Бизнесийн цаг агаар
Евразийн эдийн засгийн холбооны хэлэлцээр /ЕЭЗХ/: Боломж уу, эрсдэл үү…
Монгол Улс Евразийн эдийн засгийн холбоотой чөлөөт худалдааны түр хэлэлцээр байгуулах гурав дахь шатны хэлэлцээг амжилттай хийлээ. Энэхүү хэлэлцээрийн үр дүнд:
🤝 Монгол Улс 366 нэр төрлийн бүтээгдэхүүнийг ЕЭЗХ-ны гишүүн орнууд руу гаалийн татваргүй экспортлох боломж бүрдлээ. Тухайлбал, мах, махан бүтээгдэхүүн, арьс шир, ноос ноолууран бүтээгдэхүүн болон хөдөө аж ахуйн зарим бүтээгдэхүүн багтжээ.
🤝 Мөн стратегийн хүнсний бүтээгдэхүүний хувьд тодорхой зохицуулалтууд хийгдсэн бөгөөд улаанбуудайн импортод 50 мянган тоннын квот тогтоож, тарифыг 3.75 хувь болгон бууруулсан байна. Өндөгний импортод 90 сая ширхэг хүртэл 7.5 хувийн татвар ногдуулахаар, түүнээс дээш тохиолдолд 15 хувийн татвар тогтоохоор тохиролцжээ. Түүнээс гадна, хуурай сүүний тарифыг тэглэж, зарим сүүн бүтээгдэхүүнд 7.5 хувийн татвар ногдуулахаар болсон байна.
Хэлэлцээр хийснээр Монголын экспортын өрсөлдөх чадвар нэмэгдэж, дотоодын үйлдвэрлэгчдэд илүү таатай нөхцөл бүрдэнэ гэж эрх баригчид үзэж буй. Гэхдээ гаалийн татваргүй экспортлох эдгээр бараа бүтээгдэхүүний тоонд үндэсний компаниудын үйлдвэрлэдэг цөөнгүй бараа бүтээгдэхүүн багтаж байгаа тул дотоодын үйлдвэрлэгчдэд хүнд цохилт болох эрсдэлтэй гэж зарим эдийн засагч, улс төрч, бизнесмэнүүд шүүмжлэлтэй хандаж байна. Уг хэлэлцээрт гарын үсэг зурах арга хэмжээ 5-р сард Москва хотод болно.
Бизнесийн салбарт холбогдолтой олон хууль шинэчлэгдэнэ
💰 Татвар, нийгмийн даатгалын тухай хуулийн төсөл: Энэ удаа татварын хуулийг шинэчлэхдээ бизнес эрхлэгч, сайн татвар төлөгчийг дэмжиж татварын зардлыг бууруулах, ялангуяа жижиг, дунд бизнес эрхлэгч, уул уурхайн бус салбарт үйл ажиллагаа эрхэлдэг гарааны бизнес эрхлэгчдийг дэмжих зорилгоор НӨАТ-ыг шаталсан хэлбэрт шилжүүлэх аж.
Бүсчилсэн хөгжлийн бодлоготой уялдуулан орон нутагт хүн ам, ажиллах хүч татах татварын бодлого хэрэгжүүлэх бөгөөд эдгээр шинэчлэлийн үр дүнд 2.4 их наяд төгрөгийн татварын хөнгөлөлт олгож, бизнесийн идэвхжилийг 1.6 их наяд төгрөгөөр нэмэгдүүлэх тооцоо гаргажээ.
📈 Арилжааны тухай хуулийн төсөл: Арилжааны тухай хуулийн төсөлд гэрээнд итгэх итгэлийг нэмэгдүүлэх, бизнес эрхлэгчдийн ашгийн төлөөх зорилгыг дэмжих, хэрэг, маргааныг түргэн шуурхай шийдвэрлэх, арилжаа эрхлэгчдийг МҮХАҮТ бүртгэх, арилжааны гэрээний харилцааг нарийвчлан зохицуулж, мөнгөн зээл, санхүүгийн түрээс, франчайз, мерчандайзинг, комисс болон аялал жуулчлалын гэрээний зохицуулалтыг хуульчлахаар тус тус тусгажээ.
💴 Төлбөрийн чадваргүйдлийн тухай хуулийн төсөл: Төлбөрийн чадваргүйдлийн тухай буюу Дампуурлын тухай хуулийг шинэчлэн найруулах хуулийн төсөлд олон улсын эрх зүйн дэвшилтэт зохицуулалтуудыг тусгаж, дампуурлын харилцаа, түүний ажиллагааг илүү тодорхой болгох зохицуулалтыг нэвтрүүлэхээр ажиллаж байгаа юм байна.
