Хархорум Дижитал Академи, Business.MN сэтгүүлээс хамтран зохион байгуулдаг “БИЗНЕС ЦЭНЭГ” сургалтын аравдугаар сарын бүртгэл эхэллээ. Аравдугаар сарын сургалтаараа бид ДИЖИТАЛ ШИЛЖИЛТ сэдвийг онцолж байна.
Борлуулалтдаа дижитал шийдэл нэвтрүүлж, бизнесээ тэлэх, цаашлаад байгууллагынхаа бизнес моделийг дижитал орчинд байршуулж, өрсөлдөөний давуу талыг үүсгэх, зайнаас үр дүнтэй ажиллах арга технологи, туршлагаас суралцах, хэрэглэгчидтэйгээ шуурхай холбогдон, асуудлыг хурдтай шийдвэрлэх технологийн шийдлүүдтэй танилцаж, онлайн орчинд ажлын байраа хэрхэн зохион байгуулах, мөн технологийн шийдлийг компанидаа оновчтой нэвтрүүлж, ажил бизнесээ ухаалгаар удирдан зохион байгуулах зэрэг өргөн хүрээг хамарсан өгөөжтэй сэдвүүдээр энэ удаагийн цуврал вэбинарыг зохион байгуулахаар бид зэхлээ.
Дараах сургалтуудад та бүхнийг өргөнөөр оролцохыг урьж байна /Хичээлийн сэдэв дээр дарж дэлгэрэнгүй мэдээлэл авна уу/.
10 сарын 4. БОРЛУУЛАЛТДАА ДИЖИТАЛ ШИЙДЭЛ НЭВТРҮҮЛЭХ НЬ
“Грийн софт” компанийн гүйцэтгэх захирал Б.Энх-Амар
Дижитал орчинд бизнесээ тэлэх нь дижитал сэтгэлгээтэй байх, худалдан авагчийн сэтгэлгээг ойлгохоос эхэлдэг. Байгууллагынхаа бизнес моделийг дижитал орчинд байршуулж, өрсөлдөөний давуу талыг бий болгох нь зөвхөн программ хангамжийн асуудал биш. Харин хүн (ажилтан), процесс (байгууллагын менежмент), технологи (программ хангамж болон бусад хэрэгслүүд) -ийн гурвалсан хамтын ажиллагаанаас энэ бүхэн илүүтэй хамаардаг. Уг вэбинар бизнесээ дижитал орчинд амжилттай байршуулахад шаардлагатай суурь сэтгэлгээ, технологийг ойлгуулахад чиглэх болно.
10 сарын 11. REMOTE OFFICE БУЮУ ЗАЙНААС АЖИЛЛАХ ҮР ДҮНТЭЙ ШИЙДЭЛ
“Могул консалтинг сервис” компанийн захирал Н.Жавхлан
Байгууллагын стратегийг оновчтой тодорхойлж, гол зорилго, зорилтдоо төвлөрөн орон зай, цаг хугацаанаас үл хамааран үр дүнтэй ажиллах арга технологи, туршлагатай танилцахад энэхүү вэбинар танд тусална. Мөн байгууллагадаа эдгээр арга технологи, туршлагыг бие даан нэвтрүүлэх ур чадварыг та эзэмших болно.
10 сарын 18. ХЭРЭГЛЭГЧИД ТАСРАЛТГҮЙ ҮЙЛЧЛЭХ ОНЛАЙН ҮЙЛЧИЛГЭЭНИЙ ЦОГЦ ШИЙДЭЛ
“Датаком” компанийн Технологи үйлчилгээ хариуцсан захирал Ц.Анхзаяа
Хэрэглэгчидтэй шуурхай холбогдон, асуудлыг хурдтай шийдвэрлэх технологийн шийдлүүдийг танилцуулж, онлайн орчинд ажлын байраа хэрхэн зохион байгуулах талаар уг вэбинараар ярилцана. Мөн хэрэглэгчийн хүсэлтийг нэгдсэн талбарт төвлөрүүлж, хариуцсан ажилтнуудад хуваарилан шуурхай шийдэх, утасны дуудлага бүрийг алдалгүй ажилтнуудын гар утсанд шилжүүлэх, багийн системийн хөгжүүлэлт буюу код өөрчлөлтийг алсын зайнаас хийх зэрэг зайлшгүй шаардлагатай технологийн шийдэл, программуудыг танилцуулж, жишээгээр тайлбарлана.
10 сарын 25. ЦАХИМ ШИЛЖИЛТИЙГ БИЗНЕСТЭЭ ХЭРЭГЖҮҮЛЭХ АРГА ЗАМ
ITZone компанийн ТУЗ -ийн дарга, ерөнхий захирал Н.Баттулга
Өнөө цагт байгууллага бүр ажил бизнестээ цахим шилжилтийг яагаад хийх ёстой вэ, хэрхэн хэрэгжүүлэх вэ зэрэг асуултад хариулт өгнө. Хүн төрөлхтний хөгжлийн нэгэн том үе болох цахим хувьсгалын эрин үед цаг үетэйгээ хөл нийлүүлэн технологийн шийдлийг оновчтой нэвтрүүлж, ажил бизнесээ ухаалгаар удирдан зохион байгуулах талаар та энэхүү вэбинараас олж мэдэх боломжтой.
Нэг вэбинарт оролцох төлбөр 22’000 төгрөг бөгөөд 4 вэбинарт багцаар бүртгүүлбэл 25 хувийн хямдралтай. Харин гишүүнчлэлийн багцыг авснаар та бүтэн жилийн турш “Бизнес цэнэг” вэбинарт оролцож, өмнөх хичээлүүдийн бичлэгийг үзэх эрхтэй болно.
Вэбинар мягмар гарагийн 19.00-20.30 цагт онлайнаар явагдана. “Бизнес цэнэг” вэбинарын тухай мэдээллийг karakorum.digital хаягаас авч, онлайнаар бүртгүүлээрэй.
Та бизнестээ тулгарч буй бэрхшээл эсвэл өөрийн туршлагаа хуваалцаж и-мэйл бичвэл бид тухайн салбартаа мэргэшсэн зөвлөхүүдийг урьж сургалт зохион байгуулах боломжтой.
ЭНД ДАРЖ ЯГ ОДОО ВЭБИНАРТ БҮРТГҮҮЛЭЭРЭЙ
Эсвэл доорх QR кодыг уншуулна уу.
И-мэйл: support@karakorum.digital, Утас: 70110812, 89028888 /ажлын цагаар/ Вэб: academy.karakorum.digital/pages/webinars
Та бизнестээ тулгарч буй бэрхшээл эсвэл өөрийн туршлагаа хуваалцаж и-мэйл бичвэл бид тухайн салбартаа мэргэшсэн зөвлөхүүдийг урьж сургалт зохион байгуулах боломжтой.