Хятадын Засгийн газар Австралийн нүүрсэнд импортын хориг тавиад бараг жил болсны дараа гаалийн агуулахад байгаа тус улсын нүүрсийг гаалийн бүрдүүлэлт хийж хэрэглээнд нэвтрүүлэхээр шийдсэн тухай Reuters агентлаг мэдээлэв. Австралийн Засгийн газар Ковид-19 цар тахлын гарал үүсэл болон Хятад дахь хүний эрхийн нөхцөл байдлын талаар хэд хэдэн удаа Бээжингийн эсрэг улс төрийн мэдэгдэл хийсний дараа Хятадын эрх баригчид тус улсын нүүрсэнд хориг тавьсан.
Гэсэн ч цахилгаан, дулааны станциудын нүүрсний хомсдлоос үүссэн эрчим хүчний доголдлын улмаас Австралиас орж ирээд гацсан нүүрсийг ашиглахаас өөр аргагүйд хүрчээ.