Эх сурвалж: Business.mn
Старт ап-уудад зориулсан зөвлөмж
Хэрхэн завтай захирал болох вэ?
“Түмэн торго” ХХК-ийн үүсгэн байгуулагч, Гүйцэтгэх захирал Б.Очирням бизнесээ амжилттай удирдахын зэрэгцээ БНХАУ-ын Шанхайн их сургуульд хятад хэлний чиглэлээр суралцаж байна. Тэрбээр амралтын өдрүүдээр ч гэр бүлдээ зориулах цаг завгүй нэгэн байсан боловч хэрхэн сэтгэлгээ, багаа, бизнесээ өөрчилсөн туршлагаасаа хуваалцсан юм. Завтай захирал болохын тулд Б.Очирням дараах дөрвөн зүйл дээр төвлөрчээ.
1️⃣ Сэтгэлгээгээ өөрчил. Тэрбээр стратегидаа төвлөрч, гол түлхүүр ажлыг хариуцан, харин бусад ажлыг хүний нөөц, маркетинг зэрэг албадад хариуцуулж, хяналтаа багасгажээ. Мөн hybrid баг бүрдүүлж, цагт баригдалгүй, бүтээмжид тулгуурласан зарчмыг байгууллагын соёлоо болгожээ.
2️⃣ Системээ босго. Тэд компанийн 300 гаруй процессоо excel дээр зураглаад, flowchart болгосноор маш их асуудал цэгцэрч, хянахад хялбар болжээ. Мөн үйлдвэрлэлийн зарим процессийг автоматжуулжээ. Түүнчлэн ажил үүргийн хуваарилалтыг маш тодорхой болгож, олон зүйлд биш, нэг зүйлд илүү төвлөрч ажиллах боломжийг бүрдүүлжээ.
3️⃣ ERP системийг нэвтрүүл – Чаддаг зүйлийг нь чаддаг хүнд нь даатга. Чаддаг зүйлийг нь чаддаг хүнд нь даатга гэх зарчмыг баримталж өөрсдийн дотоод нөөц бололцоогоос гадна туслан гүйцэтгэх үйлчилгээ үзүүлэгч байгууллагаар зарим ажлаа гүйцэтгүүлдэг болсон байна.
4️⃣ Зорилгодоо төвлөр – Үгүй гэж хэлж сур. Бизнесүүд ихэвчлэн бүх үйлчлүүлэгчийнхээ хэрэгцээг хангах гэж хичээдэг ч энэ нь заримдаа сөрөг үр дагавартай. Тиймээс үйлчлүүлэгчдээ сегментчилж, хэрэгцээ шаардлагыг нь тодорхойлон, нүүр тулсан харилцан яриа хийдэг болжээ. Улмаар зарим бүтээгдэхүүнийг үйлдвэрлэх хэрэгцээгүй хэмээн үзэж, орлого, өгөөж өгч буй өндөр борлуулалттай бүтээгдэхүүндээ цаг хугацаагаа илүү зарцуулж, хөгжүүлэх нь байгууллагын өсөлтөд эерэг нөлөө авчирна гэж үзжээ. “Хамгийн их анхаарах зүйл нь өөрөө хамгийн чухал гэсэн ажилдаа төвлөрч, бусдыг нь хамт олондоо даатга” гэж Б.Очирням захирал хэллээ.
🌱 Өсөлтийн түүх 🌱
Хоёрхон жилийн дотор бизнесээ 2 дахин өргөжүүлсэн түүх
🌱🌱🌱 Эрч хүчтэй бизнес эрхлэгч эмэгтэй Б.Бадрахмаагийн алсын зорилго нь “Хүнсний аюулгүй байдалд хувь нэмэр оруулах” гэж ярихыг сонсоход бахархмаар. Түүний хэлсэн зүйлийг батлах мэт тахианы байрнаас нь нэлээд хол зайд цоо шинэ бүрэн автомат дөрвөн улирлын гидропоник хүлэмж харагдана. 20 гаруй ажилтантай хоёр компаниараа дамжуулан шинэхэн өндөг, нарийн ногоогоор орон нутгийн иргэдийнхээ хэрэгцээг хангах, ингэхдээ аж ахуйгаа аль болох хог хаягдалгүй, дахин боловсруулах технологитой болгохыг зорьж байна гэж ярилаа. Ингэхдээ тахианы сангасаар хийсэн, байгальд ээлтэй бортог үйлдвэрлэж байгаа гэдгээ танилцуулж, энэ бүгд тойрог эдийн засаг болох юм хэмээн тогтвортой хөгжлийн зорилгыг ажил хэрэг болгож буй туршлагаа хуваалцлаа.
