УИХ-ын гишүүн Ц.Анандбазар, Б.Баттөмөр, Н.Наранбаатар нар Эрдэнэс Тавантолгойн хувьцааг эргэлтэд оруулах УИХ-ын тогтоолын төслийг санаачилж, санал авахаар Засгийн газарт хүргүүлжээ.
Иргэд Эрдэнэс Тавантолгой ХК-ийн 40 хүртэлх хувийг үнэ төлбөргүй эзэмшиж, хүн бүрт жил бүр 2 сая ₮ ноогдол ашиг өгнө гэж мэдэгдэв. Энэ мөнгийг нийт 3.3 сая иргэнд тараана гэвэл өртөг нь 6.6 их наяд төгрөг буюу хоёр тэрбум орчим ам.доллар болно. Өөрөөр хэлбэл, 2023 оны төсвийн гуравны нэг нь юм. Тэдний зохиосон энэ үлгэр яагаад биелэх боломжгүйг тус компанийн ашигт ажиллагааны хэдхэн тооноос харж болно.
- ЭТТ ХК-ийн 2022 оны борлуулалтын орлого /ашиг биш/ 1.1-1.2 тэрбум ам.доллар.
- Тус компани 620 тэрбумын бондын өр төлөхөөс 420 тэрбумыг нь энэ оны дөрөвдүгээр сард барагдуулна.
- Хятадын Чалко компани болон Бодь Интернэшнл компанид нүүрсээр өрөө төлж байгаа. Ингэхдээ нэг тонн нүүрсийг Чалко-д 99.4 ам.доллароор, Бодь Интернэшнл компанид 98.7 ам.доллароор бодож өгч байна.
- Хөрөнгө оруулалтын бусад зардлууд
- Цалин болон бусад урсгал зардлууд
