Саяхан McKinsey Global Institute-ээс нэгэн сонирхолтой судалгааны тайланг гаргажээ. Энэ тайланд 2040 он гэхэд эдийн засгийн амьдралыг өөрчлөх 18 салбарыг тодорхойлжээ. Үүнээс хамгийн их өсөх чиглэл нь онлайн худалдаа.
2022 оны байдлаар дэлхийн нийт жижиглэнгийн худалдааны эргэлт 17 их наяд ам.доллар байгаагаас онлайн худалдаа нь 20 хувийг эзэлж байна. Гэсэн ч газар зүйн байршил болоод бүтээгдэхүүний нэр төрлийн хувьд цаашид улам тэлэх төлөвтэй байгаа талаар судалгаанд онцолсон байна. Улмаар 2040 он гэхэд эзлэх хувь 37-38 хувьд хүрэх магадлалтай бөгөөд онлайн худалдааны борлуулалт багаар бодоход 11 их наяд, ихээр бодоход 16 их наяд ам.долларт хүрэх төлөвтэй байна.
Монгол улсад ч ковидоос хойших жилүүдэд онлайн худалдаа эрчимтэй хөгжиж байна. ecdb.com-ийн судалгаагаар 2024 онд Монголын онлайн худалдааны зах зээл 245 сая ам.долларын ашигтай ажиллаж, өмнөх жилээсээ 15-20 хувь өссөн бөгөөд 2025 онд ч энэ өсөлтөө хадгалах төлөвтэй байна. Энэхүү өсөлтийн гол хөшүүргүүд нь цахим дэлгүүрүүдээс гадна төлбөр тооцооны системийн хөгжил, финтекийн өсөлт, BNPL (Buy now, Pay Later) шийдлүүд, мөн хүргэлтийн үйлчилгээ, мөн хэрэглэгчдийн зан төлөвийн өөрчлөлт болж байна.
Хиймэл оюунд суурилсан онлайн худалдааны экосистем
Онлайн худалдаанд нэвтрээд буй хамгийн сүүлийн үеийн дэвшил нь хиймэл оюуны технологи болж байна. Үүний нэг бодит жишээ болгож Shop.mn платформыг авч үзье. Энэ бол жижиг, дунд бизнесүүдээс эхлээд корпорац хүртэл өөрийн цахим дэлгүүрийг 55 000-299 000 төгрөгөөр хэдхэн минутын дотор нээж, шууд орлогоо нэмэгдүүлэх боломж олгохоор амлаж буй шинэ үеийн худалдааны платформ юм.
Shop.mn-ий гол онцлог нь уламжлалт онлайн худалдааны платформуудын адил борлуулалтаас шимтгэл авах бус, орлогыг автоматаар шууд борлуулагчийн дансанд шилжүүлдэгт оршино. Өөрөөр хэлбэл, бизнес эрхлэгчдийн гол мөрөөдөл болсон “хямд, хурдан, ил тод” зарчим бүрэн хэрэгжиж байгаа гэдгийг хөгжүүлэгчид онцолж байна.
Үүнийг дагаад хэрэглэгчийн туршлага ч шинэ түвшинд гарч байна. Тухайлбал, хиймэл оюун барааны зургийг студийн чанартайгаар боловсруулж, тайлбар бичдэг. Энэ нь маркетингийн баггүй жижиг бизнесүүдэд хүртэл өрсөлдөх давуу талыг бий болгох аж. Мөн хямдрал, купон, бэлгийн карт, 1+1 гэх мэт урамшууллын бүх төрлийн хэрэгслийг удирдахаас гадна дэлгүүрийн дизайн, барааны ангилал, хэрэглэгч болон ажилтны удирдлага, статистик үзүүлэлт хүртэл нэг дор төвлөрчээ.
Түүнчлэн домэйн нэр, веб сервер, автомат төлбөрийн систем (StorePay, PocketZero гэх мэт) зэрэг дэд бүтцийг хамтад нь санал болгож буй нь бизнесүүдэд “бэлэн экосистем” авчирч буй хэрэг юм. Өөрөөр хэлбэл, цахим худалдааны суурь дэд бүтцийг дахин шинээр босгох шаардлагагүй, шууд эхлэх боломжтой гэжээ.
Тус платформ өнгөрсөн долоодугаар сард нээлтээ хийснээс хойш 600 гаруй вендортой болоод байгаа аж.
Shop.mn-ийн туршлагаас харвал хиймэл оюун бол зөвхөн технологийн инноваци биш, харин амьдралын шинэ хэв маяг руу шилжих эхлэл болж байна.