Өсөлт бүрд түүх бий 🌱🌱🌱
ХААН Банкны Жижиг дунд бизнесийн банкны харилцагч “Цуна Монгол дай” ХХК-ийн ТУЗ-ийн дарга, Их аварга Харүмафүжи Д.Бямбадорж өсөлтийн түүхээ хуваалцлаа.
🌱 Миний өсөлтийн 3 онцлох:
#1 Ээж минь миний сахиус. Би эх орондоо, агуу сайхан аав ээжийнхээ үр үндэс болон мэндэлсэндээ хязгааргүй их талархан баярлаж явдаг. Бурхнаас заяасан энэ буян хишгийг зөв дааж амьдрахыг л хүсдэг.
#2 Багш шигээ багш байхуй. Хүн ямар багштай золгон учрах нь тэр хүний хувь тавиланг маш томоор өөрчилдөг. Номын багшаа хоёргүй сэтгэлээр дагаж, хүндэтгэж, талархах сэтгэлээр сайн шавь сайн багшийн зохилдлого бүрддэг гэж би итгэдэг. Ж.Галбадрах багш шигээ багш байхыг хичээдэг.
#3 Хамт олон. Аав минь “Зуун төгрөгтэй явахаар зуун найзтай яваарай. Хүний хүсэл хязгааргүй учраас хазаарлаж яв. Зөв сайхан хүмүүстэй үерхэж нөхөрлө” гэж захидаг байсан. Юуг зорино, юунд үнэнч байна тийм л хүмүүс эргэн тойронд бий болдог. Чин үнэнийг зоривол чамайг тийм л үнэ цэнтэй хүмүүс хүрээлнэ. Тиймээс ч гайхалтай хамт олон минь надад үргэлж хүч, өсөлт тэмүүллийг өгдөг.
🌱 Бусдад дайх бяцхан зурвас:
“Та бүхэн байгаа учраас би оршин байна” гэх Японы гүн ухаанаас үүдэлтэй “Таны ачаар” гэх ойлголт сүмочдод бий. Хүн ганцаараа бэлтгэл хийж, ганцаараа амжилт гаргах боломжгүй. Өрсөлдөгч, хамтрагч, олон түмэн байгаа учраас л хүн сайжирдаг. Сүмод анх удаа өөрөөсөө дээр цолтой хүнийг давбал тэр ах дээрээ очоод “Таны ачаар би ачийг тань хариуллаа” гэж хүндэтгэл үзүүлдэг. Олон түмнээ талархан хүндэтгэж, чин шаргуу хичээж явбал зам чинь үргэлж гэрэлтэй байх болно гэдгийг залуус дүү нартаа захимаар байна.
Өсөлтөд хөтөлье
Өсөлтөд тэмүүлсэн бизнесийн шинж чанарууд
McKincey & Company олон улсын байгууллагаас богино хугацаанд өсөлт гаргаж чадсан компаниудын дунд судалгаа явуулж, тэдэнд нийтлэг байдаг шинж чанаруудыг тодорхойлсон байна:
1. Тэд эхнээсээ өрсөлдөх чадвартай стратеги сонгодог. Тэд хаана, хэрхэн ялах тухай тооцоолж, ирээдүйд хэн байхаа том зургаар хардаг. Ингэхдээ өрсөлдөх чадвартай бизнесийн санаа, хэрэглэгчдийн зан төлөв, хөрөнгө оруулагчийн зорилгыг стратегидаа багтаадаг. Нэг үгээр, тэд эхнээсээ дотоод руугаа биш, шууд гадагшаа чиглэдэг.
2. Тэд хамтын ажиллагааг “өсөлтийн түлш” болгодог. Өсөлтөд тэмүүлсэн манлайлагч бизнесүүд амбициа хэрэгжүүлэхэд ямар ур чадвар, нөөц, саналууд хэрэгтэй гэдгийг ойлгодог бөгөөд үүнийгээ хамтрагчдаараа хэрхэн дэмжүүлэхээ мэддэг.
