксесорис” ХХК-ныг 2017 онд байгуулж, өв соёл, өвөрмөц ахуй уламжлалаа уран зурагт буулгасан брендийн бүтээгдэхүүнээ дотоодын болон гадаадын зах зээлд амжилттай борлуулж байна. Тус брендийн хувьд 2022 онд дотоодын зах зээлд онлайн худалдааны албан ёсны цахим хуудсаа нээжээ. Одоогоор Улаанбаатар хотод 6 салбар, Эрдэнэт хотод нэг салбар дэлгүүртэйгээр үйл ажиллагаа явуулж байна.
EasyCook-ийн үүсгэн байгуулагч, Гүйцэтгэх захирал Н.Одхүү “Нетворкинг-г бизнестээ үр дүнтэй ашиглах нь” сэдвээр:
Монголын хоолны салбарт бэлдэцээр хоол хийх соёлыг дэлгэрүүлж буй түүний хувьд 2020 онд “EasyCook”-ийг үүсгэн байгуулсан. Үүнээс өмнө “Модерн Номадс” Burger king гэхчлэн зочлох үйлчилгээний салбарт10 гаруй жил ажил ажиллажээ. “EasyCook” компани нь амтлаад аваад яв” концепц бүхий “Meal-Kitchen” ресторанаа 2024 онд нээсэн бөгөөд франчайз хэлбэрээр хөгжихөөр зорьж буй юм. Тэрээр бизнес цэнэг уулзалтад цагийн менежментээ хэрхэн зөв зохион байгуулж, community-дээ идэвхтэй байх нь бизнесийн өсөлтөд хэрхэн нөлөөлдөг талаар сонирхуулна.
Та энэхүү уулзалтад ирснээр амжилттай, чадварлаг бизнес эрхлэгчдийн бодит туршлагыг сонсож, бизнесээ ахиулах боломжийн талаар санаа авахаас гадна шинэ түншлэлийг бий болгох боломжтой юм.
Өглөөний кофегоо хамтдаа ууж, урам зориг, шинэ санаагаа өөрийгөө цэнэглэцгээе.
-Такс: 79000
-Бүртгүүлэх: https://to.biz.mn/event9
-2025.09.30-ны Мягмар гараг 07:00 цагт
–Галлериа Улаанбаатар Galleria Ulaanbaatar–н гурван давхарт (Засгийн газрын ордны зүүн талд)
-Холбогдох утас: 8097-5667 | 8957-5667
