![](https://scontent.fuln10-1.fna.fbcdn.net/v/t39.30808-6/394259186_332369682804869_7755940346754881945_n.png?stp=dst-jpg&_nc_cat=109&ccb=1-7&_nc_sid=5f2048&_nc_ohc=c7wvlkX7n4YAX8-bKOT&_nc_ht=scontent.fuln10-1.fna&oh=00_AfDOg_8a7LrMq9mt1mgKF26FWZ0DNrWIn2AOe6cS2tYcCw&oe=653A5F24)
![🇲🇳](https://static.xx.fbcdn.net/images/emoji.php/v9/t9f/1/16/1f1f2_1f1f3.png)
Импортоор орж ирж байгаа чанар стандартын шаардлага хангахгүй барилгын материалуудыг улсын хилээр оруулж ирэхгүй байх нөхцөлийг бүрдүүлэх зорилгоор Монгол Улсын шадар сайд С.Амарсайханы тушаалаар ажлын хэсэг байгуулагдаж “Импортын барилгын материалын стандарт” хэлэлцүүлгийг зохион байгуулахаар боллоо.
Тус арга хэмжээг МУ-ын Шадар сайдын ажлын алба болон Барилга, Хот Байгуулалтын Яам Гаалийн Ерөнхий Газар Стандарт Хэмжил Зүйн Газар Онцгой байдлын ерөнхий газар Нийгмийн эрүүл мэндийн үндэсний төв Барилгын хөгжлийн төв Шударга өрсөлдөөн, хэрэглэгчийн төлөө газар Төрийн худалдан авах ажиллагааны газар Монголын Үндэсний Худалдаа Аж Үйлдвэрийн Танхим Барилгын ханган нийлүүлэгчдийн зөвлөл зэрэг байгууллагууд хамтран зохион байгуулж байна.
Хэлэлцүүлэгт импортын барилгын материалын чанар аюулгүй байдал, стандарт норм дүрмийн хэрэгжилт, гарц шийдлийн талаар санал солилцож, хэлэлцүүлгээс гарсан зөвлөмжийг засгийн газрын хуралдаанд танилцуулж холбогдох байгууллагуудад үүрэг чиглэл өгч шийдвэрлүүлэх юм.
Иймд барилгын материалын үйлдвэрлэл, худалдаа эрхлэгчид, ханган нийлүүлэгчид та бүхнийг 2023 оны 10-р сарын 27-ны өдөр МҮХАҮТ-ийн GRAND HILL танхимд зохион байгуулагдах “Импортын барилгын материалын стандарт” хэлэлцүүлэгт хүрэлцэн ирэхийг урьж байна.