“Скай Хайпермаркет” ХХК буюу “Имарт” сүлжээ дэлгүүр нь 2016 оноос жижиглэн худалдаа болон үйлчилгээний чиглэлээр үйл ажиллагаа эрхлэн явуулж өдгөө 1400 үндсэн ажилтан, 4 салбар дэлгүүр, Онлайн болон бөөний худалдаа, 1 түгээлтийн төвтэй хэрэглэгчдэдээ үйлчилж байна.
“Скай Хайпермаркет” ХХК нь уур амьсгал, хүрээлэн буй орчин, хүнд үзүүлэх сөрөг нөлөөллөөс урьдчилан сэргийлэхийн төлөө ажиллах нь чухал ач холбогдолтой гэдгийг ухамсарлан өнөөдрийг хүртэл хичээнгүйлэн ажиллаж ирсэн. Цаашид бүтээгдэхүүн, үйлчилгээгээ илүү сайжруулах, салбартаа манлайлах зорилгоор “Ололт амжилт” ХХК-аас зөвлөх үйлчилгээ авч ISO 14001:2015 Байгаль орчны менежментийн тогтолцоо, ISO 45001:2018 Хөдөлмөрийн эрүүл мэнд, аюулгүй байдлын менежментийн тогтолцоо олон улсын стандартыг нэвтрүүлж, амжилттай хэрэгжүүлсэн.
Скай Хайкпермаркет ХХК-ийн Төв оффис болон 5 салбар нь ISO 14001:2015, ISO 45001:2018 нэгдсэн менежментийн тогтолцоог амжилттай хэрэгжүүлж Монсертф ТҮБ-аас анхдагч баталгаажуулалтын гэрчилгээгээ гардан авлаа. Ингэснээр “Монгол хүн Та 100 наслаг” уриан дор улс орондоо нийгэмдээ үнэ цэнийг бий болгох үндсэн зорилгоо биелүүлэхэд томоохон алхам хийж байгууллагынхаа боловсон хүчний эрүүл, аюулгүй байдлыг хангасан байгууллага гэдгээ бататгалаа.
