Инфляци 15% болоход нөлөөлсөн 10 барааны үнийн өсөлт

Үндэсний статистикийн хорооны мэдээлснээр 2022 оны тавдугаар сард инфляци 15 хувьтай гарчээ. Энэ нь өмнөх оны мөн үеэс 8.9 хувиар өссөн үзүүлэлт.

Инфляц 15.1% болоход,

• Мах, махан бүтээгдэхүүний үнэ жилийн 6.7% өссөн буюу инфляцад 0.7 нэгж хувь
• Бензин шатахууны үнэ жилийн 62% өсөж инфляцад 2.6 нэгж хувь
• Голлон нөлөөлсөн 10 бүтээгдэхүүний үнийн өсөлт нийт инфляцын 29.4%-ийг бүрдүүлж байна.

Монгол Улсын хэрэглээний бараа, үйлчилгээний сагсанд нийт 373 нэр төрлийн бараа бүтээгдэхүүн, үйлчилгээ, Улаанбаатар хотын хэмжээнд 344 нэр төрлийн бараа бүтээгдэхүүн, үйлчилгээ багтдаг. Нийт 373 нэр төрлийн бараа бүтээгдэхүүн, үйлчилгээний 200 нь импортын бараа, бүтээгдэхүүн байгаа бөгөөд энэ нь нийт жингийн 45.5 хувийг эзэлж байна.

Үнийн түвшний өсөлт, инфляцийг тооцохдоо хэрэглээний сагсыг ашигладаг. Үндэсний Статистикийн Хороо (ҮСХ)-ноос айл өрхүүдийн хэрэглээг судалсны үндсэн дээр өргөн хэрэглээний барааны сагсын бүтцийг тодорхойлдог. Энэ сагсан дахь өргөн хэрэглээний бараа бүтээгдэхүүний үнийг түүний хэрэглээнд эзлэх жингээр үржүүлээд нэмснээр хэрэглээний үнийн индекс (ХҮИ) гардаг. ХҮИ-ийн өөрчлөлт нь инфляцийг хэмжих нэг хэмжүүр юм.

Хэрэглээний үнийн индексийг энэ оны дөрөвдүгээр сарын байдлаар аймгуудаар нь авч үзвэл хамгийн өндөр өсөлт Сэлэнгэ аймагт байгаа бөгөөд инфляцийн түвшинд 17%-д хүрчээ.