3. Амбицийг манлайллын нэг хэсэг болгодог. Ийм компаниуд зоригтой шийдвэр, шинэлэг шийдлүүд гаргадаг соёлыг бүтээхийн тулд ажилтнууддаа сорилт өгөхийн зэрэгцээ шагнаж чаддаг.
4. Тэд цахим технологийг стратеги, бизнес хөгжлийнхөө нэг хэсэг болгодог. Ингэхдээ цахим стратегийг бизнест үр ашиг бий болгох үндсэн хүчин зүйл гэж үздэг. Тэд харилцагчдадаа ямар ч саадгүй үйлчилгээ хүргэхийн тулд автоматжуулж, хиймэл оюуныг анхнаасаа ашигладаг.
5. Тэд өгөгдөлд суурилж шийдвэр гаргадаг. Энэ нь илүү үр дүнтэй, бодитой шийдвэр гаргахад эергээр нөлөөлж, үйл ажиллагаагаа явуулах үндсэн арга барил нь болдог.
Түүнчлэн өсөлтийн стратегитэй бүх компанид дараах зан төлөв нийтлэг байна:
☘ Хэрэглэгч бол бизнесийн цөм. Тэд хэрэглэгчдийн санал бодлыг хамгийн чухалд эрэмбэлж, стратегийн шийдэлтэйгээ холбодог. Тэд борлуулалтын мөчлөгөөс үл хамаарах өгөгдөл ашигладаг.
☘ Тэд хувийн бүтээмжийг сайжруулахын тулд эргэх холбооны механизмыг сайн ашигладаг. Өсөхөд зориулж өөрчлөгддөг компаниуд бүтээмжийн удирдлагыг нийт үйл ажиллагааны загварын нэг хэсэг болгож чаддаг.
☘ Ажилтнуудад өгсөн хүлээлт нь ойлгомжтой. Энэхүү хүлээлтэд хэм хэмжээ, зан төлөвийн өөрчлөлт хамаардаг. Өөрчлөлтүүдийн талаар ажилтнуудад ойлгомжтой хүлээлт өгөх нь тэдгээр өөрчлөлтийг өдөр тутмын үйл ажиллагаанд нэвтрүүлэхэд эерэг нөлөөтэй.
☘ Тэд ил тод. Өсөлтөд чиглэсэн компаниуд гүйцэтгэлтэй, бүтээмжтэй холбоотой үйл ажиллагааны үзүүлэлтүүдийг ил тод байлгадаг.
☘ Оролцоог хангадаг. Тэд бүх түвшний ажилтанд санаачилга гаргах, шийдвэр гаргах орон зай өгдөг.
Эх сурвалж: McKincey & Company, 2024.
Та мэдэх үү?
Хувьцаа эзэмшигчийн гэрээ гэж юу вэ?
Компани байгуулахад нухацтай боловсруулах шаардлагатай хоёр баримт бичиг байдаг нь компанийн дүрэм болон хувьцаа эзэмшигчийн гэрээ юм. Эндээс бидний хамгийн их алдаа гаргадаг нь хувьцаа эзэмшигчийн гэрээ бөгөөд ном ёсоор нь ийм гэрээ байгуулаагүйн улмаас бизнесийн хамтрагчдын хооронд маргаан гарах, бизнес доголдох, цаашлаад үүсгэн байгуулагчид бизнесээ салгаж авах зэрэг үр дагаварт хүрдэг.
Энгийн үгээр, энэ гэрээгээр хувьцаа эзэмшигчдийн эрх, үүрэг, хувьцаа эзэмшиж буй компанийн удирдлага, хувьцааны борлуулалт, хөрөнгө оруулалт зэрэг олон асуудал тусгагддаг.
Хувьцаа эзэмшигчийн гэрээний гол зорилго нь:
✅Эрх мэдлийг тодорхойлох: Хувьцаа эзэмшигчдийн хоорондын харилцаа, тэдний эрх, үүрэг, хариуцлагыг тодорхойлон буй.
✅Хамтын ажиллагааг хангах: Гэрээний хүрээнд хувьцаа эзэмшигчид хариуцлага, үүргийнхээ дагуу хамтран ажиллах.
✅Хөрөнгө оруулалтыг хамгаалах: Удирдлагаас гарч болох эрсдэл, алдаанаас хувьцаа эзэмшигчдийн ашиг сонирхлыг хамгаалах.
✅Мэдээллийн ил тод байх: Гэрээгээр хувьцаа эзэмшигчид нэг нэгэндээ мэдээлэл солилцох, захирлуудад шаардлагатай мэдээллийг өгч байх харилцааг зохицуулна.
Энэхүү гэрээ нь хувьцаа эзэмшигчдийн хоорондын харилцааг эрх зүйн хувьд баталгаажуулж, ирээдүйн эрсдэлүүдээс хамгаалж, компанийн үйл ажиллагааг тогтвортой байлгахад чухал үүрэгтэй.
Хэзээ, хаана, юу?
🏗 37 дахь удаагийн Barilga expo
Барилгын салбарын хамгийн том үзэсгэлэн яармаг 2025 оны 4-р сарын 11, 12, 13- ны өдрүүдэд Буянт-Ухаа спорт цогцолборт явагдана. Тус үзэсгэлэн яармагт дотоодын болон Хятад, Солонгос, Япон, Герман, Польш, Итали, Турк, Орос зэрэг барилгын салбартаа олон улсад тэргүүлэгч 20-иод орны барилгын материал үйлдвэрлэгч, худалдаа, ханган нийлүүлэгч, дэвшилтэт техник технологи нэвтрүүлэгч, хөрөнгө оруулагч, төсөл хөтөлбөр хэрэгжүүлэгчид зэрэг 400 орчим аж ахуйн нэгж, байгууллага оролцоно.
🔗Бүртгүүлэх: https://shorturl.at/rm5FB
Холбоо барих: 77113333, 99907814, 99907816
Газар тариалангийн хамгийн том үзэсгэлэн арга хэмжээ “Агро экспо – 2025”
🚜”Агро экспо – 2025” Олон улсын хөдөө аж ахуй, газар тариалангийн үзэсгэлэн дөрөв дэх жилдээ 4-р сарын 4-6-ны өдрүүдэд Буянт-Ухаа спортын ордонд зохион байгуулагдана. Энэхүү үзэсгэлэнгээр олон улсын Хөдөө аж ахуй, газар тариалангийн салбар дахь шинэ шийдэл, дэвшилтэт технологи бүхий тоног төхөөрөмж, техникийг танилцуулдаг.
ХААН Банкнаас уг үзэсгэлэнд банк санхүүгийн байгууллагуудыг төлөөлөн оролцож байгаа тул бизнес эрхлэгчид та бүхэн C01 павилоноор зочлон ногоон санхүүжилт, кластер, хөдөө аж ахуйн бүтээгдэхүүн үйлчилгээний талаарх мэдээллийг аваарай.
⏰ Таныг цэнэглэх өглөөний уулзалт
Business.MN-ээс “Бизнес цэнэг” өглөөний уулзалтыг сар бүр зохион байгуулдаг болсоор даруй хагас жилийн хугацаа өнгөрч байна. Энэ удаагийн уулзалтыг 4-р сарын 29-ний өдөр, илүү өргөн цар хүрээтэй, бүтэн өдрийн хөтөлбөртэйгөөр зохион байгуулахаар төлөвлөж байна. Урьдчилсан байдлаар “Бизнес цэнэг” уулзалтаар хүний нөөц, санхүү, маркетинг, менежментийн сэдвээр бизнес эрхлэгчид, зөвлөхүүд мэдлэг, туршлагаа солилцож, нэгэн өдрийг өөрийгөө цэнэглэхэд зориулахыг урьж байна.
Холбоо барих: 80975667, 86975667, 89575667
ЖДБ эрхлэгчдэд зориулсан сургалт, хөтөлбөрүүд
Бизнес эрхлэгч эмэгтэй та үйл ажиллагааны чанар, үр ашгаа нэмэгдүүлэхээр эрмэлзэж байна уу? Тэгвэл таныг “Бизнес эрхлэгч эмэгтэйчүүдийг дэмжих” хөтөлбөрт хамрагдан хүрээллээ тэлж, багаа үлгэрлэн манлайлахыг урьж байна.
Та сургалтаар дараах мэдлэг чадварт суралцана:
✅ Ажил, амьдралын тэнцвэрт цагийн менежмент
✅ Бизнесийн салбарын манлайлал, өрсөлдөх чадамж
✅ Хувь хүний хөгжил болон бизнес эрхлэх ур чадвар
✅ Ашигт ажиллагаагаа сайжруулах мэдлэг чадвар
🔗 Хөтөлбөрт бүртгүүлэх:https://survey.zohopublic.com/zs/hIB6nu
🌱 Жижиг дунд бизнес эрхлэгч таныг “Ногоон бизнес хөтөлбөр” цахим сургалтад хамрагдахыг урьж байна. Та бизнесийн үйл ажиллагаандаа ногоон шийдлийг эрэлхийлэн, хөнгөлөлттэй нөхцөл бүхий ногоон санхүүжилтээр бизнесээ өргөжүүлээрэй.
Бизнес эрхлэгчдэд зориулсан 2 түвшинт сургалт нь:
✅Олон улсын бизнесийн чиг хандлага
✅Тогтвортой хөгжил, ногоон санхүүжилтийн ойлголт мэдлэг
✅Кейс туршлага, боломжууд зэрэг сэдвийн дагуу хичээллэнэ.
Түвшин 1 (цахим) – Бүртгэлийн линкээр нэвтрэн орж, 4 удаагийн сургалтаас аль нэгийг сонгон бүртгүүлнэ.
Түвшин 2 (танхим) – Түвшин 1-т хамрагдсан оролцогчдоос анги бүрдүүлнэ. Хичээллэх хугацааг жич мэдэгдэнэ.
📅 2025.04 сарын хуваариас сонгон бүртгүүлнэ.
🗓️ 1 удаа 2 цагаар хичээллэнэ.
🔗Хөтөлбөрт бүртгүүлэх: https://survey.zohopublic.com/zs/0DB6ID
ХААН Банк болон BPN байгууллагын хамтран зохион байгуулдаг “Бизнес эрхлэгчдэд зориулсан хөгжлийн хөтөлбөр”-ийн зургаа дахь удаагийн элсэлт эхэллээ. 2025.04.07-ныг дуустал бүртгэл явагдана.
Хөтөлбөрийн давуу тал:
💡Бизнес эрхлэгчдийн шийдвэр гаргах түвшний ур чадварыг ахиулна.
💡Бизнесээ дараагийн шатанд гаргахад дэмжлэг үзүүлнэ.
💡Швейцарь, монгол зөвлөхүүдтэй хамтран ажиллана.
💡Бага хүүтэй, уян хатан нөхцөлтэй санхүүжилт авах боломжтой.
Сургалт үргэлжлэх хугацаа: 2025.04.15-2025.05.06-ны хооронд мягмар гараг бүр 09:00-16:00 цаг
Жич: ХААН Банкны харилцагч та хөтөлбөрийн тодорхой шалгуурыг хангасан бол сургалтын төлбөрийг 20%-50% хөнгөлнө.
🔗 Хөтөлбөрт бүртгүүлэх: https://survey.zohopublic.com/zs/kNC4u8
Таны бизнест хэрэгтэй банкны үйлчилгээ
Бизнест тань хүч нэмэх таатай нөхцөлтэй зээлүүдийг санал болгож байна
Санхүүгийн цогц үйлчилгээ, шилдэг бүтээгдэхүүнээр бизнесүүдэд хөшүүрэг болж, үр шимтэй өсөлтийг хамтдаа бүтэхийг уриалдаг ХААН Банк бизнесийн зээлийн нөхцөлөө сайжруулж, илүү таатай боломжуудыг санал болгож байна. Бизнесийн зээлийн барьцаа хөрөнгийн шаардлагыг бууруулж, голлох зээлүүдийн хэмжээг нэмэгдүүлснээр бизнес эрхлэгчид санхүүжилтээ илүү уян хатан, шуурхай авах боломжтой боллоо.
Бизнесийн зээлийн төрлүүд:
🌱Ноос, ноолуур, арьс ширний боловсруулах үйлдвэрлэлийг дэмжих зээл
🌱Эмэгтэй бизнес эрхлэгчдийн цахим шилжилтийг дэмжих бизнесийн зээл
🌱ПОС-ын орлого барьцаалсан цахим зээл, ПОС-ын орлого барьцаалсан зээл авах зааварчилгаа
🌱Тариаланч, үйлдвэрлэгчдэд зориулсан хөнгөлөлттэй зээл
Бизнесийн эргэн тойронд цахим товхимолд бүртгүүлэхийг хүсвэл ЭНД дарна уу
Тус цахим товхимлыг ХААН Банкнаас Business.MN-тэй хамтран хүргэв.
Хаяг: ХААН Банк цамхаг, Чингисийн өргөн чөлөө-6, Стадион Оргил-1, Хан-Уул дүүрэг, Улаанбаатар 17010, Монгол Улс